Southern railway announcement: பரமரிப்பு பணி…சென்னை - கோவை இடையே ரயில்கள் ரத்து
பராமரிப்பு பணி காரணமாக சென்னை - கோவை, சென்னை - சேலம் இடையிலான ரயில்கள் ரத்து செய்யப்படுவதாக தெற்கு ரெயில்வே தெரிவித்துள்ளது.
சென்னை - கோவை இடையிலான பகல் நேர ரயில்களும், சென்னை - சேலம் இடையிலான இரவு நேரம் ரயிலும் பராமரிப்பு பணிகள் காரணமாக வரும் டிசம்பர் 3ஆம் தேதி வரை ரத்து செய்யப்படுகிறது.
ட்ரெண்டிங் செய்திகள்
இதுதொடர்பாக தெற்கு ரயில்வே வெளியிட்டுள்ள செய்திக்குறிப்பில் கூறப்பட்டிருப்பதாவது:
பராமரிப்பு பணிகள் காரணமாக கீழ்கண்ட ரயில் சேவைகள் ரத்து செய்யப்பட்டுள்ளது. அதன் விவரம் பின்வருமாறு
சென்னை எழும்பூர் - சேலம் (வண்டி எண்:22153) இடையே இரவு 11.55 மணிக்கு இயக்கப்படும் எக்ஸ்பிரஸ் ரயில் நாளை டிசம்பர் 1, 2ஆம் தேதிகளில் முழுவதுமாக ரத்து செய்யப்படுகிறது.
சேலம் - எழும்பூர் (22154) இடையே இரவு 9.30 மணிக்கு இயக்கப்படும் எக்ஸ்பிரஸ் ரயில் வரும் டிசம்பர் 1, 2, 3 ஆகிய தேதிகளில் முழுவதுமாக ரத்து செய்யப்படுகிறது.
சென்னை சென்ட்ரல் - கோவை (12679) இடையே மதியம் 2.30 மணிக்கும், கோவை - சென்ட்ரல் (12680) இடையே காலை 6.15 மணிக்கும் இயக்கப்படும் இண்டர்சிட்டி எக்ஸ்பிரஸ் ரயில்கள் வரும் டிசம்பர் 3ஆம் தேதி முழுவதுமாக ரத்து செய்யப்படுகிறது.
சென்னை சென்ட்ரல் - கோவை (12675) இடையே காலை 6.10 மணிக்கும், கோவை - சென்ட்ரல் (12676) இடையே மதியம் 3.15 மணிக்கும் இயக்கப்படும் கோவை எக்ஸ்பிரஸ் ரயில்கள் வரும் டிசம்பர் ஆம் தேதி முழுவதுமாக ரத்து செய்யப்படுகிறது.
சென்னை சென்ட்ரல் - கோவை (12243) இடையே காலை 7.10 மணிக்கும், கோவை - சென்னை சென்ட்ரல் (12244) இடையே மதியம் 3.05 மணிக்கும் இயக்கப்படும் சதாப்தி எக்ஸ்பிரஸ் ரயில்கள் வரும் டிசம்பர் 3ஆம் தேதி முழுவதுமாக ரத்து செய்யப்படுகிறது.
இவ்வாறு அதில் கூறப்பட்டுள்ளது.
