24 Years of Poovellam Kettupaar : சூர்யா- ஜோதிகா இணைந்து நடித்த முதல் படம்.. பூவெல்லாம் கேட்டுப்பார் 24 ஆண்டுகள் நிறைவு!

பூவெல்லாம் கேட்டுப்பார் 1999இல் தமிழில் வெளிவந்த கமர்சியல் திரைப்படமாகும். இத்திரைப்படத்தினை வசந்த் இயக்கியிருந்தார். இயக்குனர் வசந்த்தின் கதைக்கருவும், திரைக்கதையும் இப்படத்தை அழகாக எடுத்துச் சென்றது.

சூர்யா மற்றும் ஜோதிகா இணைந்து நடித்த முதல் படமான பூவெல்லாம் கேட்டுப்பார். இப்படம் குடும்பங்கள் கொண்டாடும் கமர்சியல் திரைப்படமாக அமைந்தது. இப்படம் நகைச்சுவை, காதல், இரு இசையமைப்பாளர்களுக்கு இடையே உள்ள முரண்கள் எனப் பல உணர்வுகளைக் காட்சிப்படுத்துகிறது.

அதாவது விஜயகுமார் மற்றும் நாசர் இப்படத்தில் சண்டையால் பிரிந்த நண்பர்களாக நடித்திருப்பார்கள். இப்படத்தில் விஜயகுமாரின் மகனாக சூர்யாவும், நாசரின் மகளாக ஜோதிகாவும் நடித்திருப்பர். சூர்யா ஜோதிகா இருவருக்கும் காதல் மலர இந்த காதல் பிரிந்த இரு குடும்பங்களை எப்படி ஒன்று சேர்க்கிறது என்பதே இப்படத்தின் கதை.

சூர்யாவின் திரையுலக வாழ்க்கையில் ஒரு முக்கிய வெற்றிப்படமாக பூவெல்லாம் கேட்டுப்பார் அமைந்தது. சூர்யாவின் முதல் படமான நேருக்கு நேர் திரைப்படத்தை இயக்கிய வசந்த் தான் இப்படத்தையும் இயக்கினார். இப்படத்தில் சூர்யா, ஜோதிகா, விஜயகுமார், நாசர், அம்பிகா, கரண், வடிவேலு, கோவை சரளா என ஒரு நட்சத்திர பட்டாளமே நடித்துள்ளது.

கோவை சரளா , வடிவேலுவின் காமெடி அனைத்துமே இப்படத்தின் திரைக்கதைக்கு மேலும் வலு சேர்க்கும் வகையில் அமைந்தது. இரவா பகலா பாடலை இன்று கேட்டாலும் அந்த வைப் குறையவே இல்லை என்றே சொல்லலாம். இப்படத்தில் இடம்பெற்றுள்ள அனைத்து பாடல்களுமே ஹிட். இசையமைப்பாளர் யுவன் ஷங்கர் ராஜா இப்படத்தின் மூலம் அனைவரையும் திரும்பி பார்க்கவைத்தார் என்றே சொல்லலாம். அப்படி ஒரு வாய்ப்பாக அமைந்த படம், 'பூவெல்லாம் கேட்டுப்பார்'.

குறிப்பாக,

’சுடிதார் அணிந்து வந்த சொர்க்கமே

என்மீது காதல் வந்தது

எப்போது என்று கொஞ்சம் நீ சொல்வாயா

நீ சொல்வாயா… நீ சொல்வாயா”

”இரவா பகலா குளிரா வெயிலா என்னை ஒன்றும் செய்யாதடி

கடலா புயலா இடியா மழையா என்னை ஒன்றும் செய்யாதடி

ஆனால் உந்தன் மௌனம் மட்டும் ஏதோ செய்யுதடி

என்னை ஏதோ செய்யுதடி காதல் இது தானா”

”ஓ சென்யோரீட்டா

பேசும் மெழுகு பொம்மையே

ஓ சென்யோரீட்டா யே யே

மஞ்சள் நிற மலர்

உன்னை நினைக்க தானடி

கொஞ்சி கொஞ்சி பொழியுது

குளிர்ந்த மழை” போன்ற பாடல்கள் மக்கள் கொண்டாடும் பாடல்களாக அமைந்தது. இப்படத்தில் அமைந்த அனைத்து பாடல்களையுமே கவிஞர் பழனிபாரதி எழுதியுள்ளார்.

சூர்யா மற்றும் ஜோதிகா இணைந்து நடித்த முதல் படமான பூவெல்லாம் கேட்டுப்பார் திரைப்படம் வெளியாகி இன்றுடன் 24 ஆண்டுகள் நிறைவடைந்துள்ளது.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

https://twitter.com/httamilnews 

https://www.facebook.com/HTTamilNews 

https://www.youtube.com/@httamil 

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.