Jawan: அதகள ஆக்சன்.. லீக் ஆன ஷாருக்கான் ஜவான் காட்சி.. அதிர்ச்சியில் படக்குழு!

ஷாருக்கான் தற்போது பிரபல இயக்குநர் அட்லீ இயக்கத்தில் உருவாகி வரும் ஜவான் படத்தில் நடித்து வருகிறார். இந்த படத்தின் டைட்டில் அறிவிப்பு வீடியோ கடந்த வருடம் வெளியாகி வரவேற்பை பெற்றது. வருகிற ஜூன் மாதம் 2 ஆம் தேதி படம் வெளியாகும் என அறிவிக்கப்பட்டு இருக்கிறது. இந்த நிலையில் இந்த படத்தில் வெளியான வீடியோ காட்சி ஒன்று சமூகவலைதளங்களில் வைரலாகி வருகிறது.

அந்த வீடியோவில் ஷாருக்கானின் ஆக்சன் சம்பந்தமான காட்சி இடம் பெற்றுள்ளது. ஜவான் படத்தில் ஷாருக்கானின் ஜோடியாக நடிகை நயன் தாரா நடித்துள்ளார். இதில் முக்கிய வில்லனாக விஜய் சேதுபதியும், காமெடி வேடத்தில் யோகி பாபுவும் நடிக்கின்றனர்.

இந்த படத்தின் மூலமாக அனிருத், இசையமைப்பாளராக பாலிவுட் திரை உலகில் அறிமுகமாகிறார். இந்த படத்தில் நடிகர் விஜய் சிறப்பு தோற்றத்தில் நடிக்க வாய்ப்புள்ளதாகவும் தகவல்கள் உலா வந்து கொண்டிருக்கின்றன.

ஷாருக்கான் இந்த படத்தில் இரட்டை வேடத்தில் நடித்துள்ளதாகவும் அதில் ஒரு கதாபாத்திரம் ராணுவ அதிகாரி என்றும் சொல்லப்படுகிறது. மேலும் இதில் தீபிகா படுகோனும் மற்றொரு நடிகையாக நடிப்பதாக கூறப்படுகிறது.