திருவாமாத்தூர் ஸ்ரீஅபிராமேஷ்வரர் சிறப்புகள்!

விழுப்புரம் திருவண்ணாமலை சாலையில் சுமார் 8 கிலோமீட்டர் தூரம் சென்றால் இந்த திருவாமாத்தூர் அடையலாம். விநாயகருக்கு என்று அமைந்த அழகிய கோயில் இது. இங்கே பிரதான தெய்வமாக வீற்றிருந்து அருள்பாலிக்கிறார் ஆனைமுகப் பெருமான்.

சன்னதி கோஷ்டத்தில் ஸ்ரீதட்சிணாமூர்த்தி பெருமானைத் தரிசிக்கலாம். கோஷ்டத்தில் அடுத்து லிங்கோத்பவர் சன்னிதி பரமன் உள்ளது. பெருமான் அடி முடி காணத் திருமாலும், பிரம்மனும் சென்றதை விளக்கும் லிங்கோத்பவ வடிவைத் தரிசிக்கலாம். கருவறை கோஷ்டத்தில் நான்முகக் கடவுளான ஸ்ரீ பிரம்மா நின்றகோலத்தில் திகழ்கிறார்.

தனிச்சன்னிதியில் கையில் உடுக்கை சூலம் ஏந்தி கால பைரவர் காட்சி தருகிறார். அடுத்து அன்னை மரகதாம்பாள் தனிச்சன்னிதியில் இருபுறமும் துவாரபாலகியர்களுடன் நின்ற கோலத்தில் அருள்பாலிக்கிறார். விநாயகர் சுயம்பு மூர்த்தியாக எழுந்தருளியுள்ளார். 

தல வரலா

ஒற்றைக் கல்லில் அமைந்தவர் இந்த விநாயகப் பெருமான். இந்த ஊருக்கு ஆமாத்தூர் என்று பெயர் வந்ததே பசுமை வைத்துத்தான். முன்னொரு காலத்தில் பசுக்களெல்லாம் கொம்புகள் இல்லாமல் படைக்கப்பட்டு இருந்தனவாம். 

தெய்வப் பசுவாகிய காமதேனுவும் மற்ற பசுக் கூட்டங்களும் தங்களை அழிக்க வரும் சிங்கம், புலி முதலிய மிருகங்களிடம் இருந்து தங்களைக் காத்துக் கொள்ளக் கொம்புகள் வேண்டும் என நந்திதேவரிடம் முறையிட்டனவாம்.

அதற்கு நந்தியம்பெருமான் பம்பை நதிக்கரையில் உள்ள வன்னி வனத்தில் சுயம்பு மூர்த்தியாக இருக்கும் அபிராமேஸ்வரர் வணங்கி, வழிபடும் படி கூறினாராம். அவ்வாறு பசுக்கள் தவம் செய்து வணங்கி வழிபட்டு கொம்புகளைப் பெற்ற தலம் என்பதால் இது திரு ஆமாத்தூர் எனப்படுகிறது.

முருகப் பெருமான் வள்ளி தெய்வானையுடன் காட்சி தருகிறார். இங்கே சன்னதி கொண்டுள்ள ஸ்ரீ மதுரை நாதிஸ்வரர் அழகிய அலங்காரத்துடன் திகழ்கிறார். இக்கோயிலில் வழிபட்டால் அனைத்தும் நிறைவேறும் என்பது ஐதீகம்.