மலேசிய கேங்ஸ்டர்.. வெள்ளை புலியாய் நடந்து வந்த அஜித்.. பிளாக் அண்ட் வொயிட் மேஜிக் வொர்க் அவுட் ஆனது எப்படி? - அனுவர்தன்

பிளாக் அண்ட் ஒயிட் சூட்டில் அவர் நடந்து வந்த சீன்கள் எல்லாம் தியேட்டர்களில் விசில் பறந்தன. அந்தத் திரைப்படம் மட்டுமல்லாமல், அந்தப்படத்தில் அவர் அணிந்திருந்த ஆடைகளும் மிகப்பெரிய அளவில் கொண்டாடப்பட்டன. அந்த ஆடைகளை வடிவமைத்தவர் ஆடை வடிமைப்பாளர் அனுவர்தன். விஷ்ணு வர்தனின் மனைவியான இவர் அஜித்தின் ஆரம்பம், வீரம், விவேகம், வேதாளம் மட்டுமல்லாமல் தற்போது அவர் நடித்து வரும் குட் பேட் அக்லி திரைப்படத்திற்கும் ஆடை வடிவமைப்பாளராக பணியாற்றி வருகிறார். இந்த நிலையில் அண்மையில் குமுதம் சேனலுக்கு அவர் கொடுத்த பேட்டியில், பில்லா திரைப்படத்தில் அஜித்துடன் பணியாற்றிய அனுபவம் குறித்து பேசி இருக்கிறார்.

இது குறித்து அவர் பேசும் போது, “அந்தப்படத்தை என்னுடைய கணவர் விஷ்ணுவர்தன்தான் இயக்கி இருந்தார். பில்லா படம் குறித்து விஷ்ணு சொல்லும் பொழுது, இந்தப்படம் முழுக்கவே ஆடைகள் பிளாக் அண்ட் ஒயிட்டாக இருக்க வேண்டும் என்று சொல்லிவிட்டார். காரணம், கதையின் படி, அஜித் மலேசியாவில் இருக்கக்கூடிய பெரிய கேங்ஸ்டர். அங்கு இருக்கக்கூடிய கேங்ஸ்டர் எப்படி இருப்பாரோ அப்படியே அஜித்தை பிரதிபலிக்க வேண்டும் என்று நாங்கள் ஆசைப்பட்டோம். இதையடுத்து அது குறித்து ஆராய்ச்சி செய்து அவருக்கான ஆடைகளை நாங்கள் தேர்ந்தெடுத்தோம்.

படம் முழுக்கவே பிளாக் அண்ட் ஒயிட் என்பதையே கலர் டோனாக நாங்கள் ஃபிக்ஸ் செய்திருந்தோம். அதனால்தான் அஜித்துக்கான ஆடைகளையும் பிளாக் அண்ட் ஒயிட்டாக இருந்தது. சேவல் கொடி பறக்குதடா பாடலில் மட்டும்தான் கலர் டோனும் ஆடையும் மாறி இருக்கும்.

குறிப்பாக பில்லாவினுடைய காட்சிகள் அனைத்துமே பிளாக்காகத்தான் இருக்கும். முதலில், செஸ் காட்சியில் மட்டும் தான் அவர் ஒயிட் கோட் சூட் அணிய திட்டமிடப்பட்டிருந்தது. ஆனால், அதில் அவரை பார்த்ததும் எங்களுக்கு மிகவும் பிடித்து விட்டது. அதனை தொடர்ந்துதான் மை நேம் இஸ் பாடலிலும், தை கொண்டு வர நாங்கள் முடிவு செய்தோம்.” என்று பேசினார்.

பொறுப்புத் துறப்பு:

இந்தக் கட்டுரையில் உள்ள எந்தவொரு தகவல்/பொருள்/அல்லது நம்பகத்தன்மைக்கு எந்த விதமான உத்தரவாதமும் இல்லை. இதில் குறிப்பிடப்பட்டுள்ள தகவல்கள் அனைத்தும் பல்வேறு ஊடகங்களில் இருந்து சேகரித்து, உங்களுக்குத் தரப்பட்டுள்ளது. எங்கள் நோக்கம் தகவல்களை வழங்குவது மட்டுமே. இதிலிருந்து வெறும் தகவல்களை மட்டுமே பயனாளர்கள் எடுத்துக்கொள்ள வேண்டும். மற்றபடி இதிலிருந்து பயன்படுத்திக்கொள்வது பயனாளரின் பொறுப்பாகும்.