Adhik Ravichandran: நடிகர் பிரபு மகளை கரம் பிடித்த இயக்குநர் ஆதிக் ரவிச்சந்திரன்
Dec 15, 2023, 11:20 AM IST
Share
இயக்குநர் ஆதிக் ரவிச்சந்திரன் மற்றும் ஐஸ்வர்யா பிரபுக்கு இன்று திருமணம் நடைபெற்றது.
‘ மார்க் ஆண்டனி ’ சூப்பர் ஹிட் படத்தின் இயக்குநர் ஆதிக் ரவிச்சந்திரன் மற்றும் நடிகர் பிரபுவின் ஐஸ்வர்யா பிரபுக்கு இன்று திருமணம் நடைபெற்று உள்ளது. சென்னையில் நடைபெற்ற இந்த விழாவில் இரண்டு வீட்டாரின் உறவினர்கள் மற்றும் நண்பர்கள் மட்டுமே கலந்து கொண்டனர்.
அத்துடன் திரையுலகை சேர்ந்த நடிகர்கள், நடிகைகளும் திருமணத்தில் கலந்து கொண்டு மணமக்களை வாழ்த்தினார்கள். இவர்களின் திருமணம் புகைப்படங்கள் சமூக வலைதளங்களில் வெளியாகி வைரலான நிலையில் ரசிகர்கள் தங்களது வாழ்த்துகளை தெரிவித்து வருகிறார்கள்.
ஐஸ்வர்யாவும், இயக்குநர் ஆதிக் ரவிச்சந்திரனும் சில காலமாக நெருங்கிய நண்பர்களாக பழகி வந்தனர். அந்த நட்பு காதலாக மாறியது.
2015 ஆம் ஆண்டு த்ரிஷா இல்லனா நயன்தாரா படத்தின் மூலம் இயக்குநராக நுழைந்தார். இவர் பிரபு தேவா நடித்த பகீரா படத்தையும் இயக்கி உள்ளார்.
ஐஸ்வர்யா முதலில் 2009 ஆம் ஆண்டு தனது தந்தையின் இளைய சகோதரியான தேன்மொழி மகன் குணாலை திருமணம் செய்து கொண்டார். ஆனால் இருவருக்கும் இடையே ஏற்பட்ட தகராறு காரணமாக விவாகரத்து பெற்று பிரிந்துவிட்டார்கள்.
இயக்குநர் மேஜர் ரவியிடம் உதவி இயக்குநராக பணியாற்றிய ஆதிக் ரவிச்சந்திரன் 2015 ஆம் ஆண்டு வெளியான, த்ரிஷா இல்லன்னா நயன்தாரா படத்தின் மூலம் இயக்குநராக அறிமுகமானார்.
அந்த படம் மிகப்பெரிய அளவில் சர்ச்சையை கிளப்பியது. இதனையடுத்து இளைஞர்கள் மத்தியில் பிரபலமான ஆதிக் ரவிச்சந்திரன் தொடர்ந்து சிம்புவை வைத்து, அன்பானவன் அசராதவன் அடங்காதவன் படத்தை எடுத்தார். இந்த படமும் கலவையான விமர்சனங்களை பெற்றது. பிரபு தேவாவை வைத்து பஹீரா படத்தை இயக்கினார்.
ஆதிக் ரவிச்சந்திரன் கடைசியாக விஷால், எஸ்.ஜே.சூர்யாவை வைத்து மார்க் ஆண்டனி என்ற சூப்பர் ஹிட் படத்தை கொடுத்தார். சுமார் 100 கோடி ரூபாய் வரை இந்த படம் வசூல் செய்து சாதனை படைத்தது.
சமூக வலைத்தளங்களில் எங்களை பின்தொடலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.
டாபிக்ஸ்