Actress Abhirami: ‘நானும் தாயானேன்’.. பெண் குழந்தையை தத்தெடுத்த ‘விருமாண்டி’ அபிராமி.. பெயர் என்ன தெரியுமா?

தமிழில் ‘மிடில் கிளாஸ் மாதவன்’ ‘சமுத்திரம்’ ‘சார்லி சாப்ளின்’ ‘மாறா’ ‘நித்தம் ஒரு வானம்’ உள்ளிட்ட பல படங்களில் நடித்தவர் நடிகை அபிராமி.

பல படங்களில் நடித்தாலும் கமலுடன் விருமாண்டி படத்தில்  இவர் ஏற்று நடித்த அன்னலட்சுமி கதாபாத்திரம் இன்றும் மக்கள் மனதில் நிற்கிறது. இவர் பிரபல எழுத்தாளரான பவணனின் பேரன் ராகுல் பவணனை கடந்த 2009 ஆம் ஆண்டு டிசம்பர் 27 ஆம் தேதி திருமணம் செய்து கொண்டார்.

இந்த நிலையில் இவர் இன்று தன்னுடைய இன்ஸ்டாகிராம் பக்கத்தில் தானும் கணவர் ராகுலும் பெண் குழந்தை ஒன்றை தத்தெடுத்து வளர்த்து வருவதாக அறிவித்து இருக்கிறார். இது குறித்து தன்னுடைய இன்ஸ்டாகிராம் பக்கத்தில் பதிவிட்டு இருக்கும் அவர், “ நண்பர்களே.. ராகுலும் நானும் இதனை அறிவிப்பதில் சிலிர்க்கிறோம்.

ஒரு பெண் குழந்தைக்கு நானும் அவரும் தாய் தந்தையராக மாறியிருக்கிறோம். இவளை நாங்கள் கடந்த வருடம் தத்தெடுத்துக்கொண்டோம். இது எல்லா விதத்திலும் எங்கள் வாழ்க்கையை மாற்றி விட்டது.

புதிய தாயாக இந்த அன்னையர் தினத்தில் அன்னையர் தினத்தை கொண்டாடுவதில் நான் ஆசீர்வதிக்கப்பட்டவளாக உணர்கிறேன். எங்களின் வாழ்க்கையின் இந்த புதிய பாத்திரத்திற்கு உங்களின் அன்பும் ஆசீர்வாதமும் வேண்டும். அன்னையர் தின வாழ்த்துக்கள் என்று குறிப்பிட்டதோடு தங்களின் குழந்தைக்கு  ‘கல்கி’ என்று பெயர் வைத்திருப்பதாகவும் அவர் குறிப்பிட்டு இருக்கிறார்.

அவரது இந்த புதிய அறிவிப்பிற்கு பலரும் தங்களது வாழ்த்துக்களை தெரிவித்து வருகின்றனர். அபிராமி தற்போது மலையாள நடிகர் சுரேஷ் கோபி நடிக்கும்  ‘கருடன்’ படத்தில் நடித்து வருகிறார். இந்தப்படத்தை மலையாள இயக்குநர் மனோஜ் ரவி உதவியாளர் அருண் வர்மா இயக்குகிறார். இந்தப்படத்தில் பிஜூ மேனனும் முக்கிய கதாபாத்திரத்தில் நடித்து வருவது குறிப்பிடத்தக்கது.