Actor vijay: ‘விஜய் டீமில் கை வைத்த உதயநிதி..’ இந்த அரசியல் ரொம்ப புதுசா இருக்கே!

நடிகர் விஜயின் நெருங்கிய நண்பர் சஞ்சீவ். சின்னத்திரையில் மிக முக்கியமான நடிகராக வலம் வரும் இவர் விஜயின் சில படங்களில் நடித்திருக்கிறார். இவர் கொடுக்கும் பேட்டிகளில் விஜய் பற்றிய சுவாரசிய தகவல்கள் நிச்சயமாக இருக்கும். இந்த நிலையில் இவர் தன்னுடைய இன்ஸ்டாகிராம் பக்கத்தில் புகைப்படம் ஒன்றை பதிவிட்டு இருக்கிறார்.

அந்தப்பதிவில் தன்னுடைய நண்பரான ராம்குமார் வரதராஜன் தமிழ்நாடு அரசால் ஸ்ரீ வில்லிபுத்தூர் ஆண்டாள் கோயிலுக்கு அறங்காவலராக நியமிக்கப்பட்டுள்ளதாக கூறி தன்னுடைய வாழ்த்தை தெரிவித்து இருக்கிறார். கூடவே வரதராஜன், விஜய் தான் மற்றும் இதர நண்பர்களுடன் எடுத்துக்கொண்ட புகைப்படத்தையும், வரதராஜன் விளையாட்டுத்துறை அமைச்சர் உதயநிதி ஸ்டாலின் உடன் இருக்கும் புகைப்படத்தையும் இணைத்து பதிவிட்டு இருக்கிறார்.

மார்க்கெட்டின் உச்சத்தில் இருக்கும் நடிகர் விஜய் இன்னொரு பக்கம் அரசியலிலும் தீவிர கவனம் செலுத்தி வருகிறார். அம்பேத்கர் பிறந்தநாளுக்கு தன்னுடைய நற்பணி மன்ற உறுப்பினர்கள் சார்பாக மாலை அணிவிக்கச் சொன்னது, இரவு நேர பாட சாலைகள், 10 மற்றும் 12ம் வகுப்பு மாணவர்களுக்கு பரிசுதொகை அளித்தது உள்ளிட்டவை அரசியல் வட்டாரத்தில் கவனம் ஈர்த்தன. இந்த நிலையில் தற்போது உதயநிதி டீமில் வரதராஜன் இணைந்திருப்பது ஆச்சரியத்தை ஏற்படுத்தி இருக்கிறது.