7G Rainbow Colony : 7ஜி ரெயின்போ காலனி 2 -மும்முரம் காட்டும் செல்வராகவன்.. உடல் எடை குறைக்கும் முயற்சியில் ரவி கிருஷ்ணா!

செல்வராகன் இயக்கத்தில் 2004ஆம் ஆண்டு வெளியான 7ஜி ரெயின்போ காலனி படத்தில் ரவி கிருஷ்ணா, சோனியா அகர்வால், சுமன் செட்டி போன்ற பலர் நடித்துள்ளனர். இளைஞர்களை கவரும் வகையில் எடுக்கப்பட்ட இந்த படம் தமிழ் மற்றும் தெலுங்கு ஆகிய இருமொழிகளில் நல்ல வரவேற்பை பெற்றது.

இப்படத்தில் இடம்பெற்றுள்ள நா.முத்துக்குமாரின் பாடல் வரிகளும், இசையும் இன்று வரை பலரது விருப்ப பட்டியலில் இருந்து வருகிறது. தற்போது '7ஜி ரெயின்போ காலனி' படத்தின் இரண்டாம் பாகத்தின் இந்த ஆண்டு ஜூன் மாதம் தொடங்கப்பட இருப்பதாக செய்திகள் வெளியாகியுள்ளது.

இப்படத்தில் ரவி கிருஷ்ணா, இசையமைப்பாளர் யுவன் ஷங்கர் ராஜா மற்றும் தயாரிப்பாளர் ஏ.எம்.ரத்னம் ஆகியோர் இருப்பார்கள் என்று கூறப்படுகிறது.

இரண்டாம் பாகத்தில் வேறொரு நாயகி நடிப்பார் என்று எதிர்பார்க்கப்படுகிறது. இதற்காக படக்குழு வேறொரு நடிகையிடம் பேச்சுவார்த்தை நடத்திவருவதாக கூறப்படுகிறது. இந்நிலையில் இயக்குநர் செல்வராகவனின் '7 ஜி ரெயின்போ காலனி-2' படத்தின் படப்பிடிப்பு ஜூன் மாத இறுதியில் தொடங்க உள்ளதாக தகவல் வெளியாகியுள்ளது.

திரைக்கதை எழுதும் பணியில் செல்வராகவனும், கதாபாத்திரத்திற்காக உடல் எடையை குறைக்கும் முயற்சியில் நடிகர் ரவி கிருஷ்ணாவும் ஈடுபட்டுள்ளதாக கூறப்படுகிறது. இத்தாண்டு இறுதிக்குள் படப்பிடிப்பை முடித்து அடுத்தாண்டிற்குள் வெளியிட படக்குழு திட்டமிட்டுள்ளனர்.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews

https://www.facebook.com/HTTamilNews

https://www.youtube.com/@httamil