’அதிகாரத்தை அடையும் சிம்மம்! புகழை சேர்க்கும் கன்னி!’ சுக்கிர பெயர்ச்சி பலன்கள்!

நவகிரகங்களில் அசுர குரு எனப்படும் சுக்கிர பகவானுக்கு தனி இடம் உண்டு. பொருள் சேர்க்கை, திருமணம், மகிழ்ச்சி, கலை, திறமை, அழகு, காதல், காமம், ஆடைகள், அலங்காரம், ஆபரணங்கள் ஆகியவற்றின் காரகத்துவம் கொண்ட கிரகமாக சுக்கிரன் உள்ளார். ஜோதிடத்தில், கிரகங்களின் இயக்கத்தில் ஏற்படும் மாற்றம் மிகவும் முக்கியமானதாகக் கருதப்படுகிறது. கிரகங்களின் இயக்கம் மாறுவது அனைத்து ராசிகளுக்கும் சுப மற்றும் அசுப விளைவுகளை ஏற்படுத்துகிறது.

2024 ஆம் ஆண்டின் இறுதியில் டிசம்பர் 2ஆம் தேதி முதல் முதல் 28ஆம் தேதி வரை சுக்கிர பகவான் மகரம் ராசியில் சஞ்சரிக்கிறார். இந்த கிரக பெயர்ச்சி மேஷம் முதல் மீனம் வரையிலான 12 ராசிகளுக்கும் தாக்கத்தை உண்டாக்கும். சிம்மம் மற்றும் கன்னி ராசிக்காரர்களுக்கு உண்டாகும் நன்மைகள் குறித்து தற்போது பார்க்கலாம்.

சிம்மம்

சிம்மம் ராசிக்காரர்களுக்கு சுக்கிர பெயர்ச்சி மகிழ்ச்சியான வாழ்கையை கொண்டு வரும். கோபத்தை கட்டுப்படுத்தி பொறுமை உடன் செயல்பட முன்வருவீர்கள். குடும்பத்திலும், பணியிடங்களிலும் மகிழ்ச்சியும், அமைதியும் உண்டாகும். 

தொழிலில் சில பங்குதாரர்களால் இழப்புகள் உண்டாகலாம். நிதிசார்ந்த விஷயங்களில் பிரச்னைகள் இருக்கலாம். பணியிடங்களில் சில மாற்றங்கள் உண்டாகலாம். வருமானம் சீராக இருந்தாலும் தேவையற்ற செலவுகளால் பற்றாக்குறைகள் உண்டாகும். குடும்பத்தில் உள்ள பெரியவர்களின் உடல்நிலையில் கவனம் தேவை. மாணவர்கள் படிப்பில் உயர்ந்த நிலையை அடைவார்கள். அரசியலில் இருப்பவர்களுக்கு புதிய பதவிகள் தேடி வரும். பாதுகாப்பு துறையில் இருப்பவர்களுக்கு பலன் கிடைக்கும். உத்யோகத்தில் சீனியர்களின் பாராட்டு கிடைக்கும். பெண் தொழில் முனைவோர்களுக்கு முன்னேற்றம் கூடும். போட்டித் தேர்வுகளுக்கு தயாராகும் மாணவர்கள் ஆர்வத்துடன் படிப்பார்கள். சகோதர வழியில் ஆதரவு கிடைக்கும். குழந்தைகளின் உடல்நிலையில் கவனம் தேவை. புதிய செயல்களில் வெற்றிகள் கிடைக்கும். இசை, நாட்டிய துறைகளில் இருப்பவர்களுக்கு புகழ் உண்டாகும்.

கன்னி

கன்னி ராசிக்காரர்களுக்கு தைரியம் மற்றும் சாகச குணங்கள் மீது ஆர்வம் உண்டாகும். எந்த பணிகளையும் புத்திசாலித்தனமாக முடிப்பீர்கள். பேச்சில் நிதானமும், கவனமும் தேவை. கோபத்தால் வாக்குவாதம் உண்டாகலாம். உங்கள் தனிப்பட்ட விஷயங்களை பிறருடன் பகிர வேண்டாம். அலுவலகத்தில் பிறரின் யோசனைகளை கேட்டு செயல்படுவீர்கள். உத்யோகத்தில் உங்கள் செயல்பாடுகளுக்கு மரியாதை கிடைக்கும். சிலருக்கு மரியாதைக்குரிய பதவிகள் தேடி வரும். விளையாட்டு வீரர்கள் போட்டிகளில் வெல்வீர்கள். அதீத கோபம் வந்தாலும் அதை வெளிக்காட்டிக் கொள்ள வேண்டாம், நிதானம் உடன் செயல்படவும். சகோதர சகோதரிகளின் தவறுகளை மன்னிப்பீர்கள். தாயின் உடல்நிலையில் முன்னேற்றம் ஏற்படும். தம்பதியரிடையே நல்லுறவு ஏற்படும். நீண்ட நாட்களாக நிலுவையில் இருந்த பணம் கிடைக்கும். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.