Actor Bala: பாப்பு... பாப்பு... என் உயிரே நீ தான்... இனி உன் அருகில் வரவே மாட்டேன்... கண்ணீர் விட்டு அழுத நடிகர்

இயக்குநர் சிறுத்தை சிவாவின் தம்பியான பாலா 2003-ல் வெளியான 'அன்பு' என்ற தமிழ் படத்தில் ஹீரோவாக அறிமுகமானார். 'காதல் கிசு கிசு', 'கலிங்கா' போன்ற தமிழ் படங்களிலும் நடித்தார். அதன் பிறகு மலையாளத்தில் பல படங்களில் குணச்சித்திர வேடங்களில் நடித்து பிரபலமானார். தொடர்ந்து மலையாளம் மற்றும் தமிழ் திரைப்படங்களில் ஹீரோவாகவும், முக்கிய கதாபாத்திரங்களில் நடித்து வந்தார்.

தமிழில் 'வீரம்' படத்தில் அஜித்தின் தம்பி கதாபாத்திரத்தில் நடித்ததன் மூலம் தமிழ் ரசிகர்களிடம் கவனம் பெற்றார். மேலும், ரஜினியின் 'அண்ணாத்த' படத்திலும் நடித்திருந்தார். இவர் தனது மகளிடம் பேசிய வீடியோ ஒன்று இப்போது வைரலாகியுள்ளது.

மலையாளத்தில் பல படங்களில் நடித்து வந்த பாலா, சில ஆண்டுகளுக்கு முன் பாடகி அம்ருதா சுரேஷை காதலித்து திருமணம் செய்துகொண்டார். பின் இவர்களுக்கு அவந்திகா என்ற பெண் குழந்தை பிறந்தது.

இந்நிலையில், தம்பதிக்குள் ஏற்பட்ட கருத்து வேறுபாடு காரணமாக இருவரும் பிரிந்தனர். இதைத்தொடர்ந்து மருத்துவர் ஒருவரை திருமணம் செய்து அவருடன் வாழ்ந்து வருகிறார். இருப்பினும் நடிகர் பாலா, பல இடங்களில் தனது மகள் அவந்திகா குறித்து பேசி வருகிறார். அவருடைய பிரிவை ஏற்றுக் கொள்ள முடியவில்லை எனவும் கூறி வருகிறார்.

உங்களை நேசிக்க ஒரு காரணமும் இல்லை

இதைக் கண்ட அவரது மகள் அவந்திகா, எனக்கு எனது தாய் சந்தோஷமாக இருப்பது மிகவும் அவசியம். எங்களுடைய தனிப்பட்ட குடும்ப வாழ்க்கை குறித்து பிறர் பேசுவது அசாதாரணமாக தோன்றுகிறது. என்னுடைய தந்தை என்னை நேசிப்பதாக பல இடங்களில் கூறியுள்ளார். எனக்காக அவர் நிறைய பரிசுகள் வாங்கியுள்ளதாகவும் கூறியுள்ளார்.

ஆனால், நான் அவரை நேசிக்க எனக்கு ஒரு சிறிய காரணம் கூட கிடைக்கவில்லை. அவர் குடித்துவிட்டு வந்து என் அம்மாவை அடித்தது இன்னும் என் நினைவில் இருக்கிறது எனக் கூறியுள்ளார்.

என்னைப் பற்றி பேச வேண்டாம்

என்னுடைய குடும்பத்தாருடன் நான் நன்றாக இருக்கிறேன். ஆனால், என்னையும் என் குடும்பத்தையும் சுற்றி பேசப்படும் விஷயங்கள் குறித்து பேச விருப்பம் கூட இல்லை.

நான் பள்ளிக்கு செல்லும் போது யூடியூபில் என்னை பற்றியும் என் தாயார் பற்றியும் வெளியான கருத்துகள் எல்லாம் உண்மையா என பலரும் கேள்வி எழுப்பி வருகின்றனர். சோசியல் மீடியாவில் வெளியாகும் பொய்யான தகவல்களால் நானும் எனது குடும்பமும் மிகவும் பாதிக்கப்பட்டுள்ளோம் என குற்றம்சாட்டி வீடியோ வெளியிட்டுள்ளார்.

உன்னுடன் விவாதித்தால் நான் தந்தையே இல்லை

இதைக் கண்ட நடிகர் பாலா, மனமுடைந்து க்ணீருடன் தனது மகளுக்கான பதிலை அளித்துள்ளார். அதில், பாப்பு நீ பேசிய வீடியோ நான் பார்த்தேன். எனக்கு ஒரு கடந்த கால வாழ்க்கை உள்ளது. எனக்கு ஒரு தந்தை இருந்தார் எனக் கூறியுள்ளாய். நன்றி. உன்னுடன் விவாதிக்க நான் தயாராக இல்லை. மகளுடன் விவாதிப்பவன் தந்தையே இல்லை. 2, 3 வயதான போது எனது தந்தை என்னை விட்டு சென்று விட்டார் எனக் கூறியுள்ளாய். உன்னுடைய வீடியோ முழுவதையும் கேட்டேன்.

உன்னைக் கண்டதாலே உயிர் பிழைத்தேன்

நீங்கள் என்னை நேசித்தால், இனி என்னைப் பற்றியும் எனது குடும்பத்தை பற்றியும் பேச வேண்டாம் எனக் கூறியுள்ளார். நான் மருத்துவமனையில் சாகக் கிடைந்த நிலையிலும், நான் உன்னைக் கண்டதால் தான் உயிர் பிழைத்தேன். ஆனால், நீ நிர்பந்தத்தின் காரணமாக வந்தேன் எனக் கூறியுள்ளாய். நீ 5 மாத கருவாக இருந்தபோதே உனக்கு பெயரிட்டு மகிழ்ந்தவன் நான். நீ நன்றாக இருக்க வேண்டும். இனி அப்பா உன்னிடம் நெருங்கி வரமாட்டேன். நீ வாழ்வில் வெற்றி அடைய வேண்டும். இன்று நான் என் வாழ்வில் அதிக வலயை நான் உணர்ந்தேன். நீ எப்போதும் என் குழந்தை தான் எனக் கூறியுள்ளார்.

இவர்கள் இருவரின் வீடியோவும் இப்போது மலையாள திரையுலகில் மிகவும் பேசுபொருளாக உள்ளது. தன் மகள் தன்னைப் பற்றி கூறிய வார்த்தைகளால் மனமுடைந்த பாலாவிற்கு ஆறுதலாகவும் அந்தக் குழந்தையின் மனநிலையை யோசிக்குமாறு கூறி ஒரு தரப்பினரும் கருத்து தெரிவித்து வருகின்றனர்.