அர்ஜூன் இயக்கத்தில் ஐஸ்வர்யா நடிக்கும் படத்தின் போஸ்டர் வெளியீடு! மகளை இயக்கும் அப்பா!

தமிழ், தெலுங்கு மற்றும் கன்னடம் உள்ளிட்ட இந்தியா மொழிகளில் நடித்து வருபவர் நடிகர் அர்ஜூன். பல ஆக்சன் திரைப்படங்களில் நடித்து ஆக்சன் கிங் என்ற பட்டப்பெயருடன் அழைக்கப்படுகிறார். ஹீரோவாக நடித்து வந்த அர்ஜூன் சமீப காலமாக வில்லன் மற்றும் முக்கியமான கதாபத்திரத்தில் நடித்து வருகிறார். கர்நாடாகாவை பூர்வீகமாக கொண்ட நடிகர் அர்ஜூன் 1992 ஆம் ஆண்டு வெளியான சேவகன் திரைப்படத்தின் மூலம் இயக்குனராக அறிமுகமானார். அதனைத் தொடர்ந்து ஜெய்ஹிந்த், கர்ணா, தாயின் மணிக்கொடி  உட்பட மொத்தமாக 12 படங்களை இயக்கியுள்ளார். கடந்த 30 ஆண்டுகளுக்கும் மேலாக திரைத்துரையில் பணியாற்றி வருகிறார். 

தேசபக்தி மிகுந்த படங்களில் தொடர்ந்து நடித்து வந்தார். அர்ஜூன் என்றாலே நாட்டை காப்பாற்றும் பாணியிலான படங்கள் தான் நினைவுக்கு வரும். அந்த அளவிற்கு இவருக்கு நாட்டின் மீது மிகுந்த பற்று இருந்து வந்தது. மேலும் அர்ஜூன் தன்னுடைய உடம்பில் தேசிய கொடியை பச்சை குத்திக் கொண்டுள்ளார். 

இந்நிலையில் தற்போது அவரது மகள் ஐஸ்வர்யா நடிப்பில் “சீதா பயணம்” எனும் படத்தை அவரே தயாரித்து இயக்குகிறார். இது குறித்த அறிவிப்பு சில ஆண்டுகளுக்கு முன்னே வெளியாகி இருந்தது. படத்தின் கதாநாயகன் படத்தில் இருந்து விலகியதன் காரணமாக படப்பிடிப்பு தள்ளிப்போனது.  தற்போது இந்த படத்தில் கதாநாயகியாக நடிக்கும் அர்ஜூனின் மகள் ஐஸ்வர்யா பற்றிய தகவலை படக் குழுவினர் பிரத்யேக புகைப்படத்துடன் வெளியிட்டுள்ளது.

ஐஸ்வர்யா 

நடிகர் அர்ஜூனின் முதல் மகளான ஐஸ்வர்யா முதன் முதலாக நடிகர் விஷால் நடித்த பட்டத்து யானை படத்தில் கதாநாயகியாக அறிமுகமானார். மேலும் தமிழ் மற்றும் கன்னடத்தில் ஒரு படத்தில் நடித்து இருந்தார். தமிழில் சொல்லிவிடவா எனவும், கன்னடத்தில் பிரேமா பரஹா எனும் பெயரிலும் வெளியானது. இவர் தம்பி ராமையாவின் மகன் உமாபதியை காதலித்து வந்தார். இவர்களது திருமணம் இரு வீட்டார் சம்மதத்துடன் கடந்த ஜூன் மாதம் நடந்து முடிந்தது. இவர்களது திருமணத்தில் பல திரைப்பிரபலங்கள் மற்றும் அரசியல் பிரமுகர்கள் கலந்து கொண்டனர். 

புதுப்பட அறிவிப்பு 

தற்போது அர்ஜூன் தயாரித்து இயக்கும் சீதா பயணம் படம் குறித்த அறிவிப்பு இன்று வெளியாகியுள்ளது. இந்த படத்தின் படப்பிடிப்பு சில மாதங்களுக்கு முன் தொடங்கி நடைபெற்று வருகிறது.இதில் உபேந்திராவின் அண்ணன் மகன் நிரஞ்சனைக் ஹீரோவாக நடிக்க உள்ளார்.  'சீதா பயணம்' என பெயரிடப்பட்டுள்ள இந்த படத்தை ஸ்ரீராம் பிலிம்ஸ் இன்டர்நேஷனல் நிறுவனம் சார்பில் அர்ஜூனே தயாரிக்கிறார். இப்படத்தில் நடிக்க உள்ள மற்ற நடிகர் நடிகைகள், தொழில்நுட்ப கலைஞர்கள் குறித்த அறிவிப்பை படக்குழு விரைவில் வெளியிடவில்லை.

தமிழ், தெலுங்கு மற்றும் கன்னடம் ஆகிய மொழிகளில் இப்படம் வெளியாக உள்ளது. படத்தின் மற்ற அறிவிப்புகள் தொடர்ந்து வெளியாகும் எனவும் எதிறப்பார்க்கப்படுகிறது. திருமணத்திற்கு பின்னர் ஐஸ்வர்யா நடிக்கும் முதல் படம் இதுவாகும். முன்னதாக அர்ஜூன் அவருடைய மக்கள் ஐஸ்வர்யா திருமணத்தை பிரம்மாண்டமாக நடத்தி இருந்தார். மேலும் ஐஸ்வர்யா காதலித்து திருமணம் செய்து கொண்ட உமாபதியுடன் இணைந்து எந்த படமும் நடிக்க வில்லை என்பது குறிப்பிடத்தக்கது.