இது நமத்துப் போன பட்டாசு.. தீபாவளி முடிந்தும் பிக்பாஸ் வீட்டில் கேட்கும் சத்தம்.. மொத்த ஃபோக்கஸ்ஸும் அங்க தான்!

விஜய் டிவியில் ஒளிபரப்பாகி வரும் பிக்பாஸ் சீசன் 8 4வது வாரத்தின் இறுதிக் கட்டத்தை எட்டியுள்ளது. இந்நிலையில், பிக்பாஸ் வீட்டில் போட்டியாளர்கள் வெற்றிகரமாக 25 நாட்களை நிறைவு செய்துள்ளனர். இதனை போட்டியாளர்கள் அனைவரும் நேற்று கேக் வெட்டி கொண்டாடினர். தீபாவளியை முன்னிட்டும், பிளடி பெக்கர் படத்தின் புரொமோஷனுக்காகவும் நடிகர் கவின் பிக்பாஸ் வீட்டிற்குள் வந்தார். அவருடன் தான் போட்டியாளர்கள் கொண்டாட்டத்தில் ஈடுபட்டனர்.

கொளுத்திப் போட்ட டாஸ்க்

இந்நிலையில், தீபாவளி கொண்டாடிய போட்டியாளர்கள் அனைவரும் நேற்று உண்மையான பட்டாசுகளை வெடித்த நிலையில், இன்று பிக்பாஸ் டாஸ்க் மூலம் வீட்டில் கொளுத்திப் போட்டுள்ளது. அதற்கான ப்ரோமோவை விஜய் டிவி வெளியிட்டுள்ளது.

பிக்பாஸ் வீட்டின் கேப்டனான முத்துக் குமரன், பிக்பாஸ் அறிவித்துள்ள டாஸ்க்கை வாசித்துக் காட்டுகிறார். அதில், இந்த பிக்பாஸ் வீட்டில் உள்ள டமால் டுமீல் பட்டாசு யார்? நமத்துப் போன பட்டாசு யார்? அதற்கான காரணம் என்ன என்பது குறித்து தெரிவிக்குமாறு அறிவித்துள்ளார்.

டமால் டுமீல் பட்டாசு

இதையடுத்து, யார் டமால் டுமீல் பட்டாசு என கூற ஜாக்குலீன் வந்தார். அதில் ஜாக்குலின் டமால் டுமீல் பட்டாசாக இந்த வீட்டில் இருப்பது சுனிதா தான். இவர் இந்த வீட்டில் இருப்பதைக் காட்டுவதற்காகவே, எப்போது வெடித்துக் கொண்டிருக்கிறார் எனக் கூறினார்.

அடுத்ததாக வந்த சாச்சனாவும் சுனிதாவையே டமால் டுமில் பட்டாசு எனக் கூறியுள்ளார். ஒரு விஷயத்திற்கு ஓரளவுக்கு ரியாக்ஷன் கொடுத்தால் பரவாயில்லை. ஆனால், அவர் ஓவராக ரியாக்ட் செய்கிறார் எனக் கூறினார்.

நமத்துப் போன பட்டாசு ரஞ்சித்

பின் நமத்துப் போன பட்டாசு யார் எனக் கூற வந்த ஜெஃப்ரி ரஞ்சித் தான் இந்த வீட்டில் நமத்துப் போன பட்டாசாக இருக்கிறார் என்றார்.

இதையடுத்து வந்த ரஞ்சித், நமத்துப் போன பட்டாசு என நினைத்துக் கொண்டிருந்தால் திடீரென வெடித்துவிடும். பின் முகம் எல்லாம் கருகிவிடும் என எச்சரித்தார்.

என்னும் செய்யாத சௌந்தர்யா

பின்னால் வந்த சௌந்தர்யா, இந்த வீட்டில் நிறைய நமத்துப் போன பட்டாசு என்றால் அது சத்யா தான் என்றார். அதைத் தொடர்ந்து வந்த சத்யா, சௌந்தர்யாவை நமத்துப் போன பட்டாசு எனக் கூறினார். அதற்கான காரணம் என்ன என சௌந்தர்யா கேள்வி எழுப்பிய நிலையில், அடுத்ததாக வந்த அருணும் சௌந்தர்யாவை நமத்துப் போன பட்டாசு என்றார். ஆள்மாறாட்ட டாஸ்க்கைத் தவிர மற்ற எந்தப் போட்டிகளிலும் சௌந்தர்யா ஆக்டிவ்வாக செயல்படவில்லை எனக் கூறியிருந்தார்.

கலவரத்தை தூண்டும் பிக்பாஸ்

இப்படியாக, பிக்பாஸ் வீட்டில் தீபாவளி முடிந்தும் பட்டாசுகள் வெடித்து வருகிறது. ஏற்கனவே, ஆள் மாறாட்ட டாஸ்க்கில் பலரும் தங்கள் மனதில் வைத்திருந்த வன்மத்தை தீர்த்து வந்த நிலையில், இப்போது யார் எதற்கெடுத்தாலும் கத்துகிறார், யார் இருக்கும் இடம் தெரியாமலேயே இருக்கிறார் என்ற தௌனியில் டமால் டுமீல் பட்டாசு, நமத்துப் போன பட்டாசு என போட்டியாளர்களை பிரித்து அடுத்த கலவரத்தை உண்டாக்கி உள்ளது. இதனால் இன்றைய போட்டி மிகவும் சுவாரசியமாக இருக்கும் என ரசிகர்கள் எதிர்பார்த்து வருகின்றனர். பிக்பாஸ் நிகழ்ச்சியின் டிஆர்பி குறைந்ததால் இப்படி வித்தியாசமான டாஸ்க்குகளை கொடுத்துள்ளது.