தமிழ் செய்திகள்  /  தமிழ்நாடு  /  Sarvepalli Radhakrishnan Memorial Day: நாட்டின் முன்னாள் ஜனாதிபதி சர்வபள்ளி ராதாகிருஷ்ணன் பற்றிய சுவாரஸ்ய தகவல்கள்

Sarvepalli Radhakrishnan Memorial Day: நாட்டின் முன்னாள் ஜனாதிபதி சர்வபள்ளி ராதாகிருஷ்ணன் பற்றிய சுவாரஸ்ய தகவல்கள்

Manigandan K T HT Tamil
Apr 17, 2024 05:10 AM IST

Sarvepalli Radhakrishnan: டாக்டர் ராதாகிருஷ்ணன் 1888-ம் ஆண்டு செப்டம்பர் 5-ம் தேதி திருத்தணியில் பிறந்தார். அவர் ஒரு சிறந்த ஆசிரியராக இருந்தார் மற்றும் அவரது மாணவர்களால் மிகவும் மதிக்கப்பட்டார். பின்னர், நாட்டின் குடியரசுத் தலைவராகவும் பதவி வகித்தார்.

முன்னாள் குடியரசுத்தலைவர் டாக்டர் ராதாகிருஷ்ணன்
முன்னாள் குடியரசுத்தலைவர் டாக்டர் ராதாகிருஷ்ணன் (HT Photo)

ட்ரெண்டிங் செய்திகள்

டாக்டர் ராதாகிருஷ்ணன் 1888 ஆம் ஆண்டு செப்டம்பர் 5 ஆம் தேதி திருத்தணியில் பிறந்தார். அவர் ஒரு சிறந்த ஆசிரியர். அவரது மாணவர்களால் மிகவும் மதிக்கப்பட்டார். அவர் இந்தியக் குடியரசுத் தலைவரானபோது, அவரது மாணவர்கள் சிலர் அவரைச் சந்தித்து, அவரது பிறந்த நாளை கொண்டாட அவரது அனுமதியைக் கேட்டனர்; இருப்பினும், செப்டம்பர் 5 ஆம் தேதி ஆசிரியர் தினமாக கொண்டாடப்பட்டால் பெருமைப்படுவேன் என்று அவர் கூறினார்.

ஆசிரியர் தினத்தில், இந்தச் சிறந்த மனிதரைப் பற்றிய சில சுவாரஸ்யமான உண்மைகளை நாங்கள் உங்களுக்கு சொல்கிறோம்:

  •  டாக்டர் சர்வபள்ளி ராதாகிருஷ்ணன் இந்தியாவின் முதல் துணை ஜனாதிபதியாக 1952-1962 வரையும், 1962-1967 வரை இந்தியாவின் இரண்டாவது ஜனாதிபதியாகவும் இருந்தார்.
  • மைசூர் பல்கலைக்கழகத்தை விட்டு கல்கத்தா பல்கலைக்கழகத்தில் சேர அவர் சென்றபோது, அவரது மாணவர்கள் மைசூர் பல்கலைக்கழகத்திலிருந்து மலர்களால் அலங்கரிக்கப்பட்ட ஒரு வண்டியில் அவரை நிலையத்திற்கு அழைத்துச் சென்றனர்.
  • ஆந்திர பல்கலைக்கழகம் (1931-1936) மற்றும் பனாரஸ் இந்து பல்கலைக்கழகம் (1939-1948) ஆகியவற்றில் துணைவேந்தர் பதவியையும் வகித்தார். டெல்லி பல்கலைக்கழகத்தில் 1953 முதல் 1962 வரை வேந்தராக இருந்தார்.

துருக்கி தேசிய தின விழாவில் டாக்டர் ராதாகிருஷ்ணன்
துருக்கி தேசிய தின விழாவில் டாக்டர் ராதாகிருஷ்ணன்
  •  துணைக் குடியரசுத் தலைவராக, அவர் மாநிலங்களவை அமர்வுகளுக்குத் தலைமை தாங்க வேண்டியிருந்தது. விவாதங்கள் கைமீறிப் போவதாகத் தோன்றினால், அவர் தலையிட்டு சமஸ்கிருத ஸ்லோகங்களை மேற்கோள் காட்டி அனைவரையும் அமைதிப்படுத்துவாராம்.
  •  டாக்டர் ராதாகிருஷ்ணன் 1938 இல் பிரிட்டிஷ் அகாடமியின் உறுப்பினராகவும், 1954 இல் பாரத ரத்னா விருதுக்கும் தேர்ந்தெடுக்கப்பட்டார்.
  •  1975 ஆம் ஆண்டு டெம்பிள்டன் பரிசைப் பெற்று அதன் முழுத் தொகையையும் ஆக்ஸ்போர்டு பல்கலைக்கழகத்திற்கு நன்கொடையாக வழங்கினார்.
  • அவரது நினைவாக, ஆக்ஸ்போர்டு பல்கலைக்கழகம் ராதாகிருஷ்ணன் செவனிங் உதவித்தொகை மற்றும் ராதாகிருஷ்ணன் நினைவு விருதைத் தொடங்கியது.
  •  ராதாகிருஷ்ணனுக்கு அவரது கல்வி வாழ்க்கை முழுவதும் உதவித்தொகை வழங்கப்பட்டது. உயர்நிலைப் பள்ளிக் கல்விக்காக வேலூரில் உள்ள வூர்ஹீஸ் கல்லூரியில் சேர்ந்தார். அவரது எஃப்.ஏ. (First of Arts) வகுப்பிற்குப் பிறகு, அவர் 16 வயதில் மெட்ராஸ் கிறிஸ்டியன் கல்லூரியில் சேர்ந்தார். அங்கிருந்து 1907 இல் பட்டம் பெற்றார், மேலும் அதே கல்லூரியில் முதுகலையும் முடித்தார்.
  •  ராதாகிருஷ்ணன் தத்துவியல் படித்தார். பொருளாதார நெருக்கடியில் உள்ள மாணவராக இருந்ததால், அதே கல்லூரியில் பட்டம் பெற்ற உறவினர் ஒருவர் தனது தத்துவவியல் பாடப்புத்தகங்களை ராதாகிருஷ்ணனிடம் கொடுத்தபோது, அது தானாகவே அவரது கல்விப் பாடத்தை முடிவு செய்ய உதவியது.
  •  ராதாகிருஷ்ணன் மே 1903 இல் சிவகாமு என்பவரை திருமணம் செய்து கொண்டார். இந்தத் தம்பதியருக்கு பத்மாவதி, ருக்மணி, சுசீலா, சுந்தரி, சகுந்தலா என ஐந்து மகள்கள் இருந்தனர். அவர்களுக்கு சர்வபள்ளி கோபால் என்ற மகனும் இருந்தார், அவர் வரலாற்றாசிரியராக விளங்கினார்.

IPL_Entry_Point

டாபிக்ஸ்