பஞ்சாயத்தைக் கூட்ட தயாரான பிக்பாஸ்.. சுடசுட உள்ளே நுழையப் போகும் போட்டியாளர்கள்! வெயிட் அண்ட் வாட்ச்

பிக்பாஸ் சீசன் 8 தொடர் கடந்த அக்டோபர் 6ம் தேதி தொடங்கியது. இந்த சீசன் தொடங்கிய நாள் முதலே பஞ்சாயத்துக்கு பஞ்சமில்லாமல் இருந்த நிலையில், தற்போது பிக்பாஸ் நிகழ்ச்சி 4வது வாரத்தை இன்றுடன் நிறைவு செய்கிறது.

பிக்பாஸ் எலிமினேஷன்கள்

பிக்பாஸ் சீசன் 8 முதலில் 18 போட்டியாளர்களுடன் தொடங்கியது. இதில் புதுவிதமான விதிமுறைகளின் படி முதல் நாள் அன்றே சாச்சனா வெளியேற்றப்பட்டார். பின் 3 நாட்களில் அவர் மீண்டும் பிக் பாஸ் வீட்டிற்குள் நுழைந்தார். மேலும் முதலாவது வாரத்தில் குறைவான வாக்குகளை பெற்று பேட்மேன் ரவீந்திரன் எலிமினேட் செய்யப்பட்டார் அதனைத் தொடர்ந்து இரண்டாவது வாரத்தில் அர்னவ் பெண்கள் அணியால் நாமினேட் செய்யப்பட்ட நிலையில், மக்களிடம் குறைவான வாக்குகளைப் பெற்று வெளியேறினார்.

மேலும் மூன்றாவது வாரத்தில் எதிர்பாராத வகையில் தர்ஷா குப்தா குறைவான வாக்குகளை பெற்றுள்ளதாகக் கூறி எலிமினேட் செய்யப்பட்டார். இந்நிலையில், 4வது வார இறுதி நாளான இன்று நிச்சயம் பெண் போட்டியாளர் ஒருவர் தான் எலிமினேட் செய்யப்படுவார் என எதிர்பார்க்கப்பட்டது. ஆனால், இந்த இடத்தில் தான் புதிய ட்விஸ்ட் ஒன்றை வைத்துள்ளது பிக்பாஸ்

பற்ற வைத்த விஜய் சேதுபதி

நான்காவது வாரம் முடிவுறும் வேளையில் வைல்ட் காட் என்ட்ரி மூலம் 5 போட்டியாளர்கள் பிக்பாஸ் வீட்டிற்குள் நுழைவார்கள் என கடந்த 2 வாரங்களாக தகவல்கள் வெளியாகி வந்த நிலையில், இது குறித்தான தகவல்களைக் கூறியுள்ளார் விஜய் சேதுபதி. இந்நிலையில், வைல்டு கார்டு என்ட்ரி குறித்த தகவல்ளை பிக்பாஸ் ப்ரோமோவாக வெளியட்டுள்ளது விஜய் டிவி.

பண்டிகை, கொண்டாட்டம் எல்லாம் முடிந்த பிறகு தான் நம் போட்டியாளர்கள் எப்படி விளையாட்டில் கவனம் செலுத்த வேண்டும் என்பதில் தெளிவாக இருப்பதாக கூறி உள்ளனர். இருந்தாலும், போட்டியாளர்களில் சிலர் மேம்போக்காகவே விளையாடி வருகின்றனர்.

புதுசா வைல்டா சில போட்டியாளர்கள் உள்ளே வரப்போராங்க. ஆளு புதுசா உள்ள வரும்போது, ஆட்டமும் புதுசா ஆடித்தானே ஆக வேண்டும் என சூசகமாக பேசியுள்ளார். இதனால், இன்று இரவு பிக்பாஸ் வீட்டிற்குள் புதிதாக சில போட்டியாளர்கள் உள்ளே இறக்கப்படுவது உறுதி செய்யப்பட்டுள்ளது. அவர்கள் யார் என்பதைக் காண இன்று இரவு 8 மணி வரை பொறுத்திருக்குமாறும் விஜய் சேதுபதி கூறியுள்ளார்.

வது வார நாமினேஷன் ஃபிரி பாஸ்

4வது வார தொடக்கத்தில் நடந்த நாமினேஷன் பாஸ் டாஸ்கில் பெண்கள் அணி வெற்றி பெற்று பாஸை கைப்பற்றியது. இதையடுத்து, நேற்று பெண்கள் அணி பிக்பாஸ் வீட்டில் யாரை காப்பாற்ற வேண்டும் என முடிவெடுக்குமாறு பிக்பாஸ் அறிவித்தது. இதையடுத்து பெண்கள் அணி, குழுவாக சேர்ந்து சுனிதாவை நாமினேஷன் ப்ரி பாஸை வத்து காப்பாற்றினர். இதையடுத்து, பெண்கள் வீட்டிலுள்ள அன்ஷிதா, ஜாக்குலின், பவித்ரா ஆகியோர் நாமினேஷன் லிஸ்டில் இடம் பெற்றுள்ளனர்.

எலிமினேஷன்

இந்நிலையில், பிக்பாஸ் வீட்டிலிருந்து 4வது வாரத்தில் யார் வெளியேறப் போகிறார்கள் என்பது குறித்த தகவல்கள் வெளியாகி உள்ளது. அந்தத் தகவலின் படி, அன்ஷிதா அல்லது பவித்ரா ஆகிய இருவரில் யாரேனும் ஒருவர் வெளியாக வாய்ப்புள்ளது என்றும், அதில் பவித்ராவிற்கு மக்கள் வாக்கு அதிகம் கிடைத்ததால், அவர் வெளியேற வாய்ப்புகள் குறைவு எனக் கூறுகின்றனர். அதனால், இந்த வாரம் பிக்பாஸ் வீட்டிலிருந்து அன்ஷிதா வெளியேற அதிகம் வாய்ப்பு உள்ளதாகத் தெரிகிறது.

ஆனால், பிக்பாஸ் வீட்டில் தற்போது புதிய போட்டியாளர்கள் உள்ளே செல்வதால் இந்த வாரம் நாமினேஷனை பிக்பாஸ் கேன்சல் செய்ய உள்ளதாக ஒரு தகவலும் வெளியாகியுள்ளது.