உடல் எடையைக் குறைக்க மாவுச்சத்து, புரதம் குறைந்த இந்த 3 உணவுகளை சாப்பிடுங்க!

ஸ்ப்ரௌட் சாலடு

தேவையான பொருட்கள்

ஊறவைத்த பச்சைப் பயறு - 40 கிராம்

சாம்பல் பூசணி - 20 கிராம்

கொத்தமல்லி இலைகள் - சில

ஆலிவ் எண்ணெய் - 1/2 தேக்கரண்டி

கருப்பு உப்பு - 1 சிட்டிகை

எலுமிச்சை சாறு - சுவைக்கு ஏற்ப

செய்முறை

சாம்பல் பூசணியைப் பொடியாக நறுக்கி, தனியே வைத்து, ஒரு பாத்திரத்தில் அனைத்துப் பொருட்களையும் கலந்து, சுவைக்கு ஏற்றவாறு உப்பு மற்றும் எலுமிச்சைச் சாற்றை கலக்கவும்.உடனடியாக இந்த சாலடை சாப்பிட்டு விட வேண்டும்.

பப்பாளி முருங்கை தோரன்

தேவையான பொருட்கள்

பழுக்காத பப்பாளி – 40 கிராம்

முருங்கை இலைகள் – 20 கிராம்

தேங்காய் துருவல் – 10 கிராம்

சுண்டைக்காய் – 1 டீஸ்பூன்

கறிவேப்பிலை – 3

கடுகு – அரை டீஸ்பூன்

மஞ்சள் தூள் –கால் டீஸ்பூன்

கருப்பு உப்பு – 1 சிட்டிகை

தேங்காய் துருவல் சிறிது

செய்முறை

பச்சை பப்பாளி மற்றும் முருங்கை இலைகளை பொடியாக நறுக்கி, ஒரு கடாயில் எண்ணெயை சூடாக்கி, கடுகு, கறிவேப்பிலை, பெருங்காயம் சேர்த்து நன்கு வதக்கி, பச்சை பப்பாளி மற்றும் முருங்கை இலைகளை சேர்த்து நன்கு கலந்து 2 - 3 நிமிடம் மூடி வைத்து துருவிய தேங்காய், மஞ்சள் தூள் மற்றும் உப்பு சேர்க்கவும். , நன்றாக கலந்து 1 நிமிடம் சமைக்கவும் சூடாக பரிமாறவும்.

கேப்பை தோசை

தேவையான பொருட்கள்

கேப்பை - ஒரு கைப்பிடியளவு

உளுத்தம் பருப்பு - 20 கிராம்

பயத்தம் பருப்பு - 10 கிராம்

எண்ணெய் - அரை டீஸ்பூன்

இஞ்சி - கால் அங்குலம்

சுண்டைக்காய் - 2

கருப்பு உப்பு - சுவைக்கு ஏற்ப

செய்முறை

கேப்பை, உளுத்தம்பருப்பு, பயத்தம்பருப்பு மூன்றையும் இரவு முழுவதும் ஊறவைத்து, மூன்றையும் மிக்ஸியில் அரைத்து வைக்கவும்.

வெங்காயம் மற்றும் இஞ்சியை பேஸ்ட் செய்து, அரைத்த கலவையில் உப்பு சேர்த்து, அனைத்து பொருட்களையும் நன்கு கலந்து விடவும்.

பின் கடாயை சூடாக்கி, சிறிது எண்ணெய் தடவி, ஒரு வடை மாவு மற்றும் மெல்லிய தோசை போல ஊற்றி இருபுறமும் சமைக்கவும்.

சூடாக பரிமாறவும். தொட்டுக் கொள்ள இஞ்சி அல்லது புதினா மல்லிச் சட்னி பொருத்தமாக இருக்கும்.