Top 6 Tamil News: ‘இபிஎஸ் உருவபொம்மை எரிப்பு.. விஜய்யை தாக்கிய ஆர்.எஸ்.பாரதி.. திருமா கண்டனம்!
‘தமிழ்நாட்டில் கட்சி ஆரம்பித்தவர்கள் எல்லாம் எம்.ஜி.ஆர்., ஆகிவிட முடியாது; எம்.ஜி.ஆர்.,யின் காலம் என்பது வேறு; இப்போது உள்ள காலம் என்பது வேறு. தற்போது கட்சி ஆரம்பிப்பவர்கள், இரண்டு அமாவாசையை கூட தாண்ட முடியாது’
தமிழ்நாட்டில் இன்று இரவு நிகழ்ந்த முக்கிய செய்திகளின் தொகுப்பு இதோ. சென்னையில் தொடங்கி, மாநிலத்தின் முக்கிய நகரங்களில் நடந்த நிகழ்வுகளின் எளிய செய்தி தொகுப்பை இங்கு காணலாம்:
1.இபிஎஸ் உருவ பொம்மை எரித்து பாஜக போராட்டம்
கும்பகோணம் உச்சி பிள்ளையார் கோயில் அருகே அதிமுக பொதுச் செயலாளர் எடப்பாடி பழனிசாமியின் உருவ பொம்மையை எரித்து ஆர்ப்பாட்டத்தில் ஈடுபட்ட பாஜகவினர். பாஜக தலைவர் அண்ணாமலை தொடர்பான விமர்சனத்திற்கு பதிலடியாக, இந்த போராட்டம் நடைபெற்றது. போலீசார் தடுப்பை மீறி போராட்டத்தில் ஈடுபட்ட பாஜகவினர்.
2. சுங்கச்சாவடி கட்டணம் உயர்வு; திருமாவளவன் கண்டனம்
இது தொடர்பாக கருத்து தெரிவித்துள்ள விடுதலை சிறுத்தைகள் கட்சித் தலைவர் தொல்.திருமாளவவன், ‘‘ஏற்கனவே பல்வேறு விதமான வரிகளை சுமத்தி ஏழை,எளிய மக்களை கசக்கிப் பிழியும் மத்திய பாஜக அரசு சுங்கச்சாவடி கட்டணங்களின் மூலமாகவும் பொதுமக்களைத் துன்புறுத்தி வருகிறது. இந்நிலையில் மேலும் கட்டணத்தை உயர்த்துவது அநீதியானது,’’ என்று கருத்து தெரிவித்துள்ளார்.