பாஜக உயர் மட்டத்தில் அதிரடி மாற்றங்கள் உள்பட முக்கிய செய்திகள் (ஆக.17)

paragraph

<ul><li>மெக்சிகோவை சேர்ந்த மரியா என்பவர் தனது உடலை 49 முறை அறுவை சிகிச்சை செய்து மாற்றி அமைத்துள்ளார்.</li><li>வங்கிகள் மற்றும் காப்பீடு நிறுவனங்களில் உரிமை கோராமல் உள்ள நாற்பதாயிரம் கோடி ரூபாயை உரியவர்களிடம் உடனடியாக வழங்க உச்ச நீதிமன்றம் உத்தரவிட்டுள்ளது.</li><li>கர்நாடகாவில் 5 வயது சிறுமியிடம், 15 வயது சிறுவன் பாலியல் வன்புணர்வில் ஈடுபட்டது பெரும் அதிர்ச்சிக்குள்ளாக்கியுள்ளது.</li><li>ஆந்திர மாநிலம் எலுரு மாவட்டத்தில் மின்னல் தாக்கியதில் விவசாயத் தொழிலாளர்கள் 4 பேர் உயிரிழந்தனர் மற்றும் 3 பேர் காயமடைந்தனர்.</li><li>இலங்கை துறைமுகத்தில் சீனாவின் உளவு கப்பல் இருப்பது குறித்த கேள்விக்கு, “அதை நாங்கள் மிகவும் உன்னிப்பாக கவனித்து, கண்காணித்து வருகிறோம்” என வெளியுறவு துறை அமைச்சர் ஜெய்ஷங்கர் பதிலளித்துள்ளார்.</li><li>பாஜகவின் தலைமை அமைப்பான நாடாளுமன்றக் குழுவில் இருந்து கட்சியின் மூத்த தலைவர்களான நிதின் கட்கரி, சிவ்ராஜ் சிங் சவுகான் ஆகியோர் நீக்கப்பட்டுள்ளனர்.</li><li>மகாராஷ்டிரத்தின் சட்ட மேலவைத் தலைவராக அம்மாநில துணை முதல்வர் தேவேந்திர ஃபட்னவீஸ் நியமிக்கப்பட்டுள்ளதாக முதல்வர் ஏக்நாத் ஷிண்டே அறிவித்துள்ளார்.</li><li>புதுச்சேரியைச் சேர்ந்த கல்லூரி மாணவர் ஒருவர் கோவாவில் மர்மமான முறையில் உயிரிழந்தது குறித்து போலீஸார் விசாரணை நடத்தி வருகின்றனர்.</li><li>ஆந்திரத்தில் அடுத்தடுத்து 3 கொலைகள் என தொடர் கொலையில் ஈடுபட்டு வந்த நபரை காவல்துறையினர் கைது செய்துள்ளனர்.</li><li>மனைவியை மற்ற பெண்களுடன் ஒப்பிடுவதும், தனது எதிர்பார்ப்புகளுக்கு ஏற்றவாறு இல்லை என்று தொடர்ந்து கேலி செய்வதும், மன ரீதியாக கொடுமைப்படுத்துவது ஆகும் என்று கேரள உயர் நீதிமன்றம் கருத்து தெரிவித்துள்ளது.</li><li>தர நிர்ணய அளவை மீறி தயாரிக்கப்பட்ட குக்கர்களை ஆன்லைனில் விற்பனை செய்த பிளிப்கார்ட் நிறுவனத்துக்கு ஒன்றிய நுகர்வோர் பாதுகாப்பு ஆணையம் ரூ.1 லட்சம் அபராதம் விதித்துள்ளது.</li><li>விவசாயிகளுக்கு 1.5% வட்டி மானியம் அளிக்க ஒன்றிய அமைச்சரவைக் கூட்டத்தில் முடிவு செய்யப்பட்டுள்ளது.</li><li>ஜம்முவில் ஒரே குடும்பத்தைச் சேர்ந்த 6 பேர் மர்மமான முறையில் உயிரிழந்திருப்பது குறித்து போலீஸார் விசாரணை நடத்தி வருகின்றனர்.</li><li>இஸ்லாமியப் பெண்ணை பாலியல் வன்கொடுமை செய்த 11 குற்றவாளிகள் விடுதலை செய்யப்பட்டதற்கு காங்கிரஸ் எம்.பி. ராகுல் காந்தி கண்டனம் தெரிவித்துள்ளார்.</li><li>மகாராஷ்டிரா ராய்ப்பூரில் இருந்து நாக்பூர் நோக்கிச் சென்ற "பகத் கி கோத்தி" ரயில் அதிகாலை 4 மணியளவில், கோண்டியா நகருக்கு அருகே விபத்துக்குள்ளானதில் 50 பேர் காயமடைந்தனர்.</li><li>இலவசங்களை தடை செய்வது தொடர்பான மனு உச்ச நீதிமன்றத்தில் விசாரணைக்கு வந்தபோது, இருதரப்பு வாதங்களை கேட்ட நீதிபதி வழக்கை 22ஆம் தேதிக்கு ஒத்தி வைத்து உத்தரவிட்டார்.</li><li>இங்கிலாந்தைச் சேர்ந்த பிரபல கால்பந்து கழகமான மான்செஸ்டர் யுனைடெட் கால்பந்துக் கழகத்தை வாங்க தயாராக இருப்பதாக எலான் மஸ்க் தெரிவித்துள்ளார்.</li><li>கேரளத்தில் பல்கலைக்கழகங்களுக்கு துணைவேந்தர்களை ஆளுநர் நியமிக்கும் அதிகாரத்தை குறைக்கும் மசோதாவுக்கு மாநில அமைச்சரவை ஓப்புதல் அளித்துள்ளது.</li><li>தில்லியில் குடியரசுத் தலைவர், துணை குடியரசுத் தலைவர், பிரதமர் நரேந்திர மோடி ஆகியோரை தமிழக முதல்வர் மு.க.ஸ்டாலின் சந்தித்து பேசினார்.</li></ul>ஒன்றிய மற்றும் மாநில அரசுகளின் மானியங்கள் மற்றும் சேவைகளைப் பெறுவதற்கு இனி ஆதார் எண் கட்டாயம் என இந்திய தனித்துவ அடையாள ஆணையம் அறிவித்துள்ளது.

Andhra Pradesh: ஆந்திராவில் மின்னல் தாக்கி 4 விவசாயிகள் பலி

<ul><li>ஆந்திராவில் மின்னல் தாக்கியதில் விவசாயத் தொழிலாளர்கள் 4 பேர் உயிரிழந்தனர்.</li></ul>

புதுச்சேரி கல்லூரி மாணவர் கோவாவில் மர்ம மரணம் - போலீஸார் விசாரணை

<ul><li>புதுச்சேரியைச் சேர்ந்த கல்லூரி மாணவர் ஒருவர் கோவாவில் மர்மமான முறையில் உயிரிழந்தது குறித்து போலீஸார் விசாரணை நடத்தி வருகின்றனர்.</li></ul>

Sabarimala: மாதாந்திர பூஜைக்காக சபரிமலை ஐயப்பன் கோயில் நடை திறப்பு

<ul><li>மலையாள சிங்கம் மாத பூஜைக்காக சபரிமலை நடை திறக்கப்பட்டுள்ளது.</li></ul>

Jammu: ஒரே குடும்பத்தைச் சேர்ந்த 6 பேர் மர்மமான முறையில் மரணம்

<ul><li>ஜம்முவில் ஒரே குடும்பத்தைச் சேர்ந்த 6 பேர் மர்மமான முறையில் மரணமடைந்திருப்பது பரபரப்பை ஏற்படுத்தி இருக்கிறது.</li></ul>

<ul><li>பாஜக உயர் மட்டத்தில் அதிரடி மாற்றங்கள், பிளிப்கார்ட் நிறுவனத்துக்கு அபராதம் உள்பட இன்றைய முக்கிய செய்திகளை இந்த தொகுப்பில் சுருக்கமாக காணலாம்.</li></ul>

10 நாட்கள் பிரச்சாரம், ஆதார் எண் கட்டாயம் உள்பட முக்கிய செய்திகள் (ஆக 17)

மோடி அரசின் 8 ஆண்டு கால நாசகர ஆட்சியை கண்டித்து மார்க்சிஸ்ட் கம்யூனிஸ்ட் கட்சி சார்பில் தமிழகம் முழுவதும் வருகிற 20-ந் தேதி முதல் 30-ந்தேதி வரை 10 நாட்கள் பிரச்சாரம் செய்யவுள்ளதாக மார்க்சிஸ்டு கம்யூனிஸ்டு கட்சியின் மாநில செயலாளர் பாலகிருஷ்ணன் அறிவித்துள்ளார்.

மத்திய, மாநில அரசுகளின் மானியங்கள் மற்றும் சேவைகளை பெற இனி ஆதார் எண் கட்டாயம் என இந்திய தனித்துவ அடையாள ஆணையம் தெரிவித்துள்ளது.

சென்னை உயர்நீதிமன்றம் ஒரு வரலாற்று சிறப்புமிக்க தீர்ப்பை வழங்கியுள்ளது என்று ஓபிஎஸ் தெரிவித்துள்ளார்.

ஆட்டோவிற்கான கட்டணங்களை உடனடியாக மாற்றி அமைக்க வேண்டும் என்று மக்கள் நீதி மய்யம் வலியுறுத்தியுள்ளது.

விசிக தலைவர் திருமாவளவன் பிறந்தநாளையொட்டி முதல்வர் ஸ்டாலின் வாழ்த்து கூறியுள்ளார்.

மதுரை மாவட்டம் உசிலம்பட்டி அருகே குடும்ப தகராறில் இளம்பெண் தூக்கிட்டு தற்கொலை செய்து கொண்ட சம்பவம் தொடர்பாக ஆர்.டி.ஒ விசாரணை மேற்கொண்டு வருகிறார்.

தி.மு.க. அரசின் பயங்கரமான கபட நாடகத்தால், எங்களை வியக்க வைக்க முடியாது என தமிழக பாஜக தலைவர் அண்ணாமலை தெரிவித்துள்ளார்.

சந்தர்ப்பவாத அரசியல்வாதி கருணாநிதியின் மகன் தான் மு.க.ஸ்டாலின் என்பதும் எங்களுக்கு தெரியும் என தமிழக பா.ஜ.க மாநில துணைத் தலைவர் நாராயணன் திருப்பதி தெரிவித்துள்ளார்.

அதிமுக பொதுக்குழுவுக்கு எதிராக ஓபிஎஸ் மற்றும் வைரமுத்து என்பவர் தொடர்ந்த வழக்கில் சென்னை உயர்நீதிமன்றம் தீர்ப்பளித்துள்ளது.

அதிமுக பொதுக்குழு விவகாரத்தில் சட்ட வல்லுநர்களுடன் ஆலோசித்து அடுத்தகட்ட முடிவு எடுக்கப்படும் முன்னாள் அமைச்சர் ஜெயக்குமார் தெரிவித்துள்ளார்.

டெல்லியில் குடியரசு தலைவர் திரௌபதி முர்முவை சந்தித்து முதல்வர் மு.க.ஸ்டாலின் வாழ்த்து தெரிவித்தார்.

அத்திக்கடவு- அவினாசி திட்டப்பணிகள் குறித்து தமிழக முதல்வர் ஆய்வு செய்ய வேண்டும் என்று பாஜக விவசாய அணி வலியுறுத்தியுள்ளது.

தமிழகத்தில் 7 மாவட்டங்களில் இன்று கனமழைக்கு வாய்ப்பு உள்ளதாக வானிலை ஆய்வு மையம் தெரிவித்துள்ளது.

அடுத்தவர் வீட்டை மட்டுமல்ல, அரசியல் கட்சியையும் யாரும் அடாவடியாக, சட்டத்திற்குப் புறம்பாக அபகரிப்பதை நீதியும், தர்மமும், தொண்டர்களும், பொதுமக்களும், குறிப்பாக தெய்வமும் ஏற்றுக்கொள்ளாது என்பதை இன்றைய தீர்ப்பு மெய்ப்பித்து இருக்கிறது அதிமுக ஒருங்கிணைப்பாளர் ஓ. பன்னீர்செல்வம் தெரிவித்துள்ளார்.

அதிமுக பொதுக்குழு வழக்கின் தீர்ப்பை ஜெயலலிதா, எம்.ஜி.ஆர். அளித்த தண்டனையாகவே பார்க்கிறேன் என ஓபிஎஸ் ஆதரவாளர் புகழேந்தி கருத்து தெரிவித்துள்ளார்.

சென்னை கிரீன்வேஸ் சாலையில் உள்ள இல்லத்தில அடுத்தகட்ட நடவடிக்கை குறித்து ஆதரவாளர்களுடன் இபிஎஸ் ஆலோசனை நடத்தி வருகிறார்.

நீதிமன்றம் ஒரு தீர்ப்பை வழங்கி இருக்கிறது. எதிர்காலத்தில் அதிமுக இ.பி.எஸ். தலைமையில் இயங்கும். அதற்கான முயற்சிகளை, சட்ட நடவடிக்கைகளை மேற்கொள்வோம் என கே.பி.முனுசாமி தெரிவித்துள்ளார்.

இலங்கை குறித்த பாதுகாப்பு மற்றும் வெளியுறவு நிலைப்பாடுகளை மத்திய அரசு வகுக்க வேண்டும் என்று ராமதாஸ் வலியுறுத்தியுள்ளார்.

சேலம் மாவட்டம் ஆத்தூர் அருகே தனியார் பள்ளி பேருந்து சக்கரத்தில் சிக்கி ஒன்றரை வயது பெண் குழந்தை பரிதாபமாக உயிரிழந்தது.

அதிமுக உட்கட்சி பிரச்சனையில் தலையிட்டு குளிர்காய விரும்பவில்லை என சட்டப்பேரவை சபாநாயகர் அப்பாவு தெரிவித்துள்ளார்.

கோவை அருகே 'இந்துக்கள் வாழும் பகுதி' என்ற அறிவிப்பு பலகையால் எழுந்த சர்ச்சை!

<ul><li>இந்துக்கள் வாழும் பகுதி என குறிப்பிட்டு கோவை அருகே உள்ள கிராம பகுதி ஒன்றில் வைக்கப்பட்டுள்ள அறிவிப்பு பலகை சர்ச்சையை ஏற்படுத்தியுள்ளது.</li></ul>

Kosasthalai River: கொசஸ்தலை ஆற்றின் குறுக்கே தடுப்பு அணைகள் கட்ட வைகோ எதிர்ப்பு

<ul><li>கொசஸ்தலை ஆற்றில் இரண்டு அணைகளை கட்ட ஆந்திர மாநிலம் முயற்சிப்பதை தமிழக அரசு தடுத்து நிறுத்த வேண்டும் என்று வைகோ வலியுறுத்தியுள்ளார்.</li></ul>

சீன உளவு கப்பல்..இந்தியா விழிப்புடன் இருக்க வேண்டும் - ராமதாஸ் வலியுறுத்தல்

<ul><li>இலங்கை அம்பான்தோட்டை துறைமுகத்திற்கு சீன போர்க்கப்பல்களும் வரத் தொடங்கினால் அது இந்தியாவுக்கு, குறிப்பாக தமிழகம் உள்ளிட்ட தென் மாநிலங்களுக்கு கடுமையான பாதுகாப்பு அச்சுறுத்தலை ஏற்படுத்தும் என பா.ம.க நிறுவனர் ராமதாஸ் தெரிவித்துள்ளார்.</li></ul>

கண்களை கட்டிக் கொண்டு செஸ் விளையாடி அசத்திய மாணவன்!

<ul><li>கண்களை கட்டிக் கொண்டு செஸ் விளையாடி அசத்திய 5ஆம் வகுப்பு மாணவனை பலரும் பாராட்டி வருகின்றனர்.</li></ul>

<ul><li>10 நாட்கள் பிரச்சாரம்,இனி ஆதார் எண் கட்டாயம் உள்ளிட்ட பல்வேறு முக்கிய செய்திகளை சுருக்கமாக காண்போம்.</li></ul>

AIADMK Case : அதிமுக பொதுக்குழு கூட்டம் செல்லாது - சென்னை உயர்நீதிமன்றம்

சென்னை : அதிமுக பொதுக்குழு கூட்டம் கடந்த ஜூலை மாதம் 11ஆம் தேதி சென்னை வானகரத்தில் நடைபெற்றது. இக்கூட்டத்தில் எடப்பாடி பழனிசாமி கட்சியின் இடைக்கால பொதுச் செயலாளராக தேர்வு செய்யப்பட்டார். அத்துடன் ஓபிஎஸ் அடிப்படை உறுப்பினர் உள்ளிட்ட அனைத்து பொறுப்புகளில் இருந்தும் விடுவிக்கப்பட்டார்.&nbsp;

இதன் காரணமாக அதிமுக பொது குழு தொடர்பாக ஓபிஎஸ் மற்றும் அக்கட்சியின் பொதுக்குழு உறுப்பினர் வைரமுத்து சென்னை உயர்நீதிமன்றத்தில் மனு தாக்கல் செய்தனர்.மனுவை நீதிமன்றம் விசாரித்து வந்த நிலையில் இவ்வழக்கின் தனி நீதிபதி கிருஷ்ணன் ராமசாமியை மாற்ற வேண்டுமென ஓபிஎஸ் தரப்பில் மனு அளிக்கப்பட்டது.&nbsp;

இதன் காரணமாக இவ்வழக்கில் இருந்து தாமாக நீதிபதி கிருஷ்ணன் ராமசாமி விலகினார். இதையடுத்து இந்த வழக்கை விசாரிக்க தற்போது நீதிபதி ஜெயச்சந்திரன் நியமிக்கப்பட்டுள்ளார். உச்ச நீதிமன்ற அறிவுறுத்தலின்படி சென்னை உயர் நீதிமன்ற நீதிபதி ஜெயச்சந்திரன் முன்பு ஆகஸ்டு 10 மற்றும் 11 ஆகிய இரு நாட்கள் விசாரிக்கபட்டது.

பொதுக்குழு குறித்து ஜூன் 23ஆம் தேதியே அறிவிக்கப்பட்டுவிட்டது என்றும், ஒருங்கிணைப்பாளர்கள் பதவிகள் காலாவதியானதால், தலைமைக்கழக நிர்வாகிகள் மூலம் நோட்டீஸ் அனுப்பப்பட்டதாக எடப்பாடி பழனிசாமி தரப்பு வாதிட்டது.&nbsp;

ஒருங்கிணைப்பாளர்கள் பதவிக்காலம் 5 ஆண்டுகளாக இருக்கும்போது, ஒரு ஆண்டுக்கு முன்னரே எப்படி பதவிகள் காலாவதியானது என நீதிபதி கேள்வி எழுப்பினார். இதற்கு பதிலளித்த இபிஎஸ் தரப்பு, 2017ஆம் ஆண்டு நியமனத்தை கவனத்தில் எடுத்துக்கொள்ள முடியாது என்றும் ஒருங்கிணைப்பாளர்கள் தேர்தல் நடைமுறைகளுக்கு பொதுக்குழு ஒப்புதல் அளிக்காததால் பதவி காலாவதியாகிவிட்டதாகவும் கூறியது.&nbsp;

இரண்டாயிரத்து 432 பொதுக்குழு உறுப்பினர்கள் ஒற்றைத் தலைமையை விரும்புவதாக, கடிதம் வழங்கியுள்ளதாகவும் இபிஎஸ் தரப்பு வாதிட்டது. ஜூன் 23ஆம் தேதி ஒருங்கிணைப்பாளர்கள் தேர்தலுக்கு ஒப்புதல் அளிக்காவிட்டால், பதவிகள் காலாவதியாகிவிடும் என எந்த தீர்மானத்திலும் இல்லை என ஓபிஎஸ் தரப்பு வாதிட்டது. வழக்கின் விசாரணை முடிந்த பிறகு தேதி குறிப்பிடாமல் நீதிபதி வழக்கின் தீர்ப்பை ஒத்திவைத்தார்.

இந்நிலையில் அதிமுக பொதுக்குழு செல்லாது என அறிவிக்க கோரி ஓபிஎஸ் தரப்பு தொடரப்பட்ட வழக்கில், சென்னை உயர்நீதிமன்றம் இன்று தீர்ப்பு வழங்கியது. அந்த தீர்ப்பில், ஜூலை 11ம் தேதி நடந்த அதிமுக பொதுக்குழு கூட்டம் செல்லாது எனவும், ஜூன் 23 க்கு முந்தைய நிலையே நீடிக்க வேண்டும் எனவும் தீர்ப்பு வழங்கப்பட்டுள்ளது.

ஒருங்கிணைப்பாளர், இணை ஒருங்கிணைப்பாளர் இணைந்து தான் பொதுக்குழு, செயற்குழுவை கூட்ட வேண்டும். அத்துடன் பொதுக்குழு கூட்ட ஆணையரை நியமிக்க வேண்டும் என்றும் இதன் மூலம் எடப்பாடி பழனிசாமியை பொதுச்செயலாளராக தேர்வு செய்த பொதுக்குழு செல்லாது என்றும் நீதிபதி தனது உத்தரவில் குறிப்பிட்டுள்ளார்.

<ul><li>ஜூலை 11ஆம் தேதி நடந்த அதிமுக பொதுக்குழு கூட்டம் செல்லாது என சென்னை உயர்நீதிமன்றம் உத்தரவிட்டுள்ளது.</li></ul>

குடியரசுத் துணைத் தலைவருடன் முதல்வர் ஸ்டாலின் சந்திப்பு

தமிழக முதல்வர் மு.க. ஸ்டாலின் ஒருநாள் பயணமாக டெல்லி சென்றுள்ளார். இந்நிலையில் இன்று காலை 10:30 மணி அளவில் குடியரசு துணைத் தலைவர் ஜெகதீப் தன்கரை அவரது இல்லத்தில் சந்தித்து மு.க. ஸ்டாலின் வாழ்த்து கூறினார்.

குடியரசு துணை தலைவரை சந்தித்தபோது முதல்வர் மு.க. ஸ்டாலின் ஹோம் ஆப் செஸ் என்ற புத்தகத்தை அவருக்கு பரிசாக வழங்கினார்.

&nbsp;இதையடுத்து, குடியரசுத் தலைவர் திரௌபதி முர்முவை சந்தித்து பேசும் முதல்வர் ஸ்டாலின் மாலை 4:30 மணியளவில் பிரதமர் நரேந்திர மோடியை சந்திக்கிறார் .

செஸ் ஒலிம்பியாட் போட்டி தொடக்க விழாவில் பங்கேற்றத்திற்கு நன்றி தெரிவிக்கும் ஸ்டாலின் , நீட் விலக்கு மசோதா, ஜிஎஸ்டி நிதி நிலுவைத் தொகை உள்ளிட்டவை குறித்து கோரிக்கை வைக்க உள்ளார்.

<ul><li>குடியரசு துணைத் தலைவர் ஜெகதீப் தன்கரை அவரது இல்லத்தில் சந்தித்து முதல்வர் மு.க. ஸ்டாலின் வாழ்த்து தெரிவித்தார்.</li></ul>

மாணவர்கள் டிவி, செல்போன் பார்ப்பதை முற்றிலுமாக கைவிட வேண்டும் - அன்பில் மகேஷ்

திருச்சி : மணப்பாறையை அடுத்த தொப்பநாயக்கன்பட்டியில் ஊராட்சி மன்ற அலுவலக கட்டிடம் மற்றும் சடையம்பட்டியில் அரசு உயர்நிலைப்பள்ளி புதிய கட்டிடத்தை பள்ளிக்கல்வித்துறை அமைச்சர் அன்பில் மகேஷ் பொய்யாமொழி ரிப்பன் வெட்டி திறந்து வைத்தார்.

இதையடுத்து மாணவர்களுக்கு மத்தியில் பேசிய அவர்,"மாணவ, மாணவிகள் அனைவரின் கவனமும் படிப்பு, படிப்பு, படிப்பு என்பதில் தான் இருக்க வேண்டும், வெளியில் கூட விளையாட செல்லுங்கள் ஆனால் வீட்டில் இருந்து கொண்டு டிவி பார்ப்பது, செல்போன் பார்ப்பது ஆகியவற்றை முற்றிலுமாக கைவிட வேண்டும்.

புத்தக வாசிப்பை அதிகப்படுத்தி கொள்ள வேண்டும், பள்ளியில் பெரியவர்கள் சிறியவர்கள் என்பதெல்லாம் கிடையாது அனைவரும் குழந்தைகள் தான்.

மாணவச் செல்வங்கள் அறிவாளிகளாக இருக்கிறீர்கள் என்பதை விட நல்ல மனிதர்களாக இருக்க வேண்டும் என்பதைத் தான் எண்ணுகிறோம். அதை கண்டிப்பாக செய்வீர்கள் என்ற நம்பிக்கை உள்ளது.

ஆசிரியர்கள் என்பது பாதி பெற்றோர்களாக இருக்க வேண்டும், பெற்றோர்கள் என்பது பாதி ஆசிரியர்களாக இருக்க வேண்டும், ஆசிரியர்கள் உங்களை கண்டிப்பது நீங்கள் வாழ்க்கையில் முன்னேற வேண்டும் என்பதற்காகத்தான்.

&nbsp;நீங்கள் வாழ்வின் முன்னேற வேண்டும் என்று நினைக்கும் தன்னலம் இல்லாத ஒரு இனம் உண்டு என்றால் அது ஆசிரிய இனம் தான் என்பதை உணர வேண்டும்" என்று கூறினார்.

<ul><li>மாணவச் செல்வங்கள் அறிவாளிகளாக இருக்கிறீர்கள் என்பதை விட நல்ல மனிதர்களாக இருக்க வேண்டும் என அமைச்சர் அன்பில் மகேஷ் பொய்யாமொழி தெரிவித்துள்ளார்</li></ul>

தமிழகத்தில் டெங்கு பரவாமல் தடுக்க தீவிர நடவடிக்கை - அமைச்சர் மா.சுப்பிரமணியன்!

சென்னை: &nbsp;ஓமந்தூரார் அரசினர் தோட்டத்தில் உள்ள தமிழ்நாடு அரசு பன்னோக்கு உயர்சிறப்பு மருத்துவமனை கூட்டரங்கில், மாநில அளவிலான மழைக்கால நோய்கள் மற்றும் டெங்கு தடுப்பு குறித்த கலந்தாய்வு கூட்டம், முதல்வரின் விரிவான மருத்துவ காப்பீட்டு திட்டத்தின் கீழ் மாநில அளவில் சிறந்த செயல்திறனுடன் செயல்படும் மருத்துவனைகள் மற்றும் காப்பீட்டு நிறுவனங்களுக்கு பாராட்டு சான்றிதழ் வழங்கும் விழா நடந்தது.

விழாவில் அமைச்சர்கள் கே.என்.நேரு, கே.ஆர்.பெரியகருப்பன் ஆகியோர் முன்னிலை வகித்தனர். நிகழ்ச்சிக்கு மருத்துவம் மற்றும் மக்கள் நல்வாழ்வுத்துறை அமைச்சர் மா.சுப்பிரமணியன் தலைமை தாங்கி பேசினார். அப்போது பேசிய அவர்,”தமிழகத்தில் டெங்கு மற்றும் மழைக்கால தொற்று நோய்களான வயிற்றுப்போக்கு, டைபாய்டு போன்ற நோய்கள் பரவாமல் தடுக்க பல்வேறு நடவடிக்கைகள் தீவிரமாக எடுக்கப்பட்டு வருகின்றன.

தமிழகத்தில் 3 ஆயிரத்து 920 அரசு மருத்துவமனைகள், 2 ஆயிரம் தனியார் மருத்துவமனைகளில் தினசரி காய்ச்சல் உள்ளவர்கள் அடையாளம் காணப்பட்டு, கிராமம் மற்றும் நகரங்கள் வாரியாக பட்டியல் தயார் செய்து அந்தந்த மாவட்டங்களுக்கு நோய்த்தடுப்பு பணிகளை உடனடியாக மேற்கொள்ள அறிவுறுத்தப்பட்டு உள்ளது.

தமிழ்நாட்டில் கடந்த ஆண்டை விட இந்த ஆண்டு டெங்கு பாதிப்பு குறைந்து காணப்பட்டாலும், தென்மேற்கு பருவமழை காரணமாக டெங்கு காய்ச்சலை பரப்பும் கொசுக்கள் உற்பத்தியாவதால் தடுப்பு நடவடிக்கைகளை மாவட்ட அளவில் துரிதப்படுத்த நடவடிக்கை எடுக்கப்பட்டு உள்ளது.

2021-22-ஆம் ஆண்டில் முதல்வரின் விரிவான மருத்துவ காப்பீட்டு திட்டத்தின் கீழ் மாநில அளவில் சிறந்த செயல்திறனுடன் செயல்பட்ட திருநெல்வேலி அரசு மருத்துவ கல்லூரி மருத்துவமனை, கடலூர் அரசு தலைமை மருத்துவமனை, ராமநாதபுரம் மாவட்டம், சாயல்குடி மேம்படுத்தப்பட்ட அரசு ஆரம்ப சுகாதார நிலையம் மற்றும் காப்பீட்டு நிறுவனங்களுக்கும் பாராட்டு சான்றிதழ்கள் வழங்கப்பட்டன”என்றார்.

<ul><li>தமிழகத்தில் டெங்கு மற்றும் மழைக்கால தொற்று நோய்களான வயிற்றுப்போக்கு, டைபாய்டு போன்ற நோய்கள் பரவாமல் தடுக்க பல்வேறு நடவடிக்கைகள் தீவிரமாக எடுக்கப்பட்டு வருவதாக அமைச்சர் மா.சுப்பிரமணியன் தெரிவித்துள்ளார்.</li></ul>

MNM : ஆட்டோவிற்கான கட்டணங்களை உடனடியாக மாற்றி அமைக்க வேண்டும் - மநீம

சென்னை : ஆட்டோவிற்கான கட்டணங்களை உடனடியாக மாற்றி அமைக்க வேண்டும் என்று மக்கள் நீதி மய்யம் வலியுறுத்தியுள்ளது. இதுகுறித்து மக்கள் நீதி மய்யம் நம்மவர் தொழிற்சங்க பேரவை வெளியிட்டுள்ள அறிக்கையில், "பொதுமக்களுக்கான பொது போக்குவரத்தில் பேருந்து, ரயில் சேவைகளுக்கு அடுத்தபடியாக தினசரி பெரும்பங்காற்றி வரும் ஆட்டோக்களுக்கான மீட்டர் கட்டணத்தை தமிழக அரசு கடைசியாக கடந்த 2013ஆம் ஆண்டு குறைந்தபட்ச தூரமான 1.8 கிலோமீட்டருக்கு 25 ரூபாய், அடுத்த ஒவ்வொரு கிலோ மீட்டருக்கு 12 ரூபாய், காத்திருப்பு கட்டணம் ஒவ்வொரு ஐந்து நிமிடங்களுக்கும் 3.50 என நிர்ணயம் செய்தது.

ஆனால் 2013ஆம் ஆண்டுக்குப் பிறகு பெட்ரோல், டீசல், எரிவாயு உள்ளிட்ட வாகன எரிபொருட்களின் விலையும், ஆட்டோக்களுக்கான காப்பீட்டுத் தொகையும் பன்மடங்கு உயர்ந்துள்ள போதும் கூட ஆட்டோக்களுக்கான மீட்டர் கட்டணத்தை தமிழக அரசு மாற்றியமைக்காமல் இருப்பது ஏற்புடையதல்ல.மேலும் பயணிகளிடம் அதிக கட்டணம் வசூலிப்பதை தடுக்க தொலைதூரங்களுக்கேற்றவாறு கட்டணங்களை காட்டும் டிஜிட்டல் மீட்டர், ஆட்டோக்களில் பயணம் செய்யும் வாடிக்கையாளர்களுக்கு ரசீது கொடுக்க பிரிண்டர் மற்றும் பயணிகளின் பாதுகாப்பிற்காக ஜீபிஎஸ் கருவி பொருத்த வேண்டும் என 2013ஆம் ஆண்டு உத்தரவிட்ட தமிழக அரசின் அரசாணையை அமல்படுத்த உத்தரவிட வேண்டும் என வழக்கறிஞர் ராமமூர்த்தி என்பவர் தொடர்ந்த வழக்கை விசாரித்த தலைமை நீதிபதி அமர்வு “பெட்ரொல், டீசல் விலையில் நிலையற்ற தன்மை நிலவுவதால், அவற்றின் விலையின் அடிப்படையில், ஆட்டோ உரிமையாளர்களும், பயணிகளும் பயனடையும் வகையில் ஆட்டோ கட்டணங்களை மாற்றியமைக்க வேண்டும் என தமிழக அரசுக்கு உத்தரவிட்டனர்.

அதுமட்டுமின்றி ஆட்டோ கட்டணங்களை மாற்றியமைக்க நீண்டகால நடவடிக்கையை பின்பற்றாமல், பெட்ரோல், டீசல் விலை உயர்வுக்கு ஏற்ப ஆட்டோ கட்டணம் தானாக மாறும் வகையில் மென்பொருளை பயன்படுத்தலாம் எனவும் நீதிபதிகள் அரசுக்கு யோசனை தெரிவித்து கடந்த ஏப்ரல் மாதம் வழக்கை முடித்து வைத்தனர். ஆனால் தமிழக அரசோ இதுவரை அதற்கான நடவடிக்கைகளை முன்னெடுக்காமல் இருப்பதை மக்கள் நீதி மய்யம், நம்மவர் தொழிற்சங்கப் பேரவை வன்மையாகக் கண்டிக்கிறது.

ஏற்கனவே ஒருபுறம் இணையதள வசதிகள் மூலம் பயணிகளுக்கு ஆட்டோ சேவையை வழங்கி வரும் ஓலா, உபர் உள்ளிட்ட பல்வேறு இணையதள நிறுவனங்களால் தனித்து செயல்படும் ஆட்டோ உரிமையாளர்களும், ஓட்டுநர்களும் தொழில் பாதிக்கப்பட்டு, தங்களின் வாழ்வாதாரத்தை இழந்து வருவதோடு ஆட்டோவிற்கான வங்கித் தவணைகளையோ, பராமரிப்பு செலவினங்களையோ ஈடுசெய்ய முடியாமல் தவித்து வரும் சூழ்நிலையில் மற்றொரு புறமோ பெட்ரோல், டீசல், எரிவாயு உள்ளிட்ட வாகன எரிபொருட்களின் விண்ணைத் தொடும் விலை உயர்வால் கடுமையாக பாதிக்கப்பட்டு வருகின்றனர்.

எனவே பெட்ரோல், டீசல் விலையில் நிலையற்ற தன்மை நிலவுவதால், அவற்றின் விலையின் அடிப்படையில், ஆட்டோ உரிமையாளர்களும், பயணிகளும் பயனடையும் வகையில் ஆட்டோ கட்டணங்களை மாற்றியமைக்க வேண்டும் என கடந்த ஏப்ரல் மாதம் தமிழக அரசுக்கு உயர்நீதிமன்ற தலைமை நீதிபதி அமர்வு அளித்த உத்தரவை இனியும் காலதாமதம் செய்யாமல் அமல்படுத்துவதோடு ஆட்டோ கட்டணத்தில் குறைந்தபட்ச கட்டணமாக 1.8 கிலோமீட்டருக்கு ரூபாய் 50 ரூபாயும், அதற்குப் பிறகான ஒரு கிலோ மீட்டருக்கு 20 ரூபாயும், ஒவ்வொரு 5 நிமிடங்களுக்கான காத்திருப்பு கட்டணத்தை ஒவ்வொரு ஐந்து நிமிடங்களுக்கும் ரூபாய் 5 ரூபாயாகவும் நிர்ணயம் செய்ய வேண்டும் எனவும், பெட்ரோல், டீசல் விலை உயர்வுக்கு ஏற்ப ஆட்டோ கட்டணம் தானாக மாறும் வகையில் மென்பொருளை பயன்படுத்தலாம் என்கிற உயர்நீதிமன்ற நீதியரசர்களின் ஆலோசனையையும் செயல்பாட்டுக்கு கொண்டு வர வேண்டும்.

அத்துடன் அண்டை மாநிலமான கேரளாவில் மாநில அரசே ஆட்டோ, டாக்சி ஓட்டுநர்களின் நலனை கருத்தில் கொண்டு மாநில அரசின் போக்குவரத்துத்துறை சார்பில் உருவாக்கியுள்ள செயலியைப் போன்று தமிழக அரசும் ஆட்டோ மற்றும் டாக்சி உரிமையாளர்கள், ஓட்டுநர்கள் நலனை கருத்தில் கொண்டு புதியதொரு செயலியை உருவாக்க நடவடிக்கை எடுக்க வேண்டும் என தமிழக அரசை வலியுறுத்தி கேட்டுக் கொள்கிறோம்" என தெரிவித்துள்ளது.

<ul><li>ஆட்டோ மற்றும் டாக்சி உரிமையாளர்கள், ஓட்டுநர்கள் நலனை கருத்தில் கொண்டு புதியதொரு செயலியை உருவாக்க நடவடிக்கை எடுக்க வேண்டும் என மக்கள் நீதி மய்யம் வலியுறுத்தியுள்ளது.</li></ul>

ஆர்.எஸ்.எஸ்., பாஜகவுக்கு வாசல் திறந்துவிடுவதுதான் திராவிட மாடல் அரசா? -சீமான்

சென்னை : கல்வி தொலைக்காட்சியின் முதன்மை செயல் அலுவலர் பதவி தொடர்பான அறிவிப்பை உடனடியாகத் திரும்பப்பெற நாம் தமிழர் கட்சியின் ஒருங்கிணைப்பாளர் சீமான் வலியுறுத்தியுள்ளார்.&nbsp;

இதுகுறித்து அவர் வெளியிட்டுள்ள அறிக்கையில், ”தமிழக அரசுக்குச் சொந்தமான கல்வி தொலைக்காட்சியின் முதன்மைசெயல் அலுவலராக மணிகண்ட பூபதி எனும் ஆர்.எஸ்.எஸ். பின்புலம் கொண்டவரை நியமனம் செய்திருக்கும் திமுக அரசின் செயல் பெரும் அதிர்ச்சியளிக்கிறது.

சமத்துவத்தையும், சமூக நீதியையும் பேசக்கூடிய கல்வியாளர்கள், ஊடகவியலாளர்கள், அறிஞர்கள் எத்தனையோ பேர் இருக்க, அவர்களையெல்லாம் புறந்தள்ளிவிட்டு கல்விக்கே தொடர்பற்ற மதச்சார்பு கொண்ட ஒருவரை கல்வி தொலைக்காட்சியின் முதன்மைச்செயல் அலுவலராக நியமனம் செய்திருப்பது கடும் கண்டனத்திற்குரியது.

கல்வி தொலைக்காட்சி தொடங்கப்பட்டு, மூன்று ஆண்டுகளாகிவிட்ட நிலையில், இப்போது புதிதாய் முதன்மைச்செயல் அலுவலர் எனும் பொறுப்பு உருவாக்கப்பட்டு, அதில் ஆர்.எஸ்.எஸ். பின்புலம் கொண்ட ஒருவரை நியமனம் செய்ய வேண்டிய தேவையென்ன வந்தது? ஆர்.எஸ்.எஸ். பின்புலம் கொண்டவரைக் கல்வித்துறையில் பணியமர்த்தினால், அவர் அதுதொடர்பான கருத்துருவாக்கத்தைத்தானே செய்வார்! அது கல்வியைக் காவிமயமாக்காதா? இதுதான் பாஜகவை எதிர்க்கிற இலட்சணமா?

ஏற்கனவே, பல்கலைக்கழகத் துணைவேந்தர்களைக் கையில் வைத்துக்கொண்டு, அவர்கள் மூலம் புதிய கல்விக்கொள்கையைப் புகுத்தவும், கல்வியைக் காவிமயமாக்கவும் ஆளுநர் ஆர்.என்.ரவி நெருக்கடி கொடுத்து வரும் நிலையில், அதனைத் தடுக்கத் துப்பற்ற திமுக அரசு, இப்பொழுது கல்வி தொலைக்காட்சியின் உயர் பொறுப்பிலும் அப்படி ஒருவரை அமர்த்தியிருப்பது ஏற்கவே முடியாத பெருங்கொடுமையாகும்.

‘நாம் தமிழர் கட்சிக்கு வாக்களித்தால் பாஜக ஊடுருவி விடும்’, ‘திமுகவுக்கு வாக்குச்செலுத்தாவிட்டால் பாஜக ஊடுருவி விடும்’ என்றெல்லாம் பயமுறுத்தி, அதன்மூலம் மக்களின் வாக்குகளை வேட்டையாடி ஆட்சி அதிகாரத்துக்கு வந்த திமுக அரசு, இப்போது ஆர்.எஸ்.எஸ்.ஸையே அதிகார வர்க்கத்துக்குள் ஊடுருவ வழியேற்படுத்தி கொடுப்பதுதான் சமூக நீதி ஆட்சியா? வார்த்தைக்கு வார்த்தை, ‘திராவிட மாடல் அரசு’ என கூறும் முதல்வர் ஸ்டாலின் அவர்கள், ஆர்.எஸ்.எஸ்., பாஜகவுக்கு வாசல் திறந்துவிடுவதுதான் திராவிட மாடல் அரசா? என்பதை விளக்க முன்வர வேண்டும்.

எனவே, நாட்டின் எதிர்காலத்தைத் தீர்மானிக்கும் நம்பிக்கை நாற்றுகளான மாணவர்களுக்காக உருவாக்கப்பட்டிருக்கும் கல்வி தொலைக்காட்சியின் முதன்மை செயல் அலுவலர் பதவி தொடர்பான அறிவிப்பை உடனடியாகத் திரும்பப்பெற்று, அறிவார்ந்த கல்வியாளர்கள் மற்றும் ஊடகவியலாளர்கள் அடங்கிய குழு ஒன்றை நியமித்து, கல்வி தொலைக்காட்சியை நடத்த வேண்டுமென வலியுறுத்துகிறேன்" என்று குறிப்பிட்டுள்ளார்.

<ul><li>கல்விக்கே தொடர்பற்ற மதச்சார்பு கொண்ட ஒருவரை கல்வி தொலைக்காட்சியின் முதன்மைச்செயல் அலுவலராக நியமனம் செய்திருப்பதற்கு சீமான் கடும் கண்டனம் தெரிவித்துள்ளார்.</li></ul>

ஆவினில் பலாப்பழ ஐஸ்கிரீம், மீண்டும் சர்வதேச போட்டி உள்பட முக்கிய செய்திகள் ஆக 16

<ul><li>ஆவினில் பலாப்பழ ஐஸ்கிரீம், மீண்டும் சர்வதேச போட்டிக்கு சென்னை உள்ளிட்ட பல்வேறு முக்கிய செய்திகள் சுருக்கமாக காண்போம்.</li></ul>

பிகார் அமைச்சரவை விரிவாக்கம்: 31 பேர் அமைச்சர்களாக பதவியேற்பு

<ul><li>பிகார் மாநில அமைச்சரவை இன்று விரிவாக்கம் செய்யப்பட்டது. அதில், 31 பேர் அமைச்சர்களாக பதவியேற்றனர்.</li></ul>

சாலை ஆக்கிரமிப்பால் பள்ளி மாணவி பலி - நடவடிக்கை எடுக்குமா தமிழக அரசு? -மநீம

<ul><li>சைக்கிளில் வீடு திரும்பிய 12ஆம் வகுப்பு மாணவி லட்சுமிஶ்ரீ மீது மாநகரப் பேருந்து ஏறி பலியான சம்பவம் தாங்கமுடியாத துயரத்தை அளிக்கிறது என மநீம தெரிவித்துள்ளது,</li></ul>

கொற்றலை ஆற்றின் நடுவே மின்கோபுரங்கள் அமைக்கும் முடிவைக் கைவிடுக - சீமான்

<ul><li>காட்டுப்பள்ளி துறைமுக விரிவாக்கத்துக்கு எதிராகக் கொள்கை முடிவெடுத்து அறிவிக்க வேண்டும் என நாம் தமிழர் கட்சியின் ஒருங்கிணைப்பாளர் சீமான் வலியுறுத்தியுள்ளார்.</li></ul>

அரசியல்

தேசிய மற்றும் சர்வதேச செய்திகள் தமிழில்: Read all National and International news related to politics, entertainment, crime, sports, social and many more in Tamil only at tamil.hindustantimes.com.