Suriya 42 Motion poster: சாதனை படைத்த சூர்யா பட போஸ்டர்

நடிகர் சூர்யா நடிப்பில் கடைசியாக வெளியான எதற்கும் துணிந்தவன் திரைப்படம் கலவையான விமர்சனங்களைப் பெற்றது. இதனையடுத்து அவர் தற்போது முதல் முறையாக இயக்குநர் சிறுத்தை சிவாவுடன் கூட்டணி அமைத்து உள்ளார்.

தற்காலிகமாக சூர்யா 42 என அழைக்கப்படும் இந்த படத்தை யுவி கிரியேசன்ஸ் நிறுவனமும், ஸ்டூடியோ கிரீன் நிறுவனமும் இணைந்து தயாரிக்கிறது.

இந்த படத்தில் சூர்யாவுக்கு ஜோடியாக பாலிவுட் நடிகை திஷா பதானி நடிக்கிறார். படத்திற்கு தேவி ஸ்ரீ பிரசாத் இசையமைக்கிறார்.

சூர்யா 42 திரைப்படம் இரண்டு பாகங்களாக உருவாக்கப்பட்டு 10 மொழிகளில் வெளியாகும் என படக்குழு தெரிவித்து உள்ளது.

இந்த படத்தின் மோஷன் போஸ்டர் சமீபத்தில் வெளியானது. அதில், அரத்தர், வெண்காட்டர், மண்டாங்கர், முக்காட்டர், பெருமனத்தார் உள்ளிட்ட பெயர்கள் இடம் பெற்று இருந்தது. அத்துடன் சூர்யா படைவீரன் போன்று ஆடை அணிந்தவாறு நின்று இருந்தார்.

ஹாலிவுட் லெவலுக்கு வெளியான இந்த படத்தின் மோஷன் போஸ்டர் வெளியான 24 மணி நேரத்தில் சுமார் 2.5 மில்லியன் பார்வையாளர்களைக் கடந்து சாதனை படைத்து வருகிறது.

இதனைப் படக்குழு அதிகாரப்பூர்வமாக அறிவித்த நிலையில், சூர்யா ரசிகர்கள் அதை அதிகமாக ஷேர் செய்து டிரெண்டாக்கி வருகின்றனர்.