வடமாநிலங்களில் பெண்கள் கொண்டாடும் கர்வா செளத் விரதம்.. வழிபடும் முறை மற்றும் கர்வா செளத்துக்குப் பின் இருக்கும் கதை

ஒவ்வொரு ஆண்டும் திருமணமான பெண்கள் கர்வா சௌத் விரதத்திற்காக ஆவலுடன் காத்திருக்கிறார்கள். த்ரிக் பஞ்சாங்கின் கூற்றுப்படி, இந்த ஆண்டு கர்வா சௌத் விரதம் அக்டோபர் 20ஆன இன்று கொண்டாடப்படுகிறது.

கணவரின் நீண்ட ஆயுளுக்காக, மணமான பெண்கள் அக்டோபர் 20ஆம் தேதி நீர் குடிக்காத விரதத்தைக் கடைப்பிடிக்க வேண்டும். இந்த விரதத்தில், மாலையில் 7.40 மணிக்கு சந்திரன் உதிக்கும். அப்போது சந்திரனை வணங்கி விரதத்தை முடிக்க வேண்டும்.

கர்வா சௌத் விரதம் திருமணமான பெண்களுக்கு மிகவும் முக்கியத்துவம் வாய்ந்தது. இந்த நாளில், பெண்கள் தங்கள் கணவர்களின் நீண்ட ஆயுளுக்காகவும், மகிழ்ச்சிக்காகவும் கர்வா சௌத் அன்று நோன்பு உண்ணாநோன்பு நோற்கிறார்கள்.

அதன்பின், மாலையில் கர்வா மாதா, சிவ-கௌரி, விநாயகர் மற்றும் கார்த்திகேயர் ஆகிய 16 விக்ரகங்களுக்கு வழிபாடு நடத்தப்படுகிறது. அதன்பின், இரவில் சந்திரதேவனுக்கு தண்ணீர் கொடுத்த பின்னரே விரதம் முடிவடைகிறது.

கர்வா சௌத் பண்டிகையில் கர்வா என்னும் மண் கலயத்தை யாருடன் மாற்றுவது?

மண் கலயம் அல்லது மண் பானையை மாற்ற, இரண்டு மண் கலயங்கள் தேவை. இதற்காக, வீட்டில் நீண்டகால பாரம்பரியத்தின்படி மண்பாண்டத்தைப் பயன்படுத்தலாம்.

இந்த விரதத்துக்கு கொண்டு வரப்பட்டு இரண்டு மண் கலயங்களில், ஒரு கர்வா கௌரி மாதாவின் பெயரிலும், மற்றொன்று கர்வா மாதாவின் பெயரிலும் உள்ளது. முதலில், இதில் சிறிது தானியங்களைப் போட்டு, பணம், உலர்ந்த பழங்கள் மற்றும் நாணயம் ஆகியவற்றைப் போட்டு வைக்கவும். அதன் பிறகு, மண் கலயத்தின் மேல் வைக்கப்பட்டுள்ள விளக்கை ஏற்றவும்.

மேலும் மண் கலயத்தில் சந்தனம் - குங்குமம் வையுங்கள். அதன் பிறகு, ’’ஜெய் மா கர்வா’’ என்று உச்சரித்து மண் கலயத்தை மாற்றுவார்கள். வீட்டில் உள்ள திருமணமான பெண்கள், மண் கலயத்தை ஒருவருக்கு ஒருவர் மாற்றிக்கொள்ளலாம்.

கர்வா செளத்தின் கதை:

பழங்காலத்தில் வட்டிக்கடைக்காரருக்கு ஏழு மகன்களும் ஒரு பெண்ணும் இருந்தனர். கந்து வட்டிக்காரரின் மகன்கள் தனது சகோதரியை மிகவும் நேசித்தனர். அவரது மருமகள்கள் மற்றும் மகள் கர்வா சௌத் நோன்பு நோற்றனர். சௌத் நோன்பு காலத்தில் சந்திரனைப் பார்த்த பின்னரே நோன்பு திறக்கப்படுகிறது. இரவில், வட்டிக்கடைக்காரரின் சகோதரர்கள் சாப்பிடத் தொடங்கியபோது, அவர் தனது சகோதரியை சாப்பிட்டாயே என்று கேட்டனர். அப்போது அந்த சகோதரி, இன்று நோன்பு இருப்பதாகவும், சந்திரனுக்கு உணவு அளித்த பின் மட்டுமே உணவு எடுக்க முடியும் என்றும் கூறினார்.

தங்கையின் நிலையைக் கண்டு கொள்ளாத இளைய சகோதரன், தூரத்து மரத்தில் விளக்கேற்றி சல்லடையை வைத்தான். சல்லடையில் வைக்கப்பட்டுள்ள விளக்கு சந்திரன் என்று சகோதரியிடம் நம்பவைக்கிறான். தங்கை நம்புகிறாள். ஆனால், அவனது அண்ணிகள் அவள் பேச்சைக் கேட்கவில்லை. நோன்பை திறக்கவில்லை.

சகோதரர்களின் புத்திசாலித்தனம் சகோதரிக்கு புரியவில்லை, அவள் சந்திரனைப் பார்த்ததாக ஒரு கவளம் உணவை சாப்பிடுகிறாள். முதல் துண்டை வாயில் போட்டவுடனேயே தும்முகிறாள். இரண்டாவது துண்டை அவள் வாயில் வைக்கும்போது, அதில் முடி வெளியே வந்துவிடுகிறது. மூன்றாவது துண்டை வாயில் வைக்கும் போதுதான் அவளுக்கு கணவன் இறந்த செய்தி கிடைக்கிறது. அவள் மிகவும் சோகமடைகிறாள். அவளது அண்ணியிடம் தனக்கு ஏன் இப்படி நடந்தது என்ற உண்மையைச் சொல்கிறாள். தவறுதலாக உண்ணாவிரதத்தை முறித்ததால் அன்னை சக்தி கோபப்பட்டுவிட்டாள் என்பதை உணர்கிறாள்.

பின்னர் அவள் தன் கணவனை தகனம் செய்ய வேண்டாம் என்றும், தனது கற்பால் அவனை உயிர்ப்பிக்க முடிவு செய்கிறாள். துக்கத்துடன், அவள் கணவனின் உடலுடன் ஒரு வருடம் உட்கார்ந்து, அதன் மேல் வளர்ந்திருந்த புற்களை சேகரிக்கிறாள். அடுத்த வருடம் கார்த்திகை கிருஷ்ண சதுர்த்தி வந்ததும் அவள் ’கர்வா சௌத்’ நோன்பு நோற்கிறாள். மாலையில் சுமங்கலியின் ஆசிர்வாதங்களைப் பெற்றுக்கொண்டு, கர்வா மாதாவையும் விநாயகப் பெருமானையும் வழிபட்டு, தன் கணவரை மீண்டும் புத்துயிர் பெறச்செய்கிறாள். இது கர்வா செளத் பண்டிகையின் கதை ஆகும். எனவே, சுமங்கலிகள் இந்த பண்டிகையை மேற்கொள்வது நன்மை பயக்கும். இந்த விரதத்தில் இந்தக் கதை படிக்கப்படுகிறது.

பொறுப்பு துறப்பு:

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.