Ajithkumar: நிபுணத்துவம் பெற்ற மருத்துவர்களால் மூளையில் அறுவை சிகிச்சை? நலமுடன் இருக்கும் அஜித்குமார்

அஜித்குமார் மூளையில் சிறிய கட்டி இருப்பது கண்டறியப்பட்ட நிலையில், அவருக்கு மூளையில் அறுவை சிகிச்சை மேற்கொள்ளப்பட்டதாக கூறப்படுகிறது. இதற்காக நிபுணத்துவம் பெற்ற சிறப்பு மருத்துவர்கள் வரவழைக்கப்பட்டார்களாம். மதுரை, கேரளா உள்ளிட்ட இடங்களில் இருந்து சென்னை வந்த மருத்துவர்கள் அறுவை சிகிச்சை மேற்கொண்டார்களாம். அவரது மூளையில் இருந்ததாக கூறப்பட்ட கட்டி அகற்றப்பட்டதாக கூறப்படுகிறது.

இதையடுத்து அஜித்குமார் அறுவை சிகிச்சை முடிந்து நலமுடன் இருப்பதாக மருத்துவமனை வட்டார தகவல்கள் தெரிவிக்கின்றன. அத்துடன் அவர் ஐசியூவில் மருத்துவ ஓய்வில் இருந்து வருவதாக கூறப்படுகிறது. இதுகுறித்து அதிகாரப்பூர்வ அறிவுப்பு எதுவும் வெளியாகவில்லை.

முன்னதாக, நடிகர் அஜித்குமார் சென்னையில் உள்ள அப்போலோ மருத்துவமனையில் அனுமதிக்கப்பட்டுள்ளார். வழக்கமான உடல் பரிசோதனைக்காக அஜித் மருத்துவமனையில் அனுமதிக்கப்பட்டுள்ளதாக தகவல் வெளியாகின.

கடந்த சில மாதங்களுக்கு முன்னர் அஜித்குமார் மருத்துவமனையில் பரிசோதனை மேற்கொண்டபோது மூளையில் கட்டி இருந்தது தெரியவந்துள்ளது. இந்த கட்டியை அறுவை சிகிச்சை மூலம் நீக்க மருத்துவர்கள் அறிவுறுத்தியதன் பேரின் அஜித்குமார் தற்போது அதற்குரிய சிகிச்சை மேற்கொண்டிருப்பதாக தெரிகிறது.

விடாமுயற்சி

நடிகர் அஜித் குமார், தற்போது மகிழ் திருமேனி இயக்கத்தில் உருவாகி வரும் விடாமுயற்சி படத்தில் நடித்து வருகிறார். 

ஆக்‌ஷன் த்ரில்லர் பாணியில் உருவாகி வரும் இந்த படத்தில் பாலிவுட் நடிகர் சஞ்சய் தத், அர்ஜுன் சர்ஜா, த்ரிஷா, ரெஜினா கசாண்ட்ரா, ஆரவ் உள்ளிட்ட பலர் நடிக்கிறார்கள்.

படத்தின் பெரும்பகுதி அஜர்பைஜாங் உள்பட வெளிநாடுகளில் நடைபெற்று வருகிறது. இந்த படம் குறித்தான அப்டேட்டுக்கு ரசிகர்கள் காத்திருக்கும் நிலையில், அஜித்தின் உடல்நிலை குறித்த இந்த செய்த ரசிகர்களை கவலை அடைய செய்ததது.

இருப்பினும் அஜித்துக்கு வெற்றிகரமாக சிகிச்சை முடிந்து ஓய்வில் இருப்பதாக உலா வரும் செய்தி ஆறுதலாக அமைந்ததுடன், அஜித்தின் உடல்நிலை குறித்த அதிகாரப்பூர்வ தகவலுக்கு ரசிகர்கள் காத்திருக்கிறார்கள்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9