Chandrayaan 3:காமெடிய கண்டுபிடிக்கல… வளருங்க… சும்மா சொன்னேன் - நடிகர் பிரகாஷ்ராஜ்

சந்திரனை ஆய்வு செய்யும் முயற்சியில் ரஷ்யா, அமெரிக்கா, சீனா, இந்தியா போன்ற நாடுகள் ஆர்வம் காட்டி வருகின்றன. அதன் ஒரு பகுதியாக கடந்த ஜூலை 14ஆம் தேதி இந்திய விண்வெளி ஆராய்ச்சி நிலையமான, இஸ்ரோ -ஆந்திராவின் ஸ்ரீஹரிகோட்டாவில் இருந்து சந்திரயான் -3 விண்கலத்தை விண்ணில் செலுத்தியது. இதுபடிப்படியாக பயணித்து, நிலவினை நெருங்கி வருகிறது. குறிப்பாக, நிலவின் தென் துருவத்தை வரும் ஆகஸ்ட் 23ஆம் தேதி, சந்திரயான் 3 விண்கலத்தில் இருந்து பிரிந்த விக்ரம் லேண்டர் மாலை 6:04 மணியளவில் சென்றடையும் என திட்டமிடப்பட்டுள்ளது.

இந்நிலையில் நடிகர் பிரகாஷ்ராஜ் அதனை கிண்டல் செய்யும் விதமாக நேற்று  ஒரு டிவிட் பதிவிட்டிருந்தார். அதில், முக்கிய செய்தி - நிலாவில் இருந்து விக்ரம்லேண்டர் அனுப்பிய முதல் புகைப்படம் எனக் குறிப்பிட்டு, அதில் தேநீர் ஆற்றும் ஒருவரின் கேலிச்சித்திரத்தை பதிந்து பகடி செய்துள்ளார். 

இதற்கு கடும்விமர்சனங்கள் டிவிட்டரில் எழுந்தநிலையில், அதற்குப் பதிலளிக்கும் வகையில் அதில் ஒரு புதிய டிவிட்டையும் இணைத்துள்ளார்.  அந்த டிவீட்டில் கூறியுள்ளதாவது, வெறுப்பாக பார்த்தால் அனைத்தும் வெறுப்பாகவே பார்க்கப்படும் என்றும், நான் இந்த நகைச்சுவையினை நீல் ஆர்ம்ஸ்ட்ராங்க் கால நகைச்சுவையுடன் சுட்டிக்காட்டுகிறேன் எனவும் தெரிவித்துள்ளார். மேலும், அவர், நான் கேரளாவின் தேநீர் கடைக்காரர்களை கொண்டாடினேன் என்றும்,இந்த கேரளா தேநீர் கடைக்காரர்கள் குறித்த நகைச்சுவையினை நீங்கள் தெரிந்து கொள்ளவில்லையென்றால், அதுதான் நகைச்சுவை எனவும் கூறியுள்ளார். மேலும், வளருங்கள்…சும்மா சொல்கிறேன் எனவும் கிண்டலடித்துள்ளார். பிரகாஷ் ராஜின் இப்பதிவு அனைத்துவித சமூக வலைதளங்களிலும் வைரல் ஆகிறது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil

Google News: https://bit.ly/3onGqm9