8 years of Demonte Colony: பேயை மட்டுமே நம்பி படமாக்கப்பட்ட 'டிமான்டி காலனி'

அஜய் ஞானமுத்து இயக்கத்தில் அருள்நிதி, ரமேஷ் திலக், சனத், அபிசேக் ஜோசப் உள்ளிட்ட பலர் நடிப்பில் வெளியான படம் 'டிமான்ட்டி காலனி'. நண்பர்கள் நான்கு பேர் வேலை வெட்டி இல்லாமல் சென்னை, பட்டினப்பாக்கம் ஹவுசிங் போர்டு பகுதியில் அறை எடுத்து தங்கி இருக்கின்றனர். நான்கு பேரில் பயந்த நண்பர் ஒருத்தரை பயமுறுத்துவதற்காக மற்ற மூன்று பேரும் டிமான்டி காலனியில் உள்ள பேய் பங்களாவுக்கு அந்த நண்பரை அழைத்துச் செல்கின்றனர்.

அந்த பங்களாவில் பிரிட்டிஷ் காலத்தில் வாழ்ந்து மரணம் அடைந்து, இறந்த பேய்களுடன் இவர்கள் நான்கு பேருக்கும் ஏற்படும் அனுபவமும், அங்கு கிடைக்கும் ஒரு விலை மதிப்பில்லாத ஆபரணத்தால் இவர்கள் நான்கு பேரும் அறை திரும்பிய பின்பும் நடக்கும் விஷயங்களையும் விபரீதங்களையும் விளையாட்டுகளையும் விபரிக்கிறது 'டிமான்டி காலனி'.

ஆண்டாண்டு காலமாய் தன் பங்களாவுக்குள் அமைதியாய் வாழ்ந்து வரும் டிமான்டி பேயை, அந்த ஆபரணத்தை தங்களது ரூமுக்கு எடுத்து வந்ததின் மூலம் கோபப்படுத்தி, கலாய்த்ததால் இவர்கள் நான்கு பேருக்கும் நிகழும் சம்பவங்களை உட்ச பட்ச காட்சியாக சொல்லி இருப்பார் இயக்குனர் அஜய் ஞானமுத்து. நிறைய பேய் படங்களில் பல காட்சிகள் இடம்பெற்றிருந்தாலும் இதுவரை எந்த பேய் படத்திலும் சொல்லாத அளவுக்கு வித்தியாசமாகவும் விறுவிறுப்பாகவும், கொஞ்சம் பிராமாண்டம் சேர்த்தும் கையாண்டிருப்பார் அஜய்.

கதாநாயகியே இல்லாமல் துணிச்சலாக ஒருகதையை தேர்வு செய்து பேயை மட்டுமே நம்பி இந்த படத்தில் நடித்த அருள்நிதியும் பலரது பாராட்டுக்களையும் பெற்றிருந்தார். மு.க.தமிழரசு தயாரிப்பில் உருவான இந்தப் படத்தினை தேனாண்டாள் பிலிம்ஸ் நிறுவனம் வெளியிட்டது. அஜய் ஞானமுத்து அறிமுகமான முதல் திரைப்படத்திலேயே அனைவரின் கவனத்தையும் ஈர்த்தார். விமர்சன ரீதியாகவும், வசூல் ரீதியாகவும் இந்தப் படம் வரவேற்பை பெற்றது. இந்தப்படம் வெளியாகி இன்றோடு (மே 22) 8 ஆண்டுகளை நிறைவு செய்கிறார். கடந்த 2015-ஆம் ஆண்டு இதே மே 22-ஆம் தேதி டிமான்டி காலனி வெளியிடப்பட்டது.

8 ஆண்டுகள் உருண்டோடினாலும் இந்தப் படத்தின் இரண்டாம் பாகம் தற்போது உருவாகி வருகிறது. முதல் பாகத்தை இயக்கிய அஜய் ஞானமுத்து இரண்டாம் பாகத்தையும் இயக்குகிறார். அருள்நிதி நாயகனாக நடிக்கும் இப்படத்தில் பிரியா பவானி சங்கர் முன்னணி கதாபாத்திரத்தில் நடிக்கிறார். சாம்.சிஎஸ் இசையமைக்கும் இப்படத்தின் படப்பிடிப்பு தற்போது நடைபெற்று வருகிறது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews  

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வெப் ஸ்டோரி, வேலைவாய்ப்பு தகவல்கள், சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.