ஆம்பளையா இருந்தா நேர்ல வாடா.. டிடிஎஃப் வாசனுக்கு சவால் விடும் செல்அம்.. அலற வைத்த அஜீஸ்! - நடந்தது என்ன?

தன்னை ‘மஞ்சள் வீரன்’திரைப்படத்தில் இருந்து தூக்கியது துரோகம் என்று டிடிஎஃப் வாசன் பேசி வீடியோ வெளியிட்டு இருந்தார். அதற்கு மஞ்சள் வீரன் இயக்குநர் செல்அம் டிடிஎஃப் வாசன் ஊர் சுற்றிக்கொண்டு, ஷூட்டிங்கிற்கு ஒத்துழைப்பு தர மறுத்த காரணத்தினால்தான், அவரை படத்தில் இருந்து தூக்கினோம். அவர் தற்போது என்னைப் பற்றி வீடியோவில் பேசி தற்போது 3 லட்சம் வரைக்கும் அவர் சம்பாதித்து இருக்கிறார் என்று குற்றம் சாட்டினார். இந்த நிலையில், செல் அம் தற்போது எஸ். எஸ். மியூசிக் சேன்லுக்கு பேட்டிக்கொடுத்து இருக்கிறார்.

ஆம்பளையா இருந்தால்

இது குறித்து அவர் பேசும் போது, “டிடிஎஃப் வாசன், சரியான ஆம்பளையாக இருந்தால், இங்கிருக்கும் எல்லா பத்திரிக்கை முன்னரும்  வரவேண்டும். என்னுடன் அவர் நேருக்கு நேராக அமர்ந்து பேட்டிக்கொடுக்க வேண்டும். அப்போது உண்மை தெரியும். போனில் பேசுவது, பின்னால் இருந்து ஒளிந்து கொண்டு பேசுவது, பாம்பேவில் இருந்து கொண்டு பேசுவதெல்லாம் என்னிடம் நடக்காது.  தைரியம் இருந்தால், நேரில் வா என்றைக்கு தேதி என்று சொல். அன்றைய தேதியில் நான் உன்னை நேருக்கு நேராக சந்திக்கிறேன்” என்றார். 

இதற்கிடையே, அவரிடம் பேட்டி எடுத்த தொகுப்பாளர் டிடிஎஃப் வாசனின் நண்பரான அஜீஸூக்கு போன் செய்து, செல்அம் உடன் பேச வைத்தார். அப்போது பேசிய அஜீஸ், நான் அவர்களுடன் கிட்டத்தட்ட ஒன்றை வருடங்களாக பயணித்துக் கொண்டிருக்கிறேன். டி டி எஃப் வாசன், அவரைப்பற்றி பேசி பணம் சம்பாதித்து விட்டார் என்று பேட்டி கொடுத்திருக்கிறார் உண்மையில் டிடிஎப் வாசனை கமிட் செய்வதற்கு முன்னால் இவர் யார் என்று யாருக்கும் தெரியாது. அவருடன் நேர்காணல் வேண்டும் என்கிறாரா? அவருடன் நேர்காணல் செய்து நாங்கள் என்ன சம்பதிக்கப்போகிறோம். அவர் கூறுவது அனைத்தும் பொய்” என்று கூறினார். 

முன்னதாக, மஞ்சள் வீரன் இயக்குநர் தனக்கு துரோகம் இழைத்து விட்டதாக டி டி எப் வாசன் பேசி இருந்தார். அந்த பேட்டி இங்கே

மஞ்சள் வீரன் திரைப்படத்தை பொறுத்த அளவுக்கு, ஒரே ஒரு போட்டோ ஷூட் மற்றும் பட பூஜை மட்டுமே நடந்திருக்கிறது. பட பூஜைக்கும், அவர்களது அலுவலக முன்பணத்திற்கும் நான்தான் பண உதவி செய்தேன். நான் அதற்காக பணத்தை ஏமாற்றி விட்டார்கள் என்றெல்லாம் கூற மாட்டேன். அவர் நெருக்கடியில் இருப்பதை என்னால் உணர முடிந்த காரணத்தால் நான் என்னால் முடிந்த உதவியை அவருக்குச் செய்தேன்.

காசு வேண்டாம்

அந்தக் காசெல்லாம் எனக்கு தற்போது திரும்ப வேண்டாம். போன் அடித்தால் அவர் எடுக்காமல் உடன் இருப்பவரை வைத்து பேச வைப்பதற்கான காரணம் கூட இதுவாக இருக்கலாம். அதற்காகத்தான் நான் சொல்கிறேன். படத்தின் 30 சதவீத வேலைகள் முடிந்த நேரத்தில் நான் படத்தில் இருந்து நீக்கப்பட்ட தாக பேசி இருக்கிறார். அது பொய்.

நான் பதிலடி கொடுப்பேன்

நான் கொடுத்த காசை வைத்து நீங்கள் வாழ்க்கையில் பெரிய ஆளாக வாருங்கள். அது எனக்கு சந்தோசம்தான். என்னுடைய வாழ்க்கையில் என்னிடம் இருந்த நிறைய விஷயங்களை நான் இழந்து இருக்கிறேன்; எவ்வளவோ விஷயங்களில் நான் ஏமாந்து இருக்கிறேன். இன்னும் என்னெல்லாம் நடக்கப் போகிறதோ என்று எனக்கு தெரியவில்லை. எனக்கு இப்படிப்பட்ட ஒரு துரோகத்தை செய்த அவர்களுக்கு வெற்றியின் மூலம் பதிலடி கொடுப்பேன்” என்று பேசினார்” என்று பேசினார். 

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.