Bayilvan: 50 வயசுக்கு அப்புறமும்.. மீண்டும் ரொமான்ஸ்.. அந்த நடிகை என்ன பண்ண போறாங்க? - பயில்வான்

நடிகை வனிதா ஏற்கனவே, 3 திருமணங்கள் செய்து 3 முறையும் விவாகரத்து பெற்றுள்ளார். இந்த நிலையில் நேற்று, save the date எனக் கூறி திருமண பத்திரிகை போன்று ஒரு பதிவையும் செய்துள்ளார். இதனால் வனிதாவிற்கு மீண்டும் திருமணம் நடைபெறுகிறதா என நெட்டிசன்கள் கிண்டலடித்த நிலையில், தற்போது பத்திரிகையாளர் பயில்வானும் கிண்டல் செய்துள்ளார்.

நடிகை வனிதா

தமிழ் சினிமாவில் மூத்த நடிகரான விஜயகுமார்- மஞ்சுளாவின் தம்பசியின் மகள் தான் வனிதா விஜயகுமார். ஆனால் தற்போது தனது தந்தையுடன் பேச்சு வார்த்தை இல்லாமல் தனியாக வாழ்ந்து வருகின்றார்.

விஜய் நடித்த சந்திரலேகா திரைப்படத்தில் நடிகையாக அறிமுகமான அவர், தொடர்ந்து பல திரைப்படங்களில் நடித்தார். வனிதா விஜயகுமாரை பொறுத்தவரை அவர் நடிகையாக பிரபலமானதை விட, அவருடைய பர்சனல் பிரச்சினைகளின் வழியாகவே பிரபலம் அடைந்ததே அதிகம்.

வனிதாவின் திருமண வாழ்க்கை

முதலில் நடிகர் ஆகாஷை திருமணம் செய்த அவர் கருத்துவேறுபாடு காரணமாக அவரை பிரிந்தார். அதன் பின்னர் தொழிலதிபர் ஆனந்த் ஜெய் ராஜனை திருமணம் செய்து கொண்டார். அந்த மண உறவும் சில ஆண்டுகளில் முடிவுக்கு வந்தது. பின்னர், 2013ஆம் ஆண்டு நடன இயக்குநர் ராபர்ட்டுடன் வாழ்க்கையைத் தொடங்கிய வனிதா, 2017ஆம் ஆண்டு உறவில் இருந்து விலகினார். அதன் பின்னர் பீட்டர் பால் என்பவருடன் உறவில் இருந்த வனிதா அவரையும் திருமணம் செய்து கொண்டு பின்னர் பிரிந்தார்.

இதனிடையே பிக்பாஸ் நிகழ்ச்சியில் பங்குபெற்ற வனிதா விஜயகுமார் மீண்டும் மீடியா வெளிச்சத்திற்கு வந்தார். அதனைத்தொடர்ந்து தன்னுடைய மகளான ஜோவிகாவையும் அண்மையில் நடந்து முடிந்த பிக்பாஸ் நிகழ்ச்சியில் பங்கு பெற செய்தார்.

Save the date

இந்நிலையில் கடற்கரை ஒன்றில் ராபர்ட் மாஸ்டரின் கையை காதலோடு பிடித்தபடி வனிதா விஜயகுமார் புகைப்படம் ஒன்றை பதிவிட்டு உள்ளார். அதில் Save The Date October 5 என்று குறிப்பிடப்பட்டுள்ளது. அதாவது அவர்கள் இருவருக்கும் வருகிற 5 ஆம் தேதி திருமணம் நடைபெறவிருப்பதாக சொல்லப்பட்டு இருக்கிறது.

Mr & Mrs எனும் படத்தில் ராபர்ட் மாஸ்டருடன் இணைந்து ஜோடி போட்டு வனிதா விஜயகுமார் நடித்து வருகிறார். அந்த படத்தின் ஃபர்ஸ்ட் லுக் போஸ்டரைத் தான் வரும் அக்டோபர் 5ஆம் தேதி வெளியிடபோகின்றனர் என்றும் அதற்கான பப்ளிசிட்டி ஸ்டன்ட் தான் இது என தகவல்கள் வெளியாகி உள்ளன.

50 வயசுக்கு அப்புறம் எதுக்கு?

இருப்பினும், சிலர் ஏற்கனவே, ராபர்ட் மாஸ்டருடன் உறவில் இருந்த வனிதா தற்போது பிக்பாஸ் நிகழ்ச்சி மூலமாக மீண்டும் புதுப்பித்துள்ளார். அதன் விளைவு தான் இந்தத் திரைப்படம். இவர்கள் இருவரும் மீன்டும் சேர்ந்து வாழ ஆரம்பித்திருக்கலாம் என தகவல்கள் வெளிவந்த நிலையில், இதுகுறித்து பத்திரிகையாளர் பயில்வான் கருத்து தெரிவித்துள்ளார்.

வனிதாவின் நெருங்கிய நண்பராக அறியப்படும் பயில்வானிடம் இந்தக் கேள்வி எழுப்பப்பட்டது. அப்பு படத்தின் புரொமோஷன் நிகழ்ச்சியில் பங்கேற்ற அவர், இந்தப் படத்திற்கும் நீங்கள் கேட்கும் கேள்விக்கும் ஏதாவது சம்பந்தம் இருக்கிறதா? எனக் கேள்வி எழுப்பினார். பின் தொடர்ந்து கேள்விகள் கேட்கப்பட்ட நிலையில், 50 வயசுக்கு அப்புறம் கல்யாணம் பண்ணி அவர் என்ன பண்ண போறார் என கிண்டலாக கூறியுள்ளார்.

விடாத வதந்தி

வனிதா விஜயகுமார் தனது தனிப்பட்ட வாழ்க்கையில் நடந்த பல்வேறு காரணங்களால் பலமுறை செய்திகளில் இடம் பிடித்தவர். திரைப்படங்கள், தொடர்கள் மற்றும் தொலைக்காட்சி நிகழ்ச்சிகள் மூலம் அவர் தனது வாழ்க்கையில் முன்னேறினாலும், அவரது தனிப்பட்ட வாழ்க்கையில் ஏற்பட்டவை சர்ச்சைகளாகவே இருக்கிறது. இப்போது இவரும் பவர் ஸ்டார் சீனிவாசனுடன் திருமணம், ராபர்ட் மாஸ்டருன் திருமணம் என தொடர்ந்து திருமண போஸ்டர்களாக வெளியிட்டு வருவதால், அவருக்கான சர்ச்சையே புரொமோஷனாக அவருக்கு மாறி வருகிறது.