Birds Flu : போலந்தில் அதிர்ச்சி! பூனைகளை கொல்லும் பறவைக்காய்ச்சல் வைரஸ்! எச்சரிக்கும் உலக சுகாதார நிறுவனம்!
Birds Flu : போலந்தில் பறவைக்காய்ச்சல் பூனைகளை கொன்று வருவது குறித்து உலக சுகாதார நிறுவனம் எச்சரிக்கை விடுத்துள்ளது. பறவைக்களில் காய்ச்சலை ஏற்படுத்தும் கிருமி மனிதர்களுக்கும் பரவக்கூடிய வாய்ப்பு உள்ளதாக அந்நிறுவனம் கூறுகிறது.
போலந்து முழுவதும் அதிக எண்ணிக்கையிலான பூனைகள் திடீரென கொல்லப்பட்டதால் பரபரப்பு ஏற்பட்டது. பாதியளவுக்கு மேலான இந்த பூனைகளின் சாவுக்கு ஹெச்5 என்1 என்ற வைரஸ்களே காரணமாக இருந்தது.
ட்ரெண்டிங் செய்திகள்
மேலும் இந்த வைரஸ்கள் ஏற்கனவே பறவை காய்ச்சலுக்கு காரணமானவையாக இருந்துள்ளன. மொத்தம் 47 பூனைகளை (ஒன்று காட்டுப்பூனை) சோதனை செய்ததில் 29 பூனைகள் ஹெச்5என்1 என்ற வைரஸ் பாதிப்புக்கு ஆளாகியிருப்பது தெரியவந்தது. இது ஒரு புவிப்பரப்பில், ஒரு நாட்டில் அதிகளவில் பூனைகளுக்கு தொற்று ஏற்பட்டிருப்பது முதல் முறையாக உள்ளது என்று உலக சுகாதார நிறுவனம் தெரிவித்துள்ளது.
பறவைகளில் உள்ள காய்ச்சலை ஏற்படுத்தக்கூடிய வைரஸ்கள் மனிதர்களுக்கு பரவும் தன்மை கொண்டவை என்று உலக சுகாதார நிறுவனம் எச்சரித்துள்ளது. இது எளிதாக புதிய தொற்றை ஏற்படுத்தக்கூடியது என்றும் அந்நிறுவனம் கூறியுள்ளது.
இந்த வைரசின் அறிகுறிகள் என்ன?
பல பூனைகளுக்கு முதலில் மூச்சுத்திணறல் ஏற்பட்டது. அடுத்ததாக அவற்றிக்கு வயிற்றுப்போக்கில் ரத்தம் வெளியேறியது. பின்னர் நரம்பு கோளாறுகள் ஏற்பட்டது என்று உலக சுகாதார நிறுவனம் தெரிவித்துள்ளது.
தொற்று ஏற்படுவது குறைவாக உள்ளது ஆறுதல் அளிப்பதாக உள்ளது. பூனை வளர்ப்பவர்கள் மற்றம் செல்லப்பிராணிகள் வைத்திருப்பவர்களுக்கு குறைந்த அச்சுறுத்தலே உள்ளது என்று அந்நிறுவனம் தெரிவிக்கிறது.
பாதிக்கப்பட்ட பறவைகளுடன் தொடர்பில் இருந்த பூனைகளுக்கு இது பரவியிருக்கலாம் என்று உலக சுகாதார நிறுவனம் தெரிவித்துள்ளது. சில பூனைகள் வெளியில் வசிக்கின்றன. சில பூனைகள் வீட்டில் வைத்து வளர்க்கப்படுகின்றன.
மனிதர்களுக்கு பரவியதா?
பாதிக்கப்பட்ட பூனைகளை வளர்த்தவர்களை கண்காணித்ததில் அவர்களுக்கு எந்த அறிகுறிகளும் தோன்றவில்லையென்று தெரிகிறது. அவர்களின் கண்காணிப்பு காலமும் தற்போது முடிந்துவிட்டதாக உலக சுகாதார மையம் தெரிவித்துள்ளது.
சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:
Google News: https://bit.ly/3onGqm9
தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.
டாபிக்ஸ்