’மேஷம் முதல் மீனம் வரை!’ உத்யோகம் மாற்றத்தால் வளர்ச்சி! வீழ்ச்சி யாருக்கு? ஜோதிடம் சொல்லும் ரகசியம் இதோ!

பதவி உயர்வு குறித்த எதிர்பார்ப்பு, புதிய வேலைக்கு செல்ல திட்டமிடுவது, ஒரு நிறுவனத்தில் இருந்து மற்றொரு நிறுவனத்திற்கு செல்ல திட்டமிடுவது, வெளிநாடு மற்றும் வெளியூர் வேலைகளை எதிர்ப்பார்ப்பது என்பது பலரின் தேடல்களாக உள்ளது. 

மாற்றமும்! 6, 8, 12ஆம் இடங்களும்!

வேலை சார்ந்த மாற்றங்களை பொறுத்தவரை நல்ல மாற்றம் மற்றும் கெட்ட மாற்றம் என்று இரண்டாக உள்ளது. மாதம் ஒரு லட்சம் சம்பளம் வாங்கும் ஒருவருக்கு இரண்டு லட்சம் சம்பளத்தில் புதிய உயர்வு கிடைப்பது நல்ல மாற்றம் ஆகும். ஆனால் மாதம் ஒரு லட்சம் ரூபாய் சம்பளம் வாங்குபவர் வேலை இல்லை என்ற நிலை வருவது கெட்ட மாற்றம் ஆகும். 

மாற்றம் என்று வந்தாலே அதில் 6, 8, 12 ஆகிய இடங்களின் தொடர்பு இருக்கும். உங்கள் ஜாதகத்தில் 6, 8, 12ஆம் இடங்களில் வலுத்த கோள்கள் தசையோ அல்லது புத்தியோ நடத்த வந்தால் உங்கள் வாழ்கையில் மாற்றம் வரப்போவது நிச்சயம் ஆகும். 

தனுசு லக்னமும்! உத்யோக மாற்றமும்!

உதாரணமாக தனுசு லக்ன ஜாதகத்தை எடுத்துக் கொள்வோம். இந்த லக்னத்திற்கு 6ஆம் இடத்தில் சந்திரன் உச்சம் ஆகும். இவர்களுக்கு சந்திர தசையோ அல்லது சந்திர புத்தியோ நடைபெறும் காலத்தில் உத்யோகத்தில் மாற்றம் உண்டாக வாய்ப்புகள் உண்டாகும். தனுசு லக்னத்திற்கு சந்திரன் நண்பர் என்பதால் மாற்றத்தினால் முன்னேற்றம் இருக்கும். 

லக்னாதிபதிக்கு 6, 8, 12ஆம் அதிபதிகள் யார் என்பதை பொறுத்து இந்த மாற்றங்கள் நன்மையில் முடியுமா அல்லது தீமையில் முடியுமா என்பதை தீர்மானிக்கும். 

கும்ப லக்னமும் உத்யோக மாற்றமும்!

உதாரணமாக கும்ப லக்னத்தை எடுத்துக் கொள்வோம். சந்திரன் ரிஷபத்தில் உச்சம் பெற்று உள்ளார். இவருக்கு வரும் சந்திர திசை கெட்ட மாற்றங்களை உண்டாக்கும். கும்ப லக்ன ஜாதகரான சனி பகவானுக்கு 6ஆம் இடத்திற்கு உரிய சந்திரன் நல்லவர் கிடையாது. இதனால் வேலை, கடன், உடல்நிலையில் பிரச்னைகள் உண்டாகும். வீடு மாற்றம், உத்யோகம் பரிபோகுதல் உள்ளிட்ட பிரச்னைகளை இந்த கிரகங்கள் கொடுக்கும். 

பொறுப்பு துறப்பு

இந்தக் கட்டுரையில் உள்ள எந்தவொரு தகவல்/பொருள்/கணக்கீட்டின் துல்லியம் அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / சொற்பொழிவுகள் / நம்பிக்கைகள் / வேதங்களில் இருந்து சேகரித்து உங்களுக்குத் தெரிவிக்கப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.