Vijayakanth: ’கேப்டன் விஜயகாந்திற்கு பத்மபூஷன் விருது மறுப்பா?’ போட்டு உடைத்த பிரேமலதா விஜயகாந்த்!

சென்னை கோயம்பேட்டில் உள்ள தேமுதிக தலைமை அலுவலகத்தில் தண்ணீர் பந்தலை திறந்து வைத்த தேமுதிக பொதுச்செயலாளர் பிரேமலதா விஜயகாந்த், செய்தியாளர்களை சந்தித்தார். அப்போது பேசிய அவர், தேசிய முற்போக்கு திராவிடர் கழகம் சார்பில் ஆண்டு தோறும் தண்ணீர் பந்தல் திறப்பது வழக்கம். தேர்தல் நடத்தை விதிமுறைகள் இருந்ததால் அந்த பணியை செய்ய முடியவில்லை. வெயில் தொடர்ந்து அதிகரித்துக் கொண்டு இருப்பதால், மக்கள் கஷ்டத்தை போக்க வேண்டியது எங்களுடைய கடமை. அதனால் தேமுதிக சார்பில் தலைமை கழகத்தில் தண்ணீர் பந்தலை திறந்து உள்ளோம்.