U16 Women Chapionship: அறிமுக போட்டியில் ஹாட்ரிக் கோல்கள் அடித்து அசத்திய 13 வயது ஜார்க்கண்ட் சிறுமி அனுஷ்கா குமாரி
U16 கால்பந்து மகளிர் சாம்பியன்ஷிப் போட்டியில் களமிறங்கிய அறிமுக போட்டியில் 3 கோல்களை அடித்து கவனத்தை ஈர்த்துள்ளார் ஜார்க்கண்ட் மாநிலத்தை சேர்ந்த அனுஷ்கா குமார்.
தெற்காசிய கால்பந்து கூட்டமைப்பு சார்பில் யு16 மகளிர் சாம்பிஷிப் கால்பந்து போட்டிகள் நோபாள தலைநகர் காத்மண்டுவில் தொடங்கியது. இதில் முதல் போட்டியில் இந்தியா - பூட்டான் அணிகள் மோதின.
இந்த போட்டி முழுவதும் இந்தியா ஆதிக்கம் செலுத்தியதுடன் 7-0 என்ற கோல் கணக்கில் வெற்றி பெற்றது. இதையடுத்து இந்திய அணியில் அறிமுக வீராங்கனையாக முதல் சர்வதேச போட்டியில் களமிறங்கிய ஜார்க்கண்ட் மாநிலத்தை சேர்ந்த அனுஷ்கா குமார் மூன்று கோல்களை அடித்தார். ஆட்டத்தின் 17, 27, 40 ஆகிய நிமிடங்களில் கோல்கள் அடித்தார். வெறும் 23 நிமிடங்களில் இந்தியாவுக்கு மூன்ு கோல்களை பெற்று தந்தார். அத்துடன் ஆட்டத்தின் முதல் பாதியில் அடிக்கப்பட்ட 6 கோல்களில் மூன்று கோல்கள் அனுஷ்கா குமாரியால் அடிக்கப்பட்டது
ஆட்டத்தின் 61வது நிமிடத்தில் இந்தியாவுக்கான 7வது கோல் அன்விதா ரகுராமன் என்பவரால் அடிக்கப்பட்டது. சிறப்பான வெற்றியுடன் இந்த தொடரை இந்தியா தொடங்கியுள்ளது.