Thalapathy 69: வெளியான தாறுமாறு தகவல்.. நாளை முதல்.. ஆர்வத்தில் விஜய் வெறியர்கள்..

இவர், தற்போது தமிழக வெற்றிக் கழகம் எனும் கட்சியைத் தொடங்கி தீவிர அரசியலில் ஈடுபடவுள்ளதாக அறிவித்தார். அத்துடன் நில்லாமல், இனி படங்களில் நடிக்கப் போவதில்லை எனவும் அறிவித்து அவரது ரசிகர்களுக்கு பெரும் அதிர்ச்சியை கொடுத்தார்.

தளபதி 69

அந்த சமயத்தில், அவர் நடிப்பில் வெளியான கோட் திரைப்படம் விமர்சன ரீதியாகவும் வசூல் ரீதியாகவும் மெகா ஹிட் அடித்தது. இதைத் தொடர்ந்து, நடிகர் விஜய் அரசியலுக்கு வரும் முன் இயக்குநர் ஹெச்.வினோத்துடன் இணைந்து தனது கடைசி படத்தில் நடிக்க உள்ளதாக கூறினார். 

இன்னும் பெயர் வைக்கப்படாத இந்தப் படத்தை படக்குழுவினர் தளபதி 69 எனக் கூறி வருகின்றனர். அத்துடன், ரசிகர்களின் எதிர்பார்ப்பை அறிந்த கேவிஎன் தயாரிப்பு நிறுவனம், தினமும், தளபதி 69 படத்தில் நடிக்க உள்ள நடிகர்களை அறிமுகப்படுத்தி வந்தது.

இந்த நிலையில் தான், கோலிவுட் சினிமா வட்டாரத்தில் செய்தி ஒன்று கசிந்துள்ளது. அதன்படி நடிகர் விஜய்யின் 69 படத்திற்கான படப்பிடிப்பு பூஜையுடன் நாளை அதாவது அக்டோபர் 4ம் தேதி வெள்ளிக்கிழமை தொடங்கவுள்ளதாகத் தகவல்கள் வெளியாகியுள்ளன. இந்தத் தகவலால் ஒட்டுமொத்த தமிழ் திரையுலகமும் இந்த செய்தியின் அதிகாரப்பூர்வ தகவலுக்காக காத்திருக்கின்றது.

கடைசி பட அறிவிப்பு

நடிகர் விஜய்யின் 69வது படம் குறித்த அறிவிப்புகள் கடந்த இரண்டு வாரங்களுக்கு முன்னர் அதிகாரப்பூர்வமாக அறிவிக்கப்பட்டது. அந்த அறிவிப்பின்போது படத்தின் இயக்குநர் ஹெச். வினோத் என்றும் படத்திற்கு அனிருத் இசை அமைப்பார் என்றும் கூறப்பட்டது. இந்தத் தகவல் ரசிகர்களுக்கு பெரும் மகிழ்ச்சியைக் கொடுத்தது.

நடிகர் விஜயின் நடிப்பில் கடந்த செப்டம்பர் 5ஆம் தேதி வெளியான கோட் திரைப்படம் கலவையான விமர்சனங்களை பெற்று வருகிறது. இருப்பினும் பெரும்பான்மையான பார்வையாளர்களுக்கு திரைப்படம் பிடித்திருப்பதால், படத்தின் வசூல் 500 கோடியை தாண்டி மெகாஹிட் அடித்திருக்கிறது.

நட்சத்திர இயக்குநரான ஹெச்.வினோத்

சதுரங்கவேட்டை’ திரைப்படம் மூலமாக இயக்குநராக அறிமுகமான ஹெச்.வினோத், ‘தீரன் அதிகாரம் ஒன்று’ படத்தை இயக்கியதின் மூலம் கவனம் மிகு இயக்குநர்கள் பட்டியலில் இணைந்தார். தொடர்ந்து அஜித்தின் ‘நேர் கொண்ட பார்வை’ ‘வலிமை’ ‘துணிவு’ உள்ளிட்ட படங்களை இயக்கி நட்சத்திர இயக்குநர்கள் பட்டியலில் இணைந்தார்.

விஜய் அடுத்ததாக அரசியலுக்கு செல்ல இருப்பதால் இந்தப்படம் அரசியல் படமாக இருக்குமா என்ற கேள்விக்கு, இந்தப்படம் முழுக்க முழுக்க விஜயின் படமாக இருக்குமென்று ஹெச்.வினோத் கூறியிருந்தார்.

தளபதி 69 அப்டேட்

இந்நிலையில் தளபதி 69 படத்தின் அப்டேட்களை படக்குழு வெளியிடத் தொடங்கியுள்ளது. அதன்படி, அனிமல் திரைப்படம் மூலம் ரீ எண்ட்ரி ஆன நடிகர் பாபி டியோல், ஏற்கனவே நடிகர் விஜய்யுடன் பீஸ்ட் படத்தில் நடித்திருந்த நடிகை பூஜா ஹெக்டே, பிரேமலு படத்தின் நாயகி மமிதா பைஜு, இயக்குநரும் நடிகருமான கௌதம் மேனன், நடிகை பிரியாமணி மற்றும் நடிகர் நரேன் போன்றோர் விஜய் 69 படத்தில் இணைந்துள்ளதாக படத்தின் தயாரிப்பு நிறுவனமான கேவிஎன் புரொடக்ஷன் அறிவிப்பை அடுத்தடுத்து வெளியிட்டு வந்தது.

ஷூட்டிங் எப்போது?

இதுவரை மக்கள் தளபதி 69 படத்தில் நடிக்கப் போகும் நடிகர்களின் பட்டியலை கண்டு குஷியாகி வந்த நிலையில், இந்தப் படத்திற்கான படப்பிடிக்கு தொடங்கும் நாள் குறித்தும் தற்போது தகவல் வெளியாகி உள்ளது. அதன்படி, நடிகர் விஜய்யின் 69 படத்திற்கான படப்பிடிப்பு பூஜையுடன் நாளை அதாவது அக்டோபர் 4ம் தேதி வெள்ளிக்கிழமை தொடங்கவுள்ளதாகத் தகவல்கள் வெளியாகியுள்ளன. இந்தத் தகவலால் ஒட்டுமொத்த தமிழ் திரையுலகமும் இந்த செய்தியின் அதிகாரப்பூர்வ தகவலுக்காக காத்திருக்கின்றது.