Bagasuran First Single: பகாசுரன் ஃபர்ஸ்ட் சிங்கள் வெளியீடு!

மோகன் ஜி இயக்கத்தில் உருவாகி வரும் திரைப்படம் பகாசுரன். இப்படத்தில் முக்கிய கதாபாத்திரத்தில் இயக்குனர் செல்வராகவன் நடித்து வருகிறார்.

இவர்களுடன் ராதாரவி, சரவண சுப்பையா, மன்சூர் அலிகான், தேவதர்ஷினி உள்ளிட்ட பல நடிகர்கள் நடித்து வருகின்றனர். இப்படத்தில் கதாநாயகியாக தாராஷி நடித்துள்ளார்.

இந்த படத்தை இயக்குனர் மோகன் ஜியின் ஜிஎம் பிலிம் கார்ப்பரேஷன் நிறுவனம் தயாரித்து வருகிறது. இப்படத்தின் டீசர் ஆனது சமீபத்தில் வெளியாகி பெரும் வரவேற்பு பெற்றது. தற்போதைய படத்தின் தயாரிப்பு பணிகள் வேகமாக நடந்து வருகிறது.

இப்படத்திற்கு சாம் சி எஸ் இசையமைத்துள்ளார். இவர் பாடியுள்ள சிவ சிவாயம் என்ற ஃபர்ஸ்ட் சிங்கள் பாடல் இன்று வெளியாகி உள்ளது. பக்தி பாடலாக வெளியாகி உள்ள இந்த பாடல் ரசிகர்களிடையே பெரும் வரவேற்பை பெற்று வருகிறது.