இளையராஜாவுக்கு டேக்கா கொடுக்கும் தனுஷ்! குபேரா படமும் வரப்போகுதா? அப்போ பயோபிக் நிலைமை?

தமிழ் மற்றும் தெலுங்கில் இரு மொழி படமாக உருவாகி வரும் குபேரா படத்தின் டீஸர் வெளியீடு குறித்தான அறிவிப்பு வெளியாகியுள்ளது. மேலும் நவம்பர் மாதம் இறுதிக்குள் படம் வெளியாகும் என எதிர்ப்பார்க்கப்படுகிறது. இப்படத்தில் இந்தி, தமிழ் மற்றும் தெலுங்கு ஆகிய மொழிகளில் முன்னணி நடிகையாக இருக்கும் ராஷ்மிகா மந்தனா நடித்துள்ளார். டோலிவுட் திரை உலகின் முன்னணி நடிகரான நாகார்ஜுனாவும் இப்படத்தில் நடித்துள்ளார். சேகர் கம்முலா இப்படத்தை இயக்கி உள்ளார். இப்படத்தின் போஸ்டர் சில மாதங்களுக்கு முன் வெளியாகி பெரும் வரவேற்ப்பை பெற்றது. இப்படத்தின் டீஸர் நவம்பர் 14 அன்று வெளியாகும் என படக்குழு அறிவித்துள்ளது. 

பிஸியான தனுஷ் 

கடந்த ஜூலை மாதம் தனுஷ் இயக்கத்தில் ராயன் படம் வெளியானது. இது தனுஷ் நடிப்பில் வெளியாகும் 50-வது படமாகும். இப்படத்தில் துஷாரா விஜயன், காளிதாஸ் ஜெயராம், சந்திப் கிஷன் ஆகியோர் நடித்திருந்தனர். எஸ்.ஜே.சூர்யா வில்லனாக நடித்திருந்தார். கலவையான விமர்சனங்களை பெற்ற இப்படம் வசூலில் வெளுத்து வாங்கியது. மேலும் அதனை தொடர்ந்து நிலவுக்கு என் மேல் என்னடி கோபம் என்ற படத்தை இயக்கி வருகிறார். இப்படத்தில் அனிகா சுரேந்தர் உட்பட பலன் நடித்துள்ளனர். மேலும் இப்படத்தின் கோல்டன் ஸ்பேரோ பாடல் வெளியாகி மக்களிடத்தில் பெரும் வரவேற்பு பெற்றது. 

 தற்போது இட்லி கடை எனும் படத்தையும் இயக்கி வருகிறார். இப்படத்தில் நித்தியா மேனன் இணைந்துள்ளார். இதற்கு முந்தைய நித்யா மேனன் மற்றும் தனுஷ் இணைந்து திருச்சிற்றம்பலம் படத்திற்காக நித்தியாமேனன் தேசிய விருது வாங்கியது குறிப்பிடத்தக்கது. மேலும் தற்போது வெளியாக இருக்கும் குபேரா படமும் படப்பிடிப்பு முடிந்தாகி விட்டது. தொடர்ந்து தமிழ் தெலுங்கு, இயக்கம், நடிப்பு என எல்லாவற்றிலும் பிசியாக இருந்து வருகிறார் தனுஷ். 

கைவிடப்பட்டதா இளையராஜா பயோபிக்

இசைஞானி இளையாராஜாவின் வாழ்க்கை வரலாற்றை படமாக எடுக்க திட்டமிடப்பட்டது. இந்த படத்தில் இளையராஜாவின் கதாபாத்திரத்தில் நடிகர் தனுஷ் நடிக்க இருந்தார். மேலும் இது குறித்தான போஸ்டர்களும், அறிவிப்புகளும் கடந்த சில மாதங்களுக்கு முன்பாகவே வெளிவந்தவாறு இருந்தன. இப்படத்தினை இயக்குனர் அருண் மாதேஸ்வரன் இயக்குவதாக இருந்தது.

இளையராஜாவின் பயோபிக் படத்தை மும்பை நிறுவனத்துடன் சேர்ந்து இளையராஜாவும் தயாரிக்க உள்ளதாக அறிவிப்பு வெளியாகி இருந்தது. இந்நிலையில் தற்போது இப்படத்திற்கு ஒப்பந்தமாகி இருந்த மும்பையை சேர்ந்த நிறுவனம் படத்தில் இருந்து இருப்பதாக தகவல்கள் வெளியாகி உள்ளது.இதன் காரணமாக இந்த படம் கைவிடப்பட்டதா என்ற குழப்பம் நிலவுகிறது மேலும் கோலிவுட் வட்டாரங்களில் இப்படம் இப்படத்தின் தயாரிப்பு நிறுவனம் பின்வாங்கியுள்ளது பேசு பொருளாகி ஆகியுள்ளது.

இளையராஜாவின் பயோபிக் குறித்தான அறிவிப்பு வெளியாகி எந்த முன்னேற்ற நடவடிக்கையும் எடுக்காமல் இருப்பதால் ரசிகர்களுக்கு இளையராஜா பயோபிக் படம் வெளியாகுமா என்று சந்தேகம் ஏற்பட்டுள்ளது. மேலும் அதற்கேற்றவாறு நடிகர் தனுஷும் அடுத்தடுத்த படங்களில் கமிட் ஆகி வருகிறார். அவரது படங்களின் படங்கள் குறித்தான அறிவிப்பும் வெளியாகி வண்ணம் உள்ளது. இளையராஜாவை பொது இடங்களில் பெரிதும் நேசிக்கும் நபராக தனுஷ் கூறுவார். எனவே இளையராஜாவின் கதாபாத்திரத்தில் தனுஷ் நடிக்க இருந்தார். இருப்பினும் தற்போது தனக்கு மிகவும் பிடித்த ஆஸ்தான இசை அமைப்பாளரின் படத்தில் தனுஷ் நடிக்காமல் தள்ளிப் போடுவது பேசு பொருள் ஆகியுள்ளது.