Aishwarya Rajinikanth: ‘கற்பனை செய்தது கூட இல்லை’ - ரஜினி குறித்து மகள் ஐஸ்வர்யா

நடிகர் ரஜினிகாந்த் தற்போது தனது மகள் ஐஸ்வர்யா ரஜினிகாந்த் இயக்கத்தில் ‘லால் சலாம்’ என்ற படத்தில் நடித்து வருகிறார். விஷ்ணு விஷால், விக்ராந்த் ஆகியோர் முக்கிய வேடங்களில் நடிக்கும் நிலையில், ரஜினி மொய்தீன் பாய் என்ற பவர்ஃபுல் ரோலில் நடிக்கிறார்.

சமீபத்தில் அவரது கதாபாத்திரத்தின் ஃபர்ஸ்ட் லுக்கை படக்குழுவினர் வெளியிட்டனர். கிரிக்கெட் பின்னணியில் உருவாகும் இந்த அதிரடி நாடகத்தில் இந்திய அணியின் முன்னாள் வீரர் கபில்தேவ் கெஸ்ட் ரோலில் நடிக்கிறார். இதை ரஜினியே ட்விட்டர் மூலம் தெரிவித்தார்.

ஏழு வருட இடைவெளிக்குப் பிறகு ஐஸ்வர்யா ரஜினிகாந்த் இயக்கும் 'லால் சலாம்' படம், கிரிக்கெட் பின்னணியில் உருவாகிறது. இந்தப் படத்தை லைகா புரொடக்‌ஷன் சார்பில் சுபாஸ்கரன் தயாரிக்கிறார். ஏ.ஆர்.ரஹ்மான் இப்படத்திற்கு இசையமைக்கிறார். விஷ்ணு ரங்கசாமி ஒளிப்பதிவு செய்கிறார்.

இதனிடையே லால் சலாம் படப்பிடிப்பில் தனது அப்பாவுடன் இருக்கும் புகைப்படத்தை சமூக வலைதளங்களில் வெளியிட்டார் ஐஸ்வர்யா ரஜினிகாந்த். அதில் அவர் கூறியிருப்பதாவது, ”நான் உங்களை பார்க்கிறேன். நான் உங்களை வைத்து படம் எடுக்கும் ஒருநாள் வரும் என்று நான் கற்பனை கூட செய்து பார்த்தது இல்லை.

நான் உங்களை மிகவும் மதிக்கிறேன். சில சமயம் நான் உங்கள் வழியாக என்னை பார்க்கிறேன். பெரும்பாலான முறை உங்களுடன் இந்த உலகத்தை பார்க்கிறேன். ஒவ்வொரு நாளும் நீங்கள் தான் நான் என்பதை உணர்கிறேன் அப்பா. உங்களை அதிகமாக நேசிக்கிறேன்” என்று குறிப்பிட்டு உள்ளார்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil