Actress Shamlee: அஜித் மனைவி ஷாலினி தங்கை ஷாம்லியின் ஓவியக்கண்காட்சி.. நீங்க போய் பாக்கணுமா? - விலாசம் இங்கே!
இயக்குநர் மணிரத்னம் மற்றும் இசையமைப்பாளர் ஏ.ஆர்.ரஹ்மான் நடிகை ஷாம்லியின்கலை நிகழ்ச்சியான ’SHE’-யில் கலந்து கொண்டு சிறப்பித்தனர்
குழந்தை நட்சத்திரமாக மணிரத்னத்தின் அஞ்சலி உட்பட பல படங்களில் நடித்தவர் நடிகை ஷாம்லி. தமிழில் விக்ரம் பிரபு நடித்த வீர சிவாஜி திரைப்படத்தில் முழு நேர கதாநாயகியாக தோன்றினார். ஆனால் அந்தப்படம் இவருக்கு கை கொடுக்கவில்லை. இந்த நிலையில்தான் அவர் தற்போது ஓவியத்தின் பக்கம் தன்னுடைய கவனத்தை திருப்பியிருக்கிறார். அதன் விளைவாக இந்தியா மற்றும் துபாய் முழுவதும் கலை நிகழ்ச்சிகளை நடத்தி வருகிறார்.
ட்ரெண்டிங் செய்திகள்
வெண்பா கேலரியின் கிராஸ் ரோட்ஸ், சதர்ன் டிரெண்ட்ஸின் சித்ர கலா பரிஷத், உலக வர்த்தக மையமான துபாயில் பெங்களூரு இண்டர்நேஷனல் செண்டர் சதர்ன் டிரெண்ட்ஸ் வேர்ல்ட் ஆர்ட் துபாய் ஆகியவற்றைத் தொடர்ந்து இப்போது அவர் சென்னையில் ’She' என்ற தலைப்பில் அவரது மற்றொரு அற்புதமான கலைப்படைப்பைக் காட்சிப்படுத்தி இருக்கிறார்.
இந்த நிகழ்ச்சியில் இந்தியத் திரைப்படத் துறையின் பெருமையாக கருதப்படும் இயக்குநர் மணிரத்னம் மற்றும் இசையமைப்பாளர் ஏ.ஆர். ரஹ்மான் ஆகியோர் சிறப்பு விருந்தினர்களாகக் கலந்து கொண்டு ஷாம்லியின் படைப்புகளுக்கு வாழ்த்து தெரிவித்தனர்.
விஷுவல் கம்யூனிகேஷனில் பட்டப்படிப்பு மற்றும் சிங்கப்பூரில் உள்ள லசால் கலைக் கல்லூரியில் விஷுவல் ஆர்ட்ஸில் டிப்ளமோ பட்டம் பெற்ற ஷாம்லி, கலைத் தொழிலில் தொடர்ந்து ஈடுபட்டு வருகிறார்.
கடந்த 6 ஆண்டுகளில் அவரது வழிகாட்டியான ஆர்டிஸ்ட் திரு. ஏ.வி. இளங்கோவிடமிருந்து முறையான வழிகாட்டுதலையும் பயிற்சியையும் பெற்று தனது திறமைகளை மேம்படுத்தியிருக்கிறார்.
ஷாம்லி பாரீஸ் கலைக் கல்லூரியில் ஆக்கப்பூர்வமான பயிற்சியையும், சிங்கப்பூரில் சீன இங்க் (Chinese ink), புளோரன்ஸ் அகாடமியா ரியாசியில் கண்ணாடி ஓவியம் வரைவதில் நிபுணத்துவம் பெற்றவர் என்பதும் இங்கு குறிப்பிடத்தக்கது.
நிகழ்ச்சி நடைபெறும் இடம்:
சென்னை, ஆழ்வார்பேட்டை, அஸ்வினி மருத்துவமனைக்கு அடுத்துள்ள கஸ்தூரி எஸ்டேட் 2வது தெருவில், ஃபோகஸ் ஆர்ட் கேலரி, எண்.11ல், ‘SHE’ காட்சிப்படுத்தப்பட்டுள்ளது. ஜூன் 30, 2023 வரை நிகழ்ச்சி காலை 10 மணி முதல் இரவு 8 மணி இவை இருக்கும்.
டாபிக்ஸ்