Pathu Thala Release: பத்து தல ரிலீஸ் தேதியில் மாற்றம் - சோகத்தில் ரசிகர்கள்!

வெந்து தணிந்தது காடு படத்திற்குப் பிறகு சிம்பு நடித்து வரும் படம் பத்து தல. இப்படத்தில் சிலம்பரசன் கதாநாயகனாகவும், ப்ரியா பவானி சங்கர் கதாநாயகியாகவும் நடித்து வருகிறார். சில்லுனு ஒரு காதல் படத்தை இயக்கிய ஒபேலி கிருஷ்ணா பத்து தல படத்தை இயக்கி வருகிறார்.

கெளதம் கார்த்திக் முக்கிய கதாபாத்திரத்தில் நடிக்கும் இப்படத்தை ஸ்டுடியோ கிரீன் நிறுவனம் தயாரிக்கிறது.

கன்னடத்தில் வெளியான முஃப்தி திரைப்படத்தின் தமிழ் ரீமேக்காக இப்படம் உருவாகி வருகிறது. கன்னியாகுமரி பகுதியில் நடந்து வந்த ஷூட்டிங் தற்போது நிறைவு பெற்றுள்ளது.

விண்ணைத் தாண்டி வருவாயா, அச்சம் என்பது மடமையடா, வெந்து தணிந்தது காடு படத்தை தொடர்ந்து சிம்பு – ஏ.ஆர்.ரகுமான் கூட்டணி இந்த படத்தில் இணைந்துள்ளது.

இந்நிலையில் பத்து தல படம் வரும் டிசம்பர் 14 ஆம் தேதி வெளியாகும் என படக்குழுவினர் அறிவித்திருந்தனர். 

ஆனால் தற்போது திட்டமிட்ட படி படம் வெளியாவதில் சிக்கல் ஏற்பட்டுள்ளது. இதன் காரணமாக படம் அடுத்த வருடம் 2023 ஆம் ஆண்டு வெளியாகும் என தகவல் வெளியாகியுள்ளது.

வெந்து தணிந்தது படங்கள் வெற்றி பெற்றுள்ள நிலையில் பத்து தல படத்தின் மூலம் மீண்டும் அவர் வெற்றிக் கொடுப்பார் என ரசிகர்கள் எதிர்பார்த்து காத்திருக்கின்றனர்.