‘சீரியல்னு சொன்னது ஒரு குத்தமா?’ வம்சியை வம்பிழுக்கும் ப்ளூ சட்டை மாறன்!

பொங்கல் ரிலீஸாக ஜனவரி 11 ம் தேதி வெளியான விஜய் நடித்த வாரிசு திரைப்படம், பொங்கல் ரேஸில் நல்ல வசூல் செய்து வருகிறது. அஜித் நடித்த துணிவு படத்துடன் போட்டி போட்டு பொங்கல் கொண்டாட்டத்தை ரூசிகரமாக்கி வரும் வாரிசு படம், சில கலவை விமர்சனங்களையும் பெற்று வருகிறது.

குறிப்பாக, படத்தின் நீளம் கிட்டத்தட்ட 3 மணி நேரத்தை நெருங்குவது, படத்தின் பெரிய மைனஸ் ஆக கூறப்படுகிறது. அதே போல, படத்தின் கதை , கிட்டத்தட்ட தமிழ் சினிமாவில் பெரும்பாலும் பயன்படுத்தப்பட்ட, பார்த்த கதை தான். என்றாலும், விஜய்க்காக அதில் நிறைய ஸ்பெஷல் திணிப்புகளும் இல்லாமல் இல்லை.

வாரிசு படத்திற்கு என்னதான் விமர்சனம் வந்தாலும் அதன் வசூல் இன்று வரை குறையவில்லை. குறிப்பாக, விமர்சகர்களின் கடுமையான தாக்குதலுக்குப் பிறகும், வாரிசு திரைப்படம் இந்த அளவிற்கு வசூலை கொட்டும் என யாரும் எதிர்பார்க்கவில்லை.

இது ஒரு புறமிருக்க, வாரிசு படம் வெளியானதைத் தொடர்ந்து படத்தின் தயாரிப்பாளர் தில் ராஜூ, இயக்குனர் வம்சி ஆகியோர் தமிழ்நாடு வந்து, இங்குள்ள செய்தியாளர்களை தனியாகவும், கூட்டாக சந்தித்து வருகின்றனர்.

அந்த வகையில், முன்னணி இணையதளம் ஒன்றுக்கு பேட்டியளித்த வாரிசு படத்தின் இயக்குனர் வம்சி, ‘படம் எடுப்பது ஒன்றும் சாதாரண விசயமில்லை என்றும், அது ஒன்றும் ஜோக் இல்லை என்றும் கூறிய அவர், நான் விமர்சகர்களுக்காக படம் எடுக்கவில்லை; மக்களுக்காக படம் எடுக்கிறேன்’ என, வாரிசு தொடர்பான விமர்சனங்களுக்கு ஆதங்கத்துடன் பதிலளித்திருந்தார்.

இந்நிலையில், இயக்குனரின் அந்த பேட்டியை பகிர்ந்த சினிமா விமர்சகர் ப்ளூ சட்டை மாறன்,

‘‘உண்மைய சொன்னா பயங்கரமா கொந்தளிக்கராறே? நாட்ல நீங்க மட்டும்தான் உழைக்கறீங்களா? மத்தவங்களுக்கு காசு சும்மா வருதா? போதாக்குறைக்கு தியாகம் வேற பண்றாங்களாம். சீரியல் மாதிரி இருக்குன்னு சொன்னது ஒரு குத்தமா?,’’
என்று பதிலடி கொடுத்துள்ளார்.

ப்ளூ சட்டை மாறனின் இந்த பதிலடி, ஏற்கனவே கொந்தளிப்பில் இருக்கும் விஜய் ரசிகர்களுக்கு மேலும் கெந்தளிப்பை ஏற்படுத்தியுள்ளது.