Chris Gayle Oh Fathima Song: பாலிவுட் டாப் நடிகையுடன் டான்ஸ் ஆட விரும்பும் கிறிஸ் கெய்ல் - யார் தெரியுமா?

இந்தியாவை சேர்ந்த பிரபல பாடகரான அர்கோவுடன் இணைந்து, கிரிக்கெட் வீரர் கிறிஸ் கெய்ல் ஓ ஃபாத்திமா என்ற மியூசிக் விடியோவில் பாடி, நடித்துள்ளார். இந்த பாடலின் வெளியீட்டு நிகழ்ச்சியில் பங்கேற்ற கிறிஸ் கெய்லிடம், பாலிவுட் பிரபலம் யாருடன் இணைந்து பணியாற்ற விருப்பம் என கேட்கப்பட்டது.

இதற்கு பதில் அளித்த அவர், " நான் தீபிகா படுகோனேவை தனிப்பட்ட முறையில் சந்தித்துள்ளேன். மிகவும் அருமையான பெண்மனி அவர். அவருடன் ஒரு பாடலில் இணைந்து ஆட விரும்புகிறேன்.

கொரோனா பெருந்தொற்று காலத்தில் வீட்டுக்குள் அடைந்து இருந்தபோது மியூசிக் அமைக்க வேண்டும் என தூண்டுதல் உருவானது. அப்போது நண்பர் ஒருவர் இணைந்து பாடல் செய்யலாம் என்றார். அப்போது எனது வீட்டில் வைத்து பாடல் ஒன்றை உருவாக்கினோம். ஜமைக்கா மக்கள் அந்த பாடலுக்கு அளித்த வரவேற்பால் நான் ஈர்க்கப்பட்டேன்.

பின்னர் வீட்டிலேயே ஸ்டுடியோ செட்டப் செய்து, இசை துறையில் உள்ள பிரபலங்களுடன் கைகோர்த்து மற்றொரு பாடலையும் உருவாக்கினேன்.

இனி கிரிக்கெட்டில் பெரிய எதிர்காலம் எனக்கு இருக்காது என்பதால் பாடகராக ஜொலிக்க திட்டமிட்டுள்ளேன்.

இவ்வாறு அவர் கூறினார்.

பிரபல பாடகர், கம்போஸரான அர்கோ பிராவோ முகர்ஜியுடன் இணைந்து கிறிஸ் கெய்ல் பாடியிருக்கும் இந்த பாடலில் உஸ்பெகிஸ்தான் பிரபலம் கரினா கர்ரா நடித்துள்ளார். இந்த பாடல் ஜமைக்கா, இந்தியா ஆகிய நாடுகளில் வெளியிடப்பட்டுள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9