Special Trains: சென்னையிலிருந்து நெல்லைக்கு சிறப்பு ரயில்கள்; முன்பதிவு எப்போது?

தெற்கு ரயில்வே வெளியிட்டுள்ள செய்திக் குறிப்பு:

• சென்னை, தாம்பரத்தில் இருந்து வரும் 25 ஆம் தேதி, நாகர்கோவிலுக்கு சிறப்பு அதிவிரைவு ரயில் (வண்டி எண்: 06053) இயக்கப்படுகிறது. இந்த ரயிலானது, தாம்பரத்தில் இருந்து இரவு 10.20 மணிக்குப் புறப்பட்டு, மறுநாள் காலை 10.50 மணிக்கு நாகர்கோவிலைச் சென்றடையும்.
• மறுமார்க்கமாக வரும் 29 ஆம் தேதி மாலை 4.15 மணிக்கு நாகர்கோவிலில் இருந்து புறப்படும் ரயிலானது (வண்டி எண்: 06054) மறுநாள் 30 ஆம் தேதி, அதிகாலை 4.10 மணிக்கு தாம்பரம் வந்தடையும்.
• இந்த ரயில் செங்கல்பட்டு, விழுப்புரம், விருதாச்சலம், திண்டுக்கல், மதுரை, விருதுநகர், சாத்தூர், கோவில்பட்டி, திருநெல்வேலி, வள்ளியூர் வழியாக இயக்கப்படும்.

சென்னை எழும்பூர் - திருநெல்வேலி

• சென்னை எழும்பூரில் இருந்து வியாழக்கிழமை (ஜன.26) இரவு 9 மணிக்கு நெல்லைக்குப் புறப்படும் சிறப்பு கட்டண ரயிலானது, மறுநாள் காலை 9 மணிக்கு திருநெல்வேலி சென்று அடையும்.
• மறுமார்க்கமாக திருநெல்வேலியில் இருந்து 27 ஆம் தேதி பகல் 1 மணிக்குப் புறப்படும் ரயிலானது, மறுநாள் காலை 3.20 மணிக்குத் தாம்பரம் வந்தடையும்.
• இந்த ரயில் தாம்பரம், செங்கல்பட்டு, விழுப்புரம், விருத்தாச்சலம், திருச்சி, புதுக்கோட்டை, காரைக்குடி, சிவகங்கை, மானாமதுரை, அருப்புக்கோட்டை, விருதுநகர், சாத்தூர் கோவில்பட்டி வழியாக இயக்கப்படும்.

இந்த சிறப்பு ரயிலுக்கான முன்பதிவு இன்று முதல் (ஞாயிறு) தொடங்குகிறது எனத் தெரிவிக்கப்பட்டுள்ளது.

இதையும் படிங்க..

5 ஸ்டார் ஓட்டலில் 4 மாதம் தங்கி ரூ.23 லட்சம் பில்கட்டாமல் எஸ்கேப்பானவர் கைது

தமிழ்நாடு, தேசம் மற்றும் உலகம், பொழுதுபோக்கு, விளையாட்டு, லைஃப்ஸ்டைல், ஜோதிடம், புகைப்பட கேலரி, வேலைவாய்ப்பு, சமீபத்திய செய்திகள் என அனைத்தையும் இந்துஸ்தான் டைம்ஸ் தமிழ் இணையதளத்தில் உடனுக்குடன் தெரிந்து கொள்ளலாம்.