Arjun Das: ‘லைஃப் டைம் செட்டில்மெண்ட்டா..’ - மலையாள உலகில் அர்ஜுன் தாஸ்! - டைரக்டர் யாரு தெரியுமா?

லோகேஷ் கனகராஜ் இயக்கத்தில் வெளியான கைதி திரைப்படத்தில் வில்லனாக நடித்து பிரபலமானவர் நடிகர் அர்ஜூன் தாஸ். தொடர்ந்து இவர் நடிப்பில் வெளியான அந்தகாரம்,  அநீதி உள்ளிட்ட படங்கள் மக்களிடத்தில் வரவேற்பை பெற்றன. 

இதனிடையே விஜய் நடிப்பில் வெளியான மாஸ்டர், கமல் நடிப்பில் வெளியான விக்ரம் ஆகிய படங்களிலும் துணை கதாபாத்திரம் ஏற்று நடித்திருந்தார். 

தன்னுடைய தனித்துவமான குரலால் அடையாளம் காணப்பட்டிருக்கும் இவர், தற்போது மலையாள சினிமாவில் நாயகனாக களமிறங்குகிறார்.இந்தப்படத்தை இயக்குநர் அகமது கபீர் இயக்க இருக்கிறார். 

முன்னதாக அகமது கபீரின் 'ஜூன்', 'மதுரம்' மற்றும் ‘கேரளா க்ரைம் ஃபைல்ஸ் வெப் சீரிஸ்’ உள்ளிட்ட படைப்புகள் மக்களிடையே வரவேற்பை பெற்று இருக்கும் நிலையில், இந்தப்படமும் அந்த வரிசையில் இடம் பெறும் என்று எதிர்பார்க்கப்படுகிறது. 

'ஹிருதயம்', குஷி, & ஹாய் நானா ஆகிய படங்களில் பணியாற்றிய ஹேஷாம் அப்துல் வஹாப் இப்படத்திற்கு இசையமைக்கிறார். காதலை மையமாக கொண்டு இப்படம் உருவாகவுள்ளது. படத்தில் பணியாற்றவுள்ள நடிகர்கள் மற்றும் குழுவினர் பற்றிய விவரங்கள் விரைவில் அதிகாரப்பூர்வமாக அறிவிக்கப்படும்.இப்படத்தின் படப்பிடிப்பு விரைவில் துவங்கவுள்ளது.