Director Samuthirakani: எம்எல்ஏ வாழ்க்கை வரலாறு படத்தில் நடிக்கும் சமுத்திரகனி

இன்றைய தேதியில் தமிழ், தெலுங்கு என இரு மொழிகளிலும் பிஸியான நடிகராக இருந்து வருபவர் சமுத்திரகனி. அவ்வப்போது கன்னடம், மலையாளம் சினிமாக்களிலும் தலைகாட்டி வருகிறார்.

சமுத்திரகன கதையின் நாயகன், குணச்சித்திரம், வில்லன் என எந்த வேடத்தில் ஏற்று நடிப்பதுடன், அதற்கு ஏற்ப கச்சிதமான நடிப்பையும் வெளிப்படுத்தி ரசிகர்களின் மனம் கவர்ந்த நடிகராக உள்ளார்.

இதையடுத்து பிரபல கம்யூனிஸ்ட் எம்எல்ஏ வாழ்க்கை வரலாறு படத்தில் சமுத்திரகனி நடிக்கவுள்ளாராம். தெலங்கானா மாநில எல்லண்டு தொகுதியில் போட்டியிட்டு ஜெயித்த முன்னாள் எம்எல்ஏ கும்மாடி நர்சய்யா வாழ்க்கை வரலாற்று திரைப்படமாக சமுத்திரகனி நடிக்கும் படம் உருவாகிறது.

இந்திய கம்யூனிஸ்ட் (மார்க்சிஸ்ட்-லெனினிஸ்ட்) புதிய ஜனநாயகம் கட்சியை சேர்ந்த முன்னாள் எம்எல்ஏ கும்மாடி நர்சய்யா, சுயேட்சையாக போட்டியிட்டு ஐந்து முறை எம்எல்ஏவாக தேர்ந்தெடுக்கப்பட்டார்.

மக்களுக்கான மனிதன் என்று அழைக்கப்பட்ட இவருக்கு சொந்தமாக வீடு கூட இல்லை. எம்எல்ஏ ஆன பின்னரும் சைக்கிள், பொது வாகனங்களில் பயணம் செய்து வந்துள்ளார்.

சமுத்திரக்கனி நடிக்க இருக்கும் இவரது வாழ்க்கை வரலாறு படம் தெலுங்கில் உருவாக இருப்பதாக தகவல்கள் வெளியாகியுள்ளன. தமிழிலும் படம் டப் செய்யப்பட்டும் வெளியிடப்படும் என கூறப்படுகிறது.

சமுத்திரகனி இயக்கத்தை விட்டு நடிப்பதில் அதிக கவனம் செலுத்து வருகிறார்.  பிரமாண்ட இயக்குநர் ஷங்கர் இயக்கத்தில் உருவாகி வரும் இந்தியன் 2, கேம் சேஞ்சர்ஸ் என இரு படங்களிலும் முக்கியத்துவம் வாய்ந்த கதாபாத்திரத்தில் நடித்துள்ளார். இதுதவிர இவரது நடிப்பில் மேலும் சில படங்கள் வரிசை கட்டி திரைக்கு வரவுள்ளன.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9