Bigg Boss 7: ஊரு ரெண்டாயிடுச்சு.. ரெண்டு'ல ஒன்னு பார்க்கலாமா? - பிக் பாஸ் பார்க்க தயாரா..

தமிழ் சின்னத்திரையில் அனைவரின் கவனத்தையும் ஈர்த்த நிகழ்ச்சியாக மாறியிருப்பது பிக்பாஸ் நிகழ்ச்சி. இந்த நிகழ்ச்சியின் முதல் சீசனுக்கு மக்களிடையே கிடைத்த வரவேற்பானது, இந்த நிகழ்ச்சியை அடுத்தடுத்த சீசன்களுக்கு கொண்டு சென்றது.

அந்த வகையில் கடைசியாக ஒளிப்பரப்பட்ட பிக்பாஸ் நிகழ்ச்சியின் 6 வது சீசனின் வின்னராக சின்னத்திரை நடிகர் அசீம் தேர்ந்தெடுக்கப்பட்டார். 

இவருடன் போட்டியிட்ட விடுதலை சிறுத்தைக்கட்சியைச் சேர்ந்த விக்ரம் தான் டைட்டில் வின்னராக அறிவிக்கப்படுவார் என்று எதிர்பார்க்கப்பட்ட நிலையில், அசீம் தேர்ந்தெடுக்கப்பட்டது ரசிகர்கள் மத்தியில் அதிருப்தியை ஏற்படுத்தி இருந்தது.

பிக் பாஸ் ஏழாவது சீசன் எப்போது தொடங்கும் என ரசிகர்கள் எதிர்பார்த்து காத்திருக்கிறார்கள்.

அவர்களின் எதிர்பார்ப்பை பூர்த்தி செய்யும் வகையில், கமல் ஹாசன் மீண்டும் தொகுப்பாளராக வரும் ப்ரோமோ சமீபத்தில் வெளியானது. மேலும் அனைவரையும் ஆச்சரியப்படுத்தும் வகையில், இந்த சீசனில் இரண்டு வீடுகள் அறிவிக்கப்பட்டுள்ளன.

இந்நிலையில் பிக் பாஸ் 7 ஆவது சீசன் தொடங்கும் தேதி குறித்த அறிவிப்பு வெளியாகி உள்ளது. அதன்படி, அக்டோபர் 1 முதல் ஞாயிறு மாலை 6 மணி முதல் நிகழ்ச்சி தொடங்க இருப்பதாக கமல் ஹாசன் அறிவித்து உள்ளார். மேலும், ஊரு ரெடியாயிடுச்சு.. ரெண்டு'ல ஒன்னு பார்க்கலாமா என்ற அதிரடி வசனத்தை பேசி உள்ளார். இந்த அறிவிப்பு பிக் பாஸ் ரசிகர்களிடையே அதிர்ச்சியை ஏற்படுத்தி உள்ளது. 

பிக் பாஸ் சீசன் 7ல் ரேகா நாயர், பப்லு பிருத்விராஜ், ரச்சிதாவின் முன்னாள் கணவர் தினேஷ் ஆகியோர் பங்கேற்பார்கள் என தகவல் வெளியானது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9