கூட்டணி சேரும் சுக்கிரன்-புதன்: பலன் பெறப்போகும் ராசிகள்!

நவகிரகங்களில் மிக முக்கியமான கிரகங்களாகப் புதனும் சுக்கிரனும் உள்ளன. ஏனென்றால் வாழ்க்கையில் இருக்கும் இன்பம் காதல் திருமணம் போன்றவற்றிற்கு சுக்கிர பகவான் காரணமாக விளங்குகிறார். 

அதேபோல் புத்திசாலித்தனம், கல்வி போன்றவற்றிற்குப் புதன் பகவான் அதிபதியாகத் திகழ்கிறார். இவர்கள் இருவரும் ரிஷப ராசியில் வரும் ஜூன் 18ஆம் தேதியன்று இணைந்து சஞ்சாரம் செய்ய உள்ளனர்.

இந்த சஞ்சாரத்தால் சில ராசிகள் யோகத்தைப் பெறப் போகின்றன. அது எந்தெந்த ராசிகள் என இங்கே காண்போம்.

மேஷ ராசி

நீங்கள் செவ்வாய் பகவானை அதிபதியாகக் கொண்டவர்கள். இந்த கூட்டணி உங்கள் ராசிக்கு இரண்டாமிடத்தில் அமைவதால் யோகத்தில் எந்த சிக்கலும் இருக்காது. உங்கள் பேச்சுக்கு மதிப்பு அதிகரிக்கும், வருமானம் உயரும். திடீரென பணவரவு அதிகரிக்கும். நிதி சார்ந்த விஷயங்களில் உங்களுக்கு முன்னேற்றம் கிடைக்கும்.

மிதுன ராசி

புதன் பகவானை அதிபதியாகக் கொண்ட உங்களுக்கு விரய ஸ்தானத்தில் இந்தக் கூட்டணி அமைய உள்ளது. பொருளாதாரத்தில் எந்த சிக்கல்களும் இருக்காது. தொழில் சார்ந்த விஷயங்களில் நல்ல முன்னேற்றம். பதவி உயர்வு உங்களைத் தேடி வரும். சுப காரியங்களால் செலவு உண்டாகும்.

கடக ராசி

இந்த கூட்டணி லாபஸ்தானத்தில் பதினோராம் வீட்டில் அமைய உள்ளது. உங்கள் ராசிக்கு மகாலட்சுமி யோகம் கொட்டப் போகிறது. தொழிலில் மிகப் பெரிய லாபம் கிடைக்கும். வருமானம் உச்சத்தில் இருக்கும்.

சிம்ம ராசி

நீங்கள் சூரியனை அதிபதியாகக் கொண்டவர்கள். இந்த கூட்டணி பத்தாம் வீடான தொழில் ஸ்தானத்தில் உங்களுக்கு அமைய உள்ளது. புதிய வேலை, சம்பள உயர்வு, பதவி உயர்வு என அனைத்தும் அமையும். வியாபாரத்தில் நல்ல லாபம் கிடைக்கும். உடல் ஆரோக்கியத்தில் பெரிய முன்னேற்றம் இருக்கும்.

கன்னி ராசி

பாக்கிய ஸ்தானமான 9 ஆம் வீட்டில் சுக்கிரன் புதன் கூட்டணி அமைய உள்ளது. குடும்பத்தில் மகிழ்ச்சி உண்டாகும். வருமானம் அதிகரிக்கும். வேலை செய்யும் இடத்தில் மகிழ்ச்சி உண்டாகும். மேலும் பதவி உயர்வு, சம்பள உயர்வு கிடைக்கும். எதிர்பாராத நேரத்தில் பணவரவு இருக்கும்.