Samyuktha: முகத்தில் காயம்! விபத்தில் சிக்கிய கட்சி சேர பாடல் சம்யுக்தா - இன்ஸ்டாவில் உருக்கமான பதிவு
contents
Follow on:
  • WhatsApp Channel
  • Facebook
  • Twitter
  • You tube
Notification
தமிழ் செய்திகள்  /  பொழுதுபோக்கு  /  Samyuktha: முகத்தில் காயம்! விபத்தில் சிக்கிய கட்சி சேர பாடல் சம்யுக்தா - இன்ஸ்டாவில் உருக்கமான பதிவு

Samyuktha: முகத்தில் காயம்! விபத்தில் சிக்கிய கட்சி சேர பாடல் சம்யுக்தா - இன்ஸ்டாவில் உருக்கமான பதிவு

Muthu Vinayagam Kosalairaman HT Tamil Published Mar 30, 2024 02:38 PM IST
Muthu Vinayagam Kosalairaman HT Tamil
Published Mar 30, 2024 02:38 PM IST

யூடியூப்பில் பிரபலமான கட்சி சேர பாடல் மூலம் புகழ் பெற்ற சம்யுக்தா விபத்தில் சிக்கிய நிலையில் அதுதொடர்பாக தனது இன்ஸ்டாகிராமில் நீண்ட பதிவை பகிர்ந்துள்ளார்.

விபத்தில் சிக்கிய கட்சி சேர பாடல் சம்யுக்தா
விபத்தில் சிக்கிய கட்சி சேர பாடல் சம்யுக்தா
Share on Whatsappஎங்களை பின் தொடரலாம்
  • Share on Twitter
  • Share on Facebook

சமீபத்தில் யூடியூப்பில் வெளியான கட்சி சேர என்ற பாடல் பட்டிதொட்டியெங்கும் ஹிட்டானது. சமூக வலைத்தள வைரலான இந்த பாடலை வைத்து எங்கு பார்த்தாலும் ரீல்ஸ் விடியோக்களும், ஷார்ட் ஸ்டோரிகளும் பகிரப்பட்டன.

இந்த பாடலில் நடனமாடிய சம்யுக்தா விஸ்வநாதன் நடனம் அனைத்து வயதினராலும் ரசிக்கப்பட்டது. கட்சி சேர பாடலுக்கு பிரபல பின்னணி பாடகர்களான திப்பு, ஹரிணி தம்பதிகளின் மகன் சாய் அபயங்கர் இசையமைத்திருப்பார்.

சம்யுக்தாவுக்கு விபத்து

இந்த பாடலில் தனது நடன அசைவுகளால் கவர்ந்த சம்யுக்தா விபத்தில் சிக்கியுள்ளார். இதையடுத்து மருத்துவமனையில் அனுமதிக்கப்பட்ட அவருக்கு மூக்கு, தாடை பகுதியில் சிறிய பிளாஸ்ட்ர் ஒட்டப்பட்டுள்ளது. இதைத்தொடர்ந்து விபத்தில் சிக்கியது தொடர்பாக தனது இன்ஸ்டாவில் பகிர்ந்திருக்கும் சம்யுக்தா, மருத்துவமனையில் இருக்கும் சில புகைப்படங்களையும் அவர் பகிர்ந்துள்ளார்.

சம்யுக்தா பகிர்ந்திருக்கும் பதிவில், "எனது இன்ஸ்டா பக்கங்களில் என்னுடைய வெற்றியை மட்டுமல்லாமல், என் நிஜ வாழ்க்கையில் நிகழும் மற்ற விஷயங்களை எந்த தயக்கமும் இன்றி பகிர வேண்டும் என விரும்புகிறேன்.

ஓய்வு தேவை

எனக்கு ஓய்வு தேவை என்பது இந்த பிரபஞ்சம் அவ்வப்போது எனக்கு நினைவுபடுத்துகிறது. ஒரு முறை கால் தசையில் காயம் ஏற்பட்டது. இன்னொரு முரை கணுக்காலில் சுழுக்கு ஏற்பட்டது. இப்போது மூக்கில் காயம் ஏற்பட்டிருக்கிறது.

கொஞ்சம் ரத்தம் வெளியேறியது. பல ஊசிகள், கொஞ்சம் ஆண்டிபயோடிக்குகள் எடுத்துக்கொண்டுள்ளேன். தற்போது பரவாயில்லாமல் இருக்கிறேன். சில பணிகளை செய்ய முடியாமல் நல்ல தொகையை மிஸ் செய்துள்ளேன். எனவே சில நல்ல விஷயங்கள் நடந்ததற்கும், நடக்காமல் போனதற்கும் எனது நன்றியுணர்வை வெளிப்படுத்திக்கொள்கிறேன். ஓய்வில் இருந்து, பல கற்றல்களை பெற்று மீண்டும் பணிக்கு திரும்புவேன்.

எனக்கு எப்போதெல்லாம் உடல்நிலை சரியில்லாமல் போகிறதோ, எப்போதெல்லாம் தாழ்வாக உணர்கிறேனோ அப்போது என்னுடனே அன்பாக பார்த்துக் கொள்ளும் ஜீவனாக எனது பூனை இருக்கிறது. அவன் என் மீது செலுத்தும் கவனத்தை மகிழ்ச்சியாக ஏற்றுக்கொள்வேன்.

வாழ்க்கை கடினமானது தான். ஆனால் நீங்கள் ஒரு போதும் தனியாக இல்லை.

இவ்வாறு அவர் குறிப்பிட்டுள்ளார்.

விபத்து நடந்திருப்பதாக குறிப்பிட்டிருக்கும் சம்யுக்தா, எங்கு என்ன நடந்தது என்கிற விவரத்தை வெளிப்படுத்தவில்லை. 

வெப்சீரிஸ்களில் கலக்கும் சம்யுக்தா

கட்சி சேர பாடல் மூலம் நன்கு அறியப்பட்டாலும் அதற்கு முன்னர் பல்வேறு வெப் சீரிஸ்களில் சிறிய கதாபாத்திரங்களில் நடித்துள்ளார் சம்யுக்தா. அமேசான் ப்ரைமில் வெளியான மாடர்ன் லவ் சென்னை, ஸ்வீட் காரம் காபி ஆகியவற்றில் நடித்துள்ளார்.

அதேபோல் தமிழ், தெலுங்கு மொழிகளில் சில படங்களில் சிறிய கதாபாத்திரத்திலும் நடித்துள்ளார்.  இவரது லேட்டஸ்ட் பேட்டிகள் சமூக வலைத்தளங்களில் வைரலாகியுள்ளன. 

தற்போது சம்யுக்தா, சுழல் 2 வெப்சீரிஸிலும், தெலுங்கில் சாரி 111 என்ற படத்திலும் நடித்து வருகிறார். இவருக்கென தனியாக ரசிகர்கள் கூட்டமும் இருந்து வருகிறது. 

சமூக வலைத்தளங்களில் எங்களை பின் தொடலாம். லிங்க்குகள் கீழே கொடுக்கப்பட்டு உள்ளன:

ஹிந்துஸ்தான் தமிழ் வாட்ஸ் அப் குடும்பத்தில் இணைய கீழே உள்ள லிங்கை கிளிக் செய்யுங்கள்.