Virudhunagar : சிறுவனை பாலியல் வன்கொடுமை செய்த 33 வயது பெண் - பகீர் சம்பவம்!

இந்நிலையில் இருவரையும் காணவில்லை. சக தொழிலாளிகள் மற்றும் இருவரது குடும்பத்தினர் அவர்களை பல இடங்களில் தேடினர். ஆனாலும் அவர்கள் கிடைக்கவில்லை. இதனால் வேறு வழியின்றி இருவரது உறவினர்களும் இதுகுறித்து சேத்தூர் காவல்நிலையத்தில் புகாரளித்தனர்.

இந்த புகாரின் அப்படையில் சேத்தூர் போலீசார் விசாரணை மேற்கொண்டு இருவரையும் தேடும் பணியில் ஈடுபட்டனர். ஒருகட்டத்தில் அவர்கள் இருவரும் கன்னியாகுமரியில் இருப்பது தெரியவந்தது. இதையடுத்து அவர்களை பிடிக்க கன்னியாகுமரிக்கு போலீசார் விரைந்து சென்றனர். அதன்படி அங்கு சென்று இருவரையும் மடக்கி பிடிக்க முயன்றனர்.

ஆனால் போலீசாரை கண்டதும் இருவரும் தப்பியோட முயன்றனர். இதையடுத்து, போலீசார் இருவரையும் சுற்றிவளைத்து பிடித்து சேத்தூர் காவல்நிலையத்துக்கு அழைத்து வந்தனர்.பின்னர் அவர்களிடம் நடத்திய விசாரணையில் அதிர்ச்சி தகவல் வெளியானது.

சிறுவனுடன் நெருங்கி பழகிய அந்த பெண் ஒரு கட்டத்தில் சிறுவனை தனியாக அழைத்து சென்று பாலியல் வன்கொடுமை செய்துள்ளார். இதேபோல் அடிக்கடி அவனுக்கு தொல்லை கொடுத்து வந்துள்ளார்.

இதனால் சிறுவனும் அந்த பெண்ணுடன் நெருங்கி பழக ஆரம்பித்துள்ளனர். ஒருகட்டத்தில் இருவரும் சேர்ந்து வாழலாம் என முடிவெடுத்தனர். அதன்படி கடந்த 19ஆம் தேதி இருவரும் செங்கல்சூளையில் இருந்து மாயமாகியுள்ளனர்.

இதையடுத்து போலீசார் இதுதொடர்பாக 17 வயது சிறுவனை பாலியல் வன்கொடுமை செய்ததற்காக போக்சோ சட்டத்தில் அந்த பெண்ணை கைது செய்தனர். மேலும் சிறுவனுக்கு அறிவுரை கூறி அவனது பெற்றோரிடம் பத்திரமாக அனுப்பி வைத்தனர். செங்கல்சூளையில் 17 வயது சிறுவனை 33 வயது பெண் பாலியல் வன்கொடுமை செய்த சம்பவம் அப்பகுதியில் பரபரப்பை ஏற்படுத்தியது.

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.