Tamil News  /  Lifestyle  /  Benefits Of Toor Dal One Grain A Day Daily Food What Are The Energy Benefits Of Toor Dal

Benefits of Toor Dal : தினம் ஒரு தானியம்! அன்றாட உணவுதான்; ஆற்றலை அள்ளிக்கொடுக்கும் துவரம் பருப்பின் நன்மைகள் என்ன?

Priyadarshini R HT Tamil
Jan 21, 2024 08:00 AM IST

Benefits of Toor Dal : தினம் ஒரு தானியம்! அன்றாட உணவுதான்; ஆற்றலை அள்ளிக்கொடுக்கும் துவரம் பருப்பின் நன்மைகள் என்னவென்று தெரிந்துகொள்ளுங்கள்.

Benefits of Toor Dal : தினம் ஒரு தானியம்! அன்றாட உணவுதான்; ஆற்றலை அள்ளிக்கொடுக்கும் துவரம் பருப்பின் நன்மைகள் என்ன?
Benefits of Toor Dal : தினம் ஒரு தானியம்! அன்றாட உணவுதான்; ஆற்றலை அள்ளிக்கொடுக்கும் துவரம் பருப்பின் நன்மைகள் என்ன?

ட்ரெண்டிங் செய்திகள்

துவரம் பருப்பில் உள்ள நன்மைகள்

நல்ல தரமான புரதச்சத்துக்கள் நிறைந்தது. அது உடலை வலுப்புடுத்த உதவுகிறது. ஒட்டுமொத்த உடல் வளர்ச்சியையும், உடல் நலனையும் கொடுக்கிறது. இதை தானியங்களுடன் சேர்த்து சாப்பிடும்போது உடலுக்கு தேவையான மொத்த புரதச்சத்தும், முக்கிய அமினோ அமிலங்களும் கிடைக்கிறது. தசைகளை வலுப்படுத்துகிறது. திசுக்களை சரிசெய்கிறது. குழந்தைகளின் வளர்ச்சிக்கு தேவையான புரதச்சத்தை இந்த பருப்பு வழங்குகிறது.

ஃபோலிக் ஆசிட் நிறைந்தது

பருப்பு ஃபோலிக் ஆசிட் நிறைந்தது. இது கர்ப்ப காலத்தில் குழந்தையின் வளர்ச்சிக்கு உதவுகிறது. கர்ப்ப காலத்தில் ஃபோலிக் ஆசிட்டின் தேவை அதிகரிக்கிறது. இது குழந்தைகளை தண்டுவடம் மற்றும் மூளை பாதிப்பு போன்ற பிறவிக்கோளாறுகளில் இருந்து காக்கிறது. துவரம் பருப்பை உணவில் சேர்த்துக்கொள்வது கர்ப்பிணிகளுக்கு கர்ப்பம் கலையாமல் இருக்கவும், குறை மாதத்தில் பிரசவம் நடக்காமல் இருக்கவும், அனீமியா ஏற்படாமல் இருக்கவும் உதவுகிறது.

வைட்டமின் பி சத்து நிறைந்தது

இதில் அதிகளவில் வைட்டமின் பி காம்ப்ளக்ஸ் சத்துக்கள் நிறைந்துள்ளது. இது தேவையான வளர்சிதை மாற்றத்துக்கு முக்கியம். ரிபோஃபிளாவின் வளர்சிதையில் முக்கிய பங்கு வகிக்கிறது. கொழுப்பு படிவதை தடுத்து, சக்தியை அதிகரிக்கிறது. நியாசினில் போதியளவு ஆன்டி ஆக்ஸிடன்ட்கள் உள்ளது. அது சருமத்திற்கு பளபளப்பை கொடுக்கிறது. யூவி கதிர்களிடம் இருந்து சருமத்தை காக்கிறது.

இரும்புச்சத்து நிறைந்தது

உடலில் போதிய அளவு ஹீமோகுளோபின் இல்லாமல், அதை சரிசெய்யாவிட்டால், அது உடலில் சோர்வை ஏற்படுத்தும். இதயத்துடிப்பை குறைக்கும், மூச்சுதிணறலை ஏற்படுத்தும். முடி உதிரும். துவரம் பருப்பில் தாவர அடிப்படையிலான இரும்புச்சத்து மற்றும் ஃபோலிக் அமிலம் நிறைந்துள்ளது. இது இயற்கையான இரும்புச்சத்தை வெளிக்கொணர்கிறது.

எடை மேலாண்மை செய்ய உதவுகிறது

ஆரோக்கியமான முறையில் நீங்கள் உடல் எடையை குறைக்க வேண்டுமா? எனில், உங்கள் உணவில் நல்ல புரதச்சத்துக்கள் நிறைந்த உணவுகளை அதில் சேர்க்க விரும்புங்கள். துவரம் பருப்பில் புரதச்சத்து அதிகம் உள்ளது. 

இதனால் அது உங்கள் பசியை போக்குகிறது. இதில் உள்ள நார்ச்சத்துக்களும், லோ கிளைசமிக் இன்டக்சும், உடல் எடையை குறைக்க உதவுகிறது. பசியை குறைக்கிறது, வளர்சிதை மாற்றத்தை ஊக்குவிக்கிறது, ஒட்டுமொத்த கலோரிகள் எடுத்துக்கொள்வதை குறைக்கிறது. எனினும், கொழுப்பு குறைவாக உள்ளது. எடை மேலாண்மை செய்பவர்களுக்கு இது ஒரு முழுமையான உணவு.

ரத்த அழுத்தத்தை முறைப்படுத்துகிறது

இதில் பொட்டாசிய சத்து நிறைந்துள்ளது. ரத்த நாளங்களில் சுருக்கத்தை குறைத்து ரத்த ஓட்டத்தை அதிகரிக்கிறது. உயர் ரத்த அழுத்தத்தை கட்டுப்படுத்துகிறது. உங்கள் உணவில் துவரம் பருப்பை சேர்ப்பது உயர் ரத்த அழுத்த நோயாளிகளுக்கு சிறந்தது. இது அவர்களுக்கு இதய நோய்கள் அதிகரிக்கும் ஆபத்தை குறைக்கிறது.

குடல் ஆரோக்கியத்தை மேம்படுத்துகிறது

ஒட்டுமொத்த உடல் ஆரோக்கியத்துக்கும், குடல் ஆரோக்கியத்துக்கும் உதவுகிறது. வயிறு உப்புசம் போன்ற செரிமான பிரச்னைகளை தடுக்கிறது. மலச்சிக்கலை தடுக்கிறது. துவரம் பருப்பு செரிமானத்தை தூண்டுகிறது. மற்ற வாயுப்பிரச்னைகளையும் சரிசெய்கிறது.

நீரிழிவுக்கு நல்லது

நீரிழிவு நோயாளிகள் தங்கள் உணவில் கட்டாயம் சேர்த்துக்கொள்ள வேண்டிய உணவுகளில் பருப்பு முக்கியமானது. இதில் உள்ள கார்போஹைட்ரேட்கள் மற்றும் நார்ச்சத்துக்கள் உடலில் வளர்சிதை மாற்றத்தை ஊக்குவித்து உடலுக்கு சக்தியை தங்குதடையின்றி வழங்குகிறது. ரத்தச்சர்க்கரை உயர்வை குறைக்கிறது.

இதய ஆரோக்கியத்தை அதிகரிக்கிறது

இதில் கொழுப்பு இல்லை. இதய நோயாளிகளுக்கு புரதச்சத்து கிடைப்பதற்கு சிறப்பான தேர்வு. நார்ச்சத்துக்களும், நியாசின்களும் அதிகம் உள்ளது நல்ல கொழுப்பை அதிகரிக்க உதவுகிறது. கெட்ட கொழுப்பை குறைக்கிறது. இது இதயத்தை பாதுகாக்கிறது.

எலும்பு ஆரோக்கியத்தை அதிகரிக்கிறது

இதில் உள்ள கால்சியம், மெக்னீசியம் மற்றும் பாஸ்பரஸ் ஆகிய சத்துக்கள், குழந்தைகளின் எலும்பு ஆரோக்கியத்துக்கு உதவுகிறது. முதியவர்களுக்கு எலும்பு கோளாறுகள் ஏற்படாமல் தடுக்கிறது.

நோய் எதிர்ப்பு மண்டலத்தை வலுப்படுத்துகிறது

துவரம் பருப்பில் உள்ள மெக்னீசியச்சத்து, உடலில் நோய் எதிர்ப்பு சக்தியை அதிகரிக்கிறது. தொற்றுக்களை குணப்படுத்துகிறது. உடல் மற்றும் மன ஆரோக்கியத்தை அதிகரிக்கிறது. குழந்தையின் முதல் உணவாக இருப்பதும் இதன் சிறப்பு.

சமூக வலைத்தளங்களில் எங்களை பின்தொடரலாம். லிங்க்குகள் கீழே கொடுக்கப்பட்டுள்ளன:

Google News: https://bit.ly/3onGqm9 

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.

WhatsApp channel

டாபிக்ஸ்