Ashok Selvan: என்ன இப்படி ஆகிடுச்சு.. திருமணமானவுடன் மோதி கொள்ளும் அசோக் செல்வன், கீர்த்தி பாண்டியன்
Nov 30, 2023, 11:40 AM IST
Share
Ashok Selvan And Keerthi Pandian: அசோ செல்வனும், கீர்த்தி பாண்டியனும் டிசம்பர் 15 ஆம் தேதி ஃபாக்ஸ் ஆபிஸில் மோத உள்ளனர்.
தமிழில் சூது கவ்வும் படத்தின் மூலம் அறிமுகமாகி வித்தியாசமான கதைகளில் நடித்து வரும் அசோக் செல்வனுக்கு 'ஓ மை கடவுளே' படம், திருப்புமுனை படமாக அமைந்தது. இவர் நடிப்பில் சமீபத்தில் வெளியான 'போர் தொழில்' திரைப்படம் ரசிகர்கள் மத்தியில் நல்ல வரவேற்பை பெற்றது.
அருண் பாண்டியனின் மகளும் நடிகையுமான கீர்த்தி பாண்டியனும் அசோக் செல்வனும் கடந்த சில வருடங்களாகக் காதலித்து வந்தனர்.
இவர்களின் காதலுக்கு இரு வீட்டிலும் சம்மதம் தெரிவித்ததை அடுத்து செப் 13 ஆம் தேது திருநெல்வேலி, பாளையங்கோட்டை அருகே உள்ள இட்டேரியில் திருமணம் செய்து கொண்டார்கள்.
கீர்த்தி பாண்டியன் நிறம் தொடர்பான பல்வேறு சர்ச்சைகள் எழுந்தது. ஆனால் தன் மனைவி தான் தனக்கு மிகவும் அழகு என அசோக் செல்வன் பதிலடி கொடுத்தார். திருமணத்திற்கு பிறகு இருவரும் தங்கள் படங்களில் பிஸியாக இருக்கிறார்கள்.
நடிகர் அசோக் செல்வன் தர்போது சி.எஸ். கார்த்திகேயன் இயக்கத்தில் உருவாகி இருக்கும் சபா நாயகன் படத்தில் நடித்து உள்ளார். லியோன் ஜேம்ஸ் இந்த படத்தை இசையமைத்து உள்ளார். இப்படம் வரும் டிசம்பர் 15 ஆம் தேதி வெளியாக உள்ளது.
நடிகை கீர்த்தி பாண்டியன் நடிப்பில் தற்போது உருவாகி இருக்கும் கண்ணகி படமும் ரிலீஸுக்கு தயாராக உள்ளது. இப்படத்தை யஷ்வந்த் கிஷோர் இயக்கி உள்ளார். E5 என்டர்டெயின்மென்ட் மற்றும் ஸ்கைமூன் என்டர்டெயின்மெண்ட் இணைந்து இந்த படத்தை தயாரித்து இருக்கிறது.
கதாநாயகியை மையமாக வைத்து உருவாகி இருக்கும் இப்படத்தில் கீர்த்தி பாண்டியன் கர்ப்பிணிப் பெண்ணாக நடித்து இருக்கிறார். இப்படம் வரும் டிசம்பர் 15 ஆம் தேதி வெளியாக உள்ளது.
திருமணமாகி மூன்று மாதங்களில் அசோக் செல்வன் மற்றும் கீர்த்தி பாண்டியன் தங்களின் படங்கள் மூலமாக மோதிக் கொள்ள போகிறார்கள். இதை சற்றும் எதிர்பார்க்கவே இல்லை என கீர்த்தி பாண்டியன் தனது சமூக வலைதளங்களில் பதிவிட்டு இருக்கிறார்.
தமிழ் சினிமாவில் நிஜ வாழ்க்கையில் இருக்கும் கணவன், மனைவியின் படங்கள் ஃபாக்ஸ் ஆபிஸில் களமிறங்குவது அரிதான நிகழ்வு. அது கீர்த்தி பாண்டியன், அசோக் செல்வனுக்கு நடந்து இருக்கிறது. இதில் யார் படம் ஃபாக்ஸ் ஆபிஸில் வசூலை அள்ளும் என பார்க்கலாம்.
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்