புத்தாண்டில் மாறும் கிரகங்கள்! 2025ஆம் ஆண்டு கோடீஸ்வர யோகம் பெறும் 4 ராசிகள்! செம அடி வாங்க போகும் 3 ராசிகள்!

ஜோதிடத்தில் வருடக் கோள்களின் தாக்கம் மிக முக்கியமானது. சனி பகவான் ஒரு ராசியை கடக்க 2.5 ஆண்டுகளையும், குரு பகவான் ஒரு ஆண்டையும், ராகு மற்றும் கேது ஆகிய கிரகங்கள் 1.5 ஆண்டுகளையும் எடுத்துக் கொள்கின்றன. சனி பெயர்ச்சி, குரு பெயர்ச்சி, ராகு - கேது பெயர்ச்சி நடைபெறும் ஆண்டாக வரும் 2025ஆம் ஆண்டு உள்ளது. 

ரிஷபம் மற்றும் துலாம் ராசிக்காரர்கள் முதல் தர நன்மைகளையும், மிதுனம் ராசிக்காரர்கள் இரண்டாம் தர நன்மைகளையும் பெறுவார்கள். கன்னி, விருச்சிகம், தனுசு, மீனம் ராசிக்காரர்கள் மூன்றாம் தர நன்மைகளை பெறுவார்கள். 

ரிஷபமும் துலாமும்!

ரிஷபம் மற்றும் துலாம் ராசிகளை பொறுத்தவரை தொட்டதெல்லாம் துலங்கும். கோச்சார அடிப்படையில் 4 வருடக் கோள்களில் 3 கோள்கள் உங்களுக்கு சாதமாக இருக்கின்றது. பணவரவு அதிகரிக்கும். புதிய வேலை கிடைக்கும். புதிய தொழில் தொடங்குவீர்கள், வெளிநாட்டு வேலைகள் கிடைக்கும், படிக்கும் மாணவர்கள் தேர்வில் சாதிப்பார்கள், திருமணம் ஆகாதவர்களுக்கு திருமணம் ஆகும், நீண்ட கால நோய்கள் குணமாகும். 

மிதுனம்

மிதுனம் ராசியை பொறுத்தவரை வருடக் கோள்களில் 3 கோள்கள் சாதகமாக உள்ளது. குரு பகவான் மூலம் சுப பலன்கள் கிடைக்கும். முயற்சிக்கு பிறகு வெற்றிகளை கிடைக்கும் அமைப்பு மிதுனத்திற்கு உண்டாகும். நீண்ட நாட்களாக தீராத கடன், நோய் விலகும். நீண்ட தூர பயணங்களை மேற்கொள்வீர்கள். 10ஆம் இட சனி பகவானால் அனுகூலம் கிடைக்கும். ராசிக்கு குரு வருவதால் திருமணம் கைகூடும். தம்பதிக்குள் இருந்து வந்த பிரச்னைகள் விலகும். 

கன்னி, விருச்சிகம், தனுசு, மீனம் 

மீனம் ராசியை பொறுத்தவரை ஜென்மசனி தொடங்குவதால் கவனமாக இருக்க வேண்டும். வரும் 2025ஆம் ஆண்டு ராகு விலகுவதால் மன அழுத்தம் நீங்கும். நீண்டநாட்களாக இருந்து வந்த சொத்து தகராறுகள் தீரும். குடும்ப உறவுகள் உடனான பிரச்னைகள் தீரும். ராசியில் சனி பகவான் வருவதால் செயல்களில் தடை தாமதங்கள் உண்டாகும். ஒரு பிரச்னை முடிவதற்கு அடுத்த பிரச்னைகள் வரும். 

கன்னி, விருச்சிகம், தனுசு ராசிக்கு 4 வருடக் கோள்களில் 2 வருடக் கோள்கள் சாதமாக உள்ளது. இதனால் உழைப்புக்கு ஏற்ற பலன்கள் கிடைக்கும். 

கன்னி ராசிக்கு ராகு- கேதுக்கள் விலகுவதால் சொத்து பிரச்னை, கணவன் - மனைவி இடையே உள்ள பிரச்னைகள் தீரும். 7ஆம் இடத்து சனியால் தொழிலில் மந்த நிலை உண்டாகும். 

விருச்சிகம் ராசிக்கு 8ஆம் இடத்தில் குரு மறைவது சில விரையங்களை உண்டாக்கும். வெளிநாடுகளுக்கு பயணம் செல்வீர்கள். 2ஆம் அதிபதி 8ஆம் இடத்தில் உள்ளதால் பொருளாதார நிலை உயரும். பணத்தட்டுபபடு தீரும், பணவரவு சீராக இருக்கும். 

தனுசு ராசியை பொறுத்தவரை 7ஆம் இடத்திற்கு குரு பகவான் வருவது நன்மைகளை தரும். அதே வேளையில் அர்தாஷ்டம சனி தொடங்குவதால் உடல்நிலையில் கவனம் தேவை. 3 மற்றும் 9ஆம் இடங்களுக்கு ராகு, கேது வருவது நன்மைகளை செய்யும். நீண்ட நாட்களாக மறுக்கப்பட்ட வாய்ப்புகள் கிடைக்கும். உடல்நல பாதிப்புகள் படிப்படியாக தீரும். தடை தாமதங்கள் மற்றும் போராட்டங்களுக்கு பிறகு உங்கள் செயல்களுக்கு வெற்றி கிடைக்கும்.

பிற ராசிகள் 

இது தவிர்த்த கடகம், மேஷம், சிம்மம், மகரம், கும்பம் ஆகிய ராசிகளுக்கு வருடக் கோள்கள் அவ்வளவு ஆதரவாக இல்லை. ஆனால் கடகம் ராசிக்கு அஷ்டம சனியும், மகரம் ராசிக்கு ஏழரை சனியும் முடிகின்றது. 

பொறுப்புத் துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.