Chilla chilla song: தகிட தகிட தாக்… வெளியானது சில்லா சில்லா பாடல்

அஜித் நடித்துள்ள துணிவு திரைப்படம் பொங்கல் பண்டிகையை முன்னிட்டு ஜனவரி 12ஆம் தேதி வெளியாக உள்ளது.

துணிவு படத்தை தமிழ்நாட்டில் உதயநிதியின் ரெட் ஜெயன்ட் மூவிஸும், வெளிநாடுகளில் லைகா நிறுவனங்களும் வெளியிடவுள்ளது.

இதிக் மஞ்சு வாரியர், சமுத்திரக்கனி, ஜான் கோக்கன், சிபி சக்கரவர்த்தி, அமீர் உள்ளிட்டோர் நடித்துள்ளனர். ஜிப்ரான் இந்த படத்திற்கு இசையமைத்துள்ளார்.

படத்தின் படப்பிடிப்பு ஹைதராபாத், சென்னை, விசாகப்பட்டினம், பேங்காக் நகர்களில் நடந்தது. இந்த படத்தின் இறுதிக்கட்ட படப்பிடிப்பு சென்னையில் நடந்தது.

இந்நிலையில் துணிவு படத்தில் இடம் பெற்றுள்ள சில்லா சில்லா பாடம் இன்று மாலை 6.30 மணிக்கு வெளியாகும் என படக்குழு அறிவித்து இருந்தது.

அறிவித்தபடி சில்லா சில்லா பாடல் வெளியாகி உள்ளது. பாடலாசிரியர் வைசாக் பாடல் எழுதியுள்ளார். அனிருத் ரவிச்சந்தர், வைசாக், ஜிப்ரான் இந்த பாடலை பாடியுள்ளனர்.

முன்னதாக பாடல் எழுதியது குறித்து பேசிய பாடலாசிரியர் வைசாக், "சில்லா சில்லா பாடலை எழுத 2 நாட்கள் எடுத்து கொண்டேன். முதல் பாடல் எழுதி சில நாட்களுக்கு பின்னர் ஜிப்ரான் அவரது ஸ்டூடியோவுக்கு என்னை அழைத்தார். அதற்கு பிறகு பாடல் எழுதினேன் “ என்றார்.