Vastu Tips: ’உங்கள் வீட்டில் படிகட்டுகள் இப்படி இல்லையா? அப்போ தரித்திரம் உறுதி!’ படிகட்டுகளுக்கான வாஸ்து குறிப்புகள்!

வாஸ்து சாஸ்திரம் என்பது இந்தியாவின் பாரம்பரிய கட்டிடக்கலை மற்றும் வடிவமைப்பு பற்றி விவரிக்கும் சாஸ்திரம் ஆக உள்ளது. ஒரு நிலத்தில் கட்டிடம் கட்டுவதற்குரிய முறைகளையும், அதன் தத்துவங்களையும் விளக்கும் முறைகளை வேதம் சார்ந்து வாஸ்து விளக்குகின்றது. வாஸ்து சாஸ்திரத்தின் அடிப்படை நோக்கம், மனிதர்களும் இயற்கையும் ஒற்றுமையாக இணைந்து வாழும் ஒரு சூழலை உருவாக்குகிறது என்பது வாஸ்து நிபுணர்களின் கூற்றாக உள்ளது. வாஸ்து சாஸ்திரம் என்பது உடல் நலம், மன அமைதி, பொருளாதார வளர்ச்சி, சொத்து மதிப்பு அதிகரிப்பு ஆகியவற்றுக்கு வாஸ்து காரணமாக அமைகின்றது.

படிக்கட்டுக்களுக்கும் வாஸ்து சாஸ்திரமும்!

நமது வீடுகளில் படிக்கட்டுகள் கட்டுவதற்கு வாஸ்துவில் சில முக்கியமான விஷயங்கள் கூறப்பட்டுள்ளன. வாஸ்து சாஸ்திரத்தின் மீது நம்பிக்கை உடையவர்கள் வீடுகளில் படிக்கட்டுகளை கட்டும் போது இந்த வாஸ்து விதிகளை கண்டிப்பாக பின்பற்றுவது அவசியம் ஆகும்.  

தவறான திசையில் கட்டப்பட்ட படிக்கட்டுகள் வீட்டில் எதிர்மறை ஆற்றலை அதிகரித்து வீட்டை வாஸ்து குறைபாடுகள் கொண்ட இடமாக மாற்றுவதாக வாஸ்து நிபுணர்கள் கூறுகின்றனர். எனவே, வீட்டில் படிக்கட்டுகள் குறித்த வாஸ்து குறிப்புகளை புறக்கணிக்கக்கூடாது. படிக்கட்டுகள் தொடர்பான சில வாஸ்து குறிப்புகளை கடைப்பிடிப்பதன் மூலம் குடும்பத்தில் ஏற்படும் சில பிரச்சனைகளை சமாளிக்கலாம் என்று கூறப்படுகிறது. 

உத்தரகாண்ட் திறந்தநிலைப் பல்கலைக்கழகத்தின் ஜோதிடத் துறையின் உதவி பேராசிரியரும் ஒருங்கிணைப்பாளருமான டாக்டர் நந்தன் குமார் திவாரி எழுதிய 'கிரஹ நிர்மான் விவேகன்' புத்தகத்திலிருந்து படிக்கட்டுகளின் வாஸ்துவை அறிந்து கொள்வோம் -

படிகட்டுகளுக்கான வாஸ்து குறிப்புகள்:-

வாஸ்து படி, படிக்கட்டுகளின் அகலம் ஒரு கை முதல் மூன்று கைகளுக்கு இடையில் இருக்க வேண்டும்.

அதே நேரத்தில், படிக்கட்டுகளில் எப்போதும் 11, 13, 15, 17 அல்லது 21 போன்ற ஒற்றைப்படை எண்ணிக்கையிலான படிகள் இருக்க வேண்டும்.

வடகிழக்கு மூலையில் படிக்கட்டுகள் அமைப்பது நல்லதல்ல.

வாஸ்துவில், வீட்டின் தென்மேற்கில் படிக்கட்டுகளை அமைப்பது மிகவும் மங்களகரமானதாக கருதப்படுகிறது.

வாஸ்து சாஸ்திரத்தின் படி வீட்டில் வளைந்த படிக்கட்டுகளை கட்டுவது அசுபமாக கருதப்படுகிறது.

படிக்கட்டுக்கு அடியில் பூஜை அறை கட்ட வேண்டாம்.

வாஸ்து படி, உடைந்த படிக்கட்டுகள் வீட்டில் அமைதியின்மையை ஏற்படுத்தும். எனவே உடனடியாக அதை சரிசெய்வது முக்கியம். 

அதுமட்டுமின்றி, வீட்டில் உள்ள பிரம்ம ஸ்தலத்திற்கும் அதிக முக்கியத்துவம் உண்டு. இந்த இடத்தில் படிக்கட்டுகள் கட்டக்கூடாது.

வாஸ்து படி, கழிப்பறை, ஸ்டோர் ரூம் அல்லது குப்பைத் தொட்டி போன்ற எதிர்மறை ஆற்றல் பெற்றவையை படிக்கட்டுகளுக்கு அடியில் வைக்கக்கூடாது.

படிக்கட்டுகளின் தொடக்கத்திலும் முடிவிலும் உள்ள கதவுகள் வாஸ்து விதிகளின்படி இருக்க வேண்டும் என்று நம்பப்படுகிறது. கீழ் கதவு மேல் கதவுக்கு சமமாகவோ அல்லது சற்று பெரியதாகவோ இருக்க வேண்டும்.

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.