நான் இந்தப் பேரு வாங்க இங்க வரல.. வாய்ஸ் ரைஸ் பண்ணாதிங்க.. இது சௌந்தர்யாவின் சம்பவம்

பிக்பாஸ் வீட்டில் போட்டியின் சுவாரசியத்தை அதிகரிக்க ஆள் மாறாட்டம் எனும் டாஸ்கை பிக்பாஸ் அறிவித்துள்ளது. இதையடுத்து போட்டியாளர்கள் ஒவ்வொரு நபரை தேர்வு செய்து அவர்களின் நடை, உடை, பாவனைகளை பின்பற்றி நடித்துக் காட்டி வருகின்றனர். இந்தப் போட்டியில் அதிகம் சம்பவம் செய்து வருவது சௌந்தர்யா தான்.

சத்தத்தை காட்டும் சவுண்டு

இதுவரை எந்த டாஸ்கிலும் சரியாக விளையாடவில்லை. குழுவினருடன் ஒருங்கிணைப்பு இருந்தது இல்லை என ஏகப்பட்ட புகார்களை சமந்து வரும் சௌந்தர்யா, தனக்கு கிடைத்த இந்த வாய்ப்பை மிகவும் சரியாக பயன்படுத்தியுள்ளார். சௌந்தர்யா பெரும்பாலும் சுனிதாவின் பேச்சால் எரிச்சலடைவார். இதனால், இப்போது அவர், சுனிதாவை பழிவாங்கும் நோக்கத்தில் அவரைப் போல நடித்து காண்பித்து வெறுப்பேற்றி வருகிறார்.

சுனிதா சக வீட்டாளர்களிடம் எப்படி நடந்து கொள்கிறார் என்பதை தத்ரூபமாக நடித்துக் காட்டி இருப்பார். கடந்த வாரம் விஜய் சேதுபதி வீட்டில் யார் எந்த வேளையும் செய்யாமல், தான் உண்டு தன் வேலை உண்டு என இருப்பார், எந்த வேலையும் செய்யாமல் யார் இருக்கிறார் என்பதை மேனேஜர் எனும் பெயரில் விளக்குமாறு கூறி இருப்பார், இதில் பெண்கள் அணியினர் பெரும்பாலானோர் சுனிதாவையே கூறி இருப்பர்.

சுனிதா வீட்டில் எந்த வேலையும் செய்யாமல், மற்றவர்களிடம் அதிகாரம் செய்கிறார், அவரது வேலைகளை கூட செய்யாமல் இருக்கிறார். அவர் வீட்டின் முதலாளி போல் நடந்து கொள்கிறார். காலையில் எழுந்திரிப்பார், மேக்கப் போடுவார், சாப்பிடுவார், 5 பேர் குழுவிடம் பேசுவார். அவ்வளவு தான். அவர் பிக்பாஸ் வீட்டிலிருந்து வெளியேறினால் எல்லாம் சரியாகிவிடும் என பலரும் குற்றம் சாட்டினர்.

சுனிதாவாக மாறிய சௌந்தர்யா

இந்நிலையில், இன்று சுனிதாவாக மாறிய சௌந்தர்யா, இதுவரை தன் மீது விழுந்த அத்தனை வன்மையான வார்த்தைகளையும் தனது நடிப்பில் வெளிப்படுத்தி இருப்பார். சுனிதா ஜாக்குலினுடன் போட்ட சண்டை, முத்துக் குமரனிடம் சிக்கி திணறியது, சண்டையிட்டு கத்தி அழுவது என சௌந்தர்யா சுனிதாவை வைத்து சம்பம் செய்து வருகிறார்.

வாழைப்பழ சீனுக்கு மிமிக்ரி செய்த ஆனந்தி

இன்னொரு புறம், விஜே ஆனந்தி, சௌந்தர்யாவாக மாறி வாழைப்பழம் சாப்பிட்ட பஞ்சாயத்தை நடித்துக் காட்டி அசத்தி இருப்பார். அத்துடன் அவர், சௌந்தர்யாவின் குரலிலே பேசி அசத்தி இருப்பார்.

குங்குமப் பூ சம்பவம்

அருண் வேடமிட்ட, சத்யா குங்கும் தயாரிக்க பயன்படுத்தும் பொருளைக் கூறி அது தவறு என அறிந்து கொடுத்த ரியாக்ஷனை அப்படியே செய்து காட்டி அசத்தி இருக்கிறார்.

விஜய் டிவியில் ஒளிபரப்பாகி வரும் பிக்பாஸ் சீசன் 8 நிகழ்ச்சி 3 வாரங்களைக் கடந்துள்ளது. இந்த 3 வாரத்திலும் போட்டியாளர்களின் நடவடிக்கை மக்களுக்கு சரியான பொழுதுபோக்கை அளிக்கவில்லை என்ற பேச்சு தொடர்ந்து எழுந்து வருகிறது. அதுமட்டுமின்றி, இந்த பிக்பாஸ் நிகழ்ச்சிக்கு மக்கள் மத்தியில் போதுமான வரவேற்பும் இல்லாமலே இருக்கிறது.

வச்சு செய்யும் விஜய் சேதுபதி

இதனை விஜய் சேதுபதி போட்டியாளர்களிடம் மறைமுகமாக எவ்வளவு எடுத்துக் கூறியும், அதனை போட்டியாளர்கள் புரிந்து கொள்ள மறுக்கின்றனர். போட்டியாளர்கள் விளையாட்டிலும் சரி, பிக்பாஸ் வீட்டிலும் சரி ஏதோ ஆர்வமே இல்லாமல் செயல்படுவது போன்ற எண்ணமே பார்க்கும் அனைவருக்கும் தோன்றி வருகிறது.

இதனால், அவர்களை உற்சாகப்படுத்தும் விதமாகவும், பார்வையாளர்களுக்கு பிக்பாஸ் நல்ல பொழுதுபோக்கு நிகழ்ச்சியாக மாறவும் விஜய் சேதுபதி பல முயற்சிகளை செய்தார்.

சம்பவம் செய்த பிக்பாஸ்

இவை எதுவும் வேலைக்கு ஆகாத நிலையில், அவர்களுக்கு பிக்பாஸே போட்டி என்ற பெயரில் ஒரு சம்பவத்தை செய்துள்ளது. அதுதான் ஆள் மாறாட்டம் எனும் போட்டி. இந்தப் போட்டியில், வீட்டில் உள்ள போட்டியாளர்கள் அனைவரும் தங்களுக்கு பிடித்த போட்டியாளர்கள் ஒருவரைத் தேர்ந்தெடுக்க வேண்டும். பின், அவர்களின் நடை, உடை, பாவனைகளைப் போல் நடித்துக் காட்டி அவர்களாகவே மாற வேண்டும். இதுதான் அந்தப் போட்டி.

முத்துக் குமரன் கூறிய டாஸ்க்

இந்த ஆள் மாறாட்டம் போட்டி வீக்லி டாஸ்க்காக அறிவிக்கப்பட்டுள்ளது. பிக்பாஸ் வீட்டின் கேப்டன் முத்துக் குமரன் இந்த டாஸ்க் குறித்த அனைத்து தகவல்களையும் மற்ற போட்டியாளர்களுக்கு எடுத்துரைத்தார்.